ماجد المهدي تفضل

[الطائر المهاجر]

لقيت ان الرجل ماهو بسنه او بمال وجاه = وعرفت ان العقل نعمه وقله من يواربها
وعرفت انك مع الايام حر واضحٍ مغزاه = ومن كانت ذي طبوعه تميز بين اعاربها

[ابومياس]

ياسلااااااااااااااام ننتظر ابومهدي

[ماجد المهدي]

المشاركة الأصلية كتبت بواسطة الطائر المهاجر

لقيت ان الرجل ماهو بسنه او بمال وجاه = وعرفت ان العقل نعمه وقله من يواربها
وعرفت انك مع الايام حر واضحٍ مغزاه = ومن كانت ذي طبوعه تميز بين اعاربها

هلا بك يا عزيز القدر يا خلٍ فؤادي افداه = طبوعي يالغلا صفحة وباين لك مقاطبها
مهاجرنا ترى مكسب وحنا طالبين رضاه = ومن لا يعرفه دنياه ضيعها بمكاسبها

[ابومياس]

ياسلام ياماجد صح لسانك انت وابوعبدالله

مستمتعين معكم

واصلوا

[الطائر المهاجر]

انا يالذيب خذت من العلوم ودنيتي مرساه = على مينا العقل ماهي عواطف دوم اقلبها
عرفت ان الرجل لاصار حرٍ يحكمه مبداه = وبغاث الطير ما تنشد ولو طالت مخالبها

[ماجد المهدي]

ومنك منبعي يروى وتصفى سيدي ارجاه = وانا ما قلته ابحقٍ وصدقٍ كل مطالبها
عسى دايم نبيض وجهنا صوبك ومن نلقاه = ونبعد حيل يا طائر من الدنيا ومصايبها

[الطائر المهاجر]

اذا منك تبي عرف الرجل فانظر إلى ممشاه = وكلمة تنطلق كالسهم ما يقدر يغالبها
لتفضح ما يواري ثم تكشف سر لو اخفاه = تبين معدنه من سلعة للسوق جالبها

[ماجد المهدي]

صدقت وهذه الكلمة تذكرني كما المرآه = تبين حالة الرجال ظاهرها وغايبها
وطيور الغصن يا الطائر على اشكالها اشباه = وبعض الناس مظلومه وظالمها صويحبها

[ماجد المهدي]

وينك يا الطائر لا تكون شردت

صيدوووووووووووه يا الفطاحله

[سناعيس]

عشتو وبيض الله وجيهكم
شاعرين تفتخر بكما الفطاحله
متابعين وقواكم الله