ياجامع الاموال وعيالك جياع

[مشعل التريباني]

بسم الله الرحمن الرحيم
الشاعر\ مشعل عسام التريباني الشمري
((ياجامع الاموال ((في 3\6\1433هـ))

ياجامع الامـــوال وعيالك جـــــياع (1) انفق ترا الدنيا مدى حبله قصير

جمعتها ماخــــذت منها ربع صـاع (2) كالنملة اللـــــي كل جمعه للبعير

انته علــــــى جمعه شــديد الاندفاع (3) وهي عندربك ماسوت حبة شعير

الله خـــــلـــق دنياه للــــــعالم مــتاع (4) والاتراها ماســـــــوت شيٍ يسير

المال مـــــابه للفتــى طـــولة ذراع (5) ياصارخيره ماوصل كـف الفقير

انفق على نفسك ولاتخشاالضـــــياع (6) واعلم ترا ربك على رزقك قدير

وزك وتصدّق واعط قدر المستطاع (7) واركب مــدام الله معطيك الكثير

والبس وكل واسكن بمسكان وساع (8) وفرشتك غيرها من الزل الشهير

وراعـيـّـتك خلك عليهاخـــــير راع (9) ارحم صغيره واحترم منها الكبير

ابذل قبل مـــــوتك ووقت الانقطاع (10) عن عالم الدنيا وتسكن دار غـير

بالاخـــــــره ما شلت منها الاذراع (11) ولايصحبك فيها صديق ولاشوير

اقرب قـــريب ابنك الياحان الوداع (12) مـــــــــازوّدك مثقال ذره لويطير

حطوك فــــي حفره تجي مقدارباع (13) يحضربها منكــرويحضربه نكير

عرفت قيمت مالك اللي قلت ضاع (14) يدفيك بذلك عـــــن تجمّد زمهرير

وسفينة الصدقه يساعدها الشـــراع (15) وظل السخا به تستظل عن الهجير

ياجــــــــامع الدنيا ترالدنيامـــــتاع (16) وهي عند ربك ماســـوت قيد البعير

لوكانت الدنيا بها خـــــــــيرورفاع (17) ماكان للكافربها موضع ســــــــرير

ولوكانت الــــــدنيا تــدوم بلاانقلاع (18) مــــــــامات راعيهاولاعاش الفقير

ولاياخذالعصفورمــن عيش السباع (19) اصلاولاحتى قــــــــــدريرد الغدير

بس استمع لي زين واصغ الاستماع (20) واعلم ترا الصدقات تاقاك السعــير

[محمد بن عمار]

اخوي مشعل
صح لسانك وجاد بيانك
ابداع وتميّز لافض فوك
تحيتي وتقديري

[مشعل التريباني]

محمد بن عمار
صح بدنك وشكرالك على المرور والاطرى الله لايهينك مرورك شرف لي

[الراقي]

مبدع واستاذ شعر

صح السّانك ولاهان منطوقك

و دامت نبضات قلبك

واصلنا ببداعاتك ياقرم

[الطائر المهاجر]

امتعتنا بهذه التوجيهية الرائعه
صح لسانك
ولاهنت
تحية وتقدير

[هترل]

صح لسانك وفكرك يامشعل مدد
ابدعت وامتعت لاهنت

ودي ,,

[مشعل التريباني]

الراقي
الطائر المهاجر
هترررول
شكرالكم جميعا على المرور المشرف الله لايهينكم على هذا التفاعل مع النص

[داعي الشوق]

صح لساانك مشعل و طاب حالك و بالك

قصيده هادفة المعنى و بها من النصح الشي الكثير

لاهنت و صح لسانك مع التقدير

[ابراهيم غضيان الشراري]

الله على الرائعة.
صدقت أخوي مشعل.
صح الله لسانك يامبدع.
تحياتي

[روحي تحبك]

صح لسانك واعتلا شانك
طيبه من راس طيب

تحياتي