يابراد الصيف

[حمود جارالله المزيني]

يابراد الصيف ياظـل الهجيـر =يامعاليـق الحشـا يالغالـيـه
ليت لي جنحان باطرافي واطير= مايهمّن حـر شمـس القايلـه
يابعدهم من طريف ليـا عسيـر =ومن بقيق لحد سبـت العاليـه
ذقت طعْم الحب يوم اني صغير= بس حبّك حيـل كاسـه حاليـه
في وجودك أنتشي كنّـي أميـر = والملابس كـان غبتـي باليـه
ان عطشت القاك لي ميّ غديـر =أو ينابيـعٍ الوجـام السايـلـه
وان رضيتي منطقك لين الحرير = وان زعلتي اووب غلطه قايلـه
ما يجنّ الخود لك انـداد غيـر =من صفات الزين كلـه شايلـه
ان وصلتيني مثل جبر الكسيـر =وان هجرتيني عزومـي مايلـه
للهوى جيشٍ ليـا مـدّ النفيـر =قوّتـه لاهـاج قـوّه هايـلـه
ذا يصيح وذا يطيـح وذا يغيـر= وذول كسّابـه وذولا جالـيـه
حرب كل اللي يواجهـا خطيـر =صايلـه والا جموعـه زايلـه
لكن انتي مالنـا عنّـك مِطيـر =كـل ذره منْـك ماهـي خاليـه
نوب نرشح دمع من شانك غزير =ونوب نضحك والمشاعر ساليه
حبنا مبطي مهـو تـوّه غريـر =له غصـونٍ بالثمـر متْداليـه
عاذلي شف شعر بشّار وجريـر =والعصـور الاولـه والتالـيـه
لا .. بكيفك خل لومك لي كبيـر =مالك بلومي وانـا بـك ماليـه
اكتب الاشعار من دون استشير= أو أخاف من الهـروج الطايلـه
كل حاكم له وزيـر ويستشيـر =وكل شاعر بالقصيد الراي لـه
صحّ .. به شاعر مع العالم أجير =مـع قصيـده رمتّـه متمايلـه
صورة الاطماع لصقت بالنظيـر=يستـدر العطـف والا يحايلـه
لكن الحب المشـرّك بالضميـر=يجبر العاشـق بنـارٍ صاليـه
كان صاغ الشعر جابه مستطير=فـي بيـوتٍ ترتجـل متْتاليـه
هاك يا ريحانتي ماهـو كثيـر= مالقيت الا الشعِر مشكـى ليَـه

[الطائر المهاجر]

اثاريك رايح وطي
قليبك لايزال اخيضر
لكن حقيقة نص غير
من شاعر غير
صح لسانك
ولاهنت
تحياتي

[منيع]

ياسلام عليك
ابيات صفق لها القلب طربا
زدنا بارك الله فيك
تحياتي وتقديري

[عبدالله مذكر العقيلي]

ماشاءالله

نص رائع جدا

صح لسانك

وبيض الله وجهك

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[حمود جارالله المزيني]

الطائر المهاجر
يالغالي القلب اللي مافيه خضار فهو هشيم
أشكرك على إعجابك وردك

[ناصر عبيد الهواوي]

الشاعر حمود المزيني
صح لسانك جزلة ومن جزل
رائعة جدا الله يعطيك العافية
بيض الله وجهك تحياتي واعجابي

[حمود جارالله المزيني]

الاخ : منيع
أسعد الله قلبك
تقبل تحيتي

أحسنت أخي العزيز/حمود المزيني أحسن الله إليك

شكرا لك سيدي الكريم على إتحافنا بهذه الرائعة جدا

صح لسانك ، وبيض الله وجهك ، ولا فض الله فاك

دمت بسلام وسعادة وحب وألق أيها الأخ العزيز

[زهرة اللوتس]

ابدعت
صح لسانك
جزلة من راس جزل
لاهنت
تحية طيبة

زهرة