لـــيــــه يــاعـــشـــيري مـاتـــرد..!

[نايف مقبول العمراني]

ليـه ياعشيـري ماتـرد السلامـا=وش غيرك عطني جوابك وممنون
ليكون جالـك ياعشيـري كلامـا=قلي ترا ضاقت بي الارض والكون
والا تريـد انسـاك بعـد الغرامـا=لاوالذي له كـل خلقـه يصلـون
مانساك كان اموت واصبح عضاما=ولا انهبل واصير هـولٍ ومجنـون
ولا الحجل يكبـر ويصبـح نعامـا=والطير يمشي والبهايـم يطيـرون
والصقر يالف مع قطيـع الحمامـا=والذيب يكنز والحصانـي يعـوون
ولا البغل ينبـت بظهـره سنامـا=وشلون تمشي يافتى الجود وشلون
بعدك يصير الجو عنـدي ضلامـا=لتخلي ان النـاس لهلـي يعـزون
تبغى تهيض بـي جـروح قدامـا=ونا من اول فيني جروح وطعـون
كيف الوفا والود يصبـح حطامـا=راح الوفا بالناس ماعـاد يوفـون
ياما فديته ساعـة الضيـق يامـا=ياماسهرت وناموا اللي ينامـون
وحظ الشقا من لوعة البعـد قامـا=ومن زود لوعاتي بي الناس يدرون

[نجم الإبداع]

الله الله

صح لسانك ياصدى البوادي

مصافحه رائعه

لاهنت

تقبل مروري

وتقديري

[ناصر عبيد الهواوي]

الله الله يالعمراني
وش خليت تصميم ماله رجعة
رائع وبوح ممتاز لله درك ولا فض فوك
والســــــــــــــــــــــلام

[همس الورد]

نايف مقبول

صح لسانك اخي الكريم

و صح بدنك

قصيدة في غاية الروعة

تحية طيبة

[سناعيس]

الشاعر نايف العمراني
صح لسانك وبيض الله وجهك
على هذه الرائعه

لاهنت


تحياتي

[محمد عبدالله البدراني]

نايف مقبول العمراني

سلمه الله


مليون صح السانك


وعلا شانك


تحيتي وتقديري

[يوسف الشقران]

نايف مقبول العمراني


سعدت بتواجدي هنا


تحيتي وتقديري

[الـزلـزال]

كيف الوفا والود يصبح حطاما=راح الوفا بالناس ماعاد يوفون
ياما فديته ساعة الضيق ياما=ياماسهرت وناموا اللي ينامون

نايف العمراني



بوح رائع ومميز


من شاعر مميز ورائع


شاهدنا في هذا البوح


مناجاه للحبيب ولوم له وعتب على بعده


كما شاهدنا تصويرات جميله ورائعه


مبدع شاعرنا ومتقن لبوحك


صح لسانك ملايين ملايين

ولك فائق تحياتي

[نايف مقبول العمراني]

00صــح ابــدانـكــم00
((فلاح بن منشار))
((ناصر عبيد الهواوي))
((همس الورد))
((سليمان السكيبي))
((محمد البدراني))
((يوسف الشقران))
((الزلزال))

000مــــروركـم يـسـعــدنـي
وتـعـلـيـقــاتــكــم تـعـجـبـــــني000


اشكـركـم على مروركـم العـطـر

وعباراتكم الجمياة

000

((تحياتي لكم جميعا))

[الطامي]

العمراني
صح السانك وبنانك
جزلة من جزل
لاهنت