دنيا تقلب ما حسبنا حسابها

[الطائر المهاجر]

دنيا تقلب ما حسبنا حسابها= ما عاد ندري عجها من سحابها
ان امطرت ساقت لنا الخير والندى= وان غبرت شفنا العنا من ترابها
تخدع غريرٍ دالهٍ في زمانه = يطرد وراها لين ضيّع سرابها
لو يملك المليار ومليار ضعفه= في يوم يتركها ويلقى تبابها
ان كان من مال حلال وخالص=وزكّاه في وقته كسب من ثوابها
وان كان سرق ونهب ياقرد عينه= مهما بنى من مسجد في رحابها
وان كان ممن باع دينه لدنيا = ووجه شباب بالفتاوى لعذابها
مكشوفه اوراقه ومهما يتفتف= في كل قناة همها باكتسابها
لو كان في قلبه من الدين ذره= ماصار يفتي لين ضيع شبابها
راحوا طعام جحوش بيدين داعش=وبيدين حشد ايران خلته نابها
ينفذ اوامرها ولا يدري الهدف=وتخدعه بالمذهب يغره خطابها
وهي كل ما تبغى رجوع لفارس= لايام كسرى يوم كلٍ يهابها
ويوم العرب هدوا حصون لكسرى=بالقادسيه واستحلوا ترابها
صار الحقد ضد العرب ماتغير= سني وشيعي لو تغير ثيابها
تضرب بعضهم في بعض دون رحمه=وتحتل اراضيهم وتعلن خرابها
ولولا اتفاق بينها وبين امركا=ماصار ما شفناه يفضح حجابها

[خالد محمود الفردي]

صح لسانك دكتور عثمان ..
لي همسة من تلميذ يريد الإفادة من أستاذة
دنـيـا تقـلـب مــا حسبـنـا حسـابـهـامـا عـاد نـدري عجهـا مـن سحابـهـا
ان امطرت ساقت لنا الخيـر والنـدى وان غبـرت شفنـا العنـا مــن ترابـهـا
البيت الأول تسأل عن ماهية الدنيا التي إنقلب حالها وباتت رأس على عقب
وتأتي في البيت الذي يليه تقول
إن أمطرت ساقت الخير والندى وهذا أمر طبيعي
وإن أغبرت شفنا العنا من ترابها وهذا تكملة لطبيعية الحياة ..
كنت أرى لو أنك أعقبت البيت الأول ببيت يصف الحالة المنقلبة كان أجمل وأبلغ
تحياتي لك أيها الحبيب ..
تقديري ..

[داعي الشوق]

الله يكفينا شر الدنيا واسبابها

صح لسانك يادكتور

طرق كايف وشاعر جزل

الله يصلح احوال المسلمين

وصح لسانك مدد

ولاهنت

[الطائر المهاجر]

المشاركة الأصلية كتبت بواسطة خالد محمود الفردي

صح لسانك دكتور عثمان ..
لي همسة من تلميذ يريد الإفادة من أستاذة
دنـيـا تقـلـب مــا حسبـنـا حسـابـهـامـا عـاد نـدري عجهـا مـن سحابـهـا
ان امطرت ساقت لنا الخيـر والنـدى وان غبـرت شفنـا العنـا مــن ترابـهـا
البيت الأول تسأل عن ماهية الدنيا التي إنقلب حالها وباتت رأس على عقب
وتأتي في البيت الذي يليه تقول
إن أمطرت ساقت الخير والندى وهذا أمر طبيعي
وإن أغبرت شفنا العنا من ترابها وهذا تكملة لطبيعية الحياة ..
كنت أرى لو أنك أعقبت البيت الأول ببيت يصف الحالة المنقلبة كان أجمل وأبلغ
تحياتي لك أيها الحبيب ..
تقديري ..

هلا بك اخي الفاضل
البيت الأول يؤكد اننا لم نحسب حساب التقلبات التي اشير اليها على انها عج وسحاب
وهنا توريه
وفي البيت الثاني يوضح ناتج التقلبات
وفي الأبيات اللاحقه توضيح اشمل لنتائج التقلبات

شكرا لك
تحياتي

[منيع]

جزل ومبدع يادكتور
كل الشكر لكم
تحياتي

[بنت النور]

من جدالله يكفينا
سار كل شي يخوف بهذي الدنيا
صح لسانك وعتلى شانك
ابيات تحكي واقعنا
لاهنت
تقديري لسموك

[الطامي]

ياسلام يادكتور
مبدع كعادتك
صح السانك ملايين
ولاهنت

[ابن جردان]

وان كـان سـرق ونهـب ياقـرد عينـه
..........مهما بنى مـن مسجـد فـي رحابهـا

نص فاخر وذكي وحرفنه فكريه وثقافيه عاليه تدل على خبرته في الحياه

وانه عاش في غيّ الزمان وحلوه

ابداع يا دكتور وقصيده جزله وفيها قراءه كثيره للوقائع الحاصله في وقتنا الحالي

يعطيك العافيه على هالنص الفاخر

صح الله السانك

تقبل ودي واحترامي

[صنداح الزلامى]

صح لسانك واعتلا شانك شاعر مافيك حيله

[نجم الإبداع]

طيب طيب

صح لسانك يبو عبدالله

ماشاء الله متجدد الابداع

لاهنت