الربيع العربي

[سعيد عوده الحويطي]

اخواني اعضاء منتدى الفطاحلة السلام عليكم ورحمة الله وبركاته
اقدم لكم هذه القصيدة وامل ان تحوز على رضاكم

قالو ربيع وقلت حي الربيعي = حي الربيع وحي منشا سحابه
لكن رييع اليوم ماهو طبيعي = حتى ولو ان الاسامي تشابه
هذا ربيعِ للعروبة جميعي = ربيع حرية تنوع اسبابه
سيله جرف حكم الطغاة الفظيعي = وبقيت على اضفافه تنابح كلابه
وكل يبي ياصل لنفعه سريعي = وتحولت رعيان عشبه ذيابه
كل على كيفه يشكل قطيعي = وتفرقت كل المصالح نهابه
مابين علماني وسني وشيعي = كل على خصمه يشن الحرابه
حتى طمع فينا عدو وضيعي = يشب نيران الفتن غير آبه
والفارس اللي من عربنا شجيعي = يادوب يستنكر ويفتل اشنابه
ماهزته ثكلى وطفل رضيعي = ولا حركت بعض المناظر اعصابه
مادام كرسيه قوي منيعي = ماهو بحال الكون واللي جرا به
الله أكبر يالزمان الشنيعي = ماعاد باقي للعروبه مهابه
ضاعت مهابة قومنا في الربيعي =أبغض ربيع الله يعجل ذهابه

[الطائر المهاجر]

وكل يبي ياصل لنفعـه سريعـي=وتحولت رعيـان عشبـه ذيابـه
كل على كيفـه يشكـل قطيعـي=وتفرقـت كـل المصالـح نهابـه

ياسلام عليك بالفعل هذا الحاصل

صح لسانك ملايين
ولاتهون
مع اطيب تحياتي

[طوفـــان]

صدقت بكلامك يالحويطي ..

صح لسانك ، والله يزيل الغمة عن بلاد الإسلام ..

أشكرك على طرحك ولك تحياتي

[داعي الشوق]

صح لسانك مليووووووووون

قصيدة تستحق الاشادة والاطراء

ورائعه بروعة قلمك و فكرك

بيض الله وجهك يا بو توفيق

وصح لسانك مدد

[بنت النور]

صح لسانك مليون مايكفون
لاهنت
مع اطيب تحياتي

[الطامي]

الحويطي
صح السانك ملايين
ابدت اخي
والله يكفينا واياكم شر ربيعهم المسمى
عندهم ونحتدهم ان شاء الله
لاهنت

[عبدالله الشويمان]

صح لسانك يا اخ سعيد

نص جزل مبنى ومعنى يا الجزل

دمت بخير وصحه وسلامه ولا هنت

[حي الضمير]

صح لسانك مدد
على هذه الابيات الجميله والراقيه.
لا عدمناك يا مميز

[منيع]

مبدع وجزل وواقعي
شكرا لك
تحياتي

[الزايدي]

ضاعت مهابة قومنا فـي الربيعـيأبـغـض ربـيـع الله يعـجـل ذهـابــ

سلمت وعشت
وصح لسانك ملايين
ولاتهون
اطيب تحياتي