قصيدة يالله اني طالبك

[سعيد عوده الحويطي]

اخواني اعضاء منتدى الفطاحلة اقدم لكم هذه القصيدة بعنوان (يالله اني طالبك ) ارجوا ان تحوز على رضاكم

يالله اني طالبك وانت الرجالي=يا اله مالنا معبود غيره
ثبتني بالحق في يوم السؤالي=الى سالني ناكر ولا نكيره
الا اتركوني عزوتي بقبر هيالي=وسط قبر ردوا من فوقه حفيره
وقفوا الاصحاب وخلوني لحالي=لا صديق ولا قريب ولا عشيره
ولا نفعني ما جنيته من اموالي=غير ما قدمت عند الله ذخيره
وشفت ما قدمت محفوظ قبالي=وبانت عيوبي وبيحت السريره
وغير عفوك ما بقى فيها امالي=با غفور يارحيم بمستجيره
وحدة من ثنتين مافيها مجالي=اما جنت خلد او نار السعيره
عندها يالله تجعل لي منالي=في جنان الخلد مثواي ومصيره
ومن بعد هذا اسمعوني يا عيالي=اسمعوا مني عسى في الامر خيره
اسمعوا نصحي ومضمون المقالي=من تجارب شفتها بعمري كثيره
الاولى الدين لا يجي به جدالي=واتبعوا درب الطريق المستنيره
سنة التوحيد ما عنها محالي=ومنهج الاسلام دستور ومسيره
ول تخلوا عن مواجيب الرجالي=من بغى الطولات ما هاب العسيره
واعرف ان دنياك هذي الى زوالي=والو ملكها انسان ماراحت لغيره
ان اقبلت يازين ضحكات الليالي=وان ادبرت ياشينها الدنيا الغريره
والسعيد اللي كسب حسن العمالي=ولا فتنه ابليس بالدنيا الحقيره
واعرف ان احقوق والدينك اجلالي=ما تجاهل حقهم نفس بصيره
من بعد توحيد ربي ذي الجالي=امر بالاحسان فيهم والبريره
برهو وابذل لهم حسن الخصالي=وعرف ان عقوقهم حاجة كبيره
وانا والله في حاجتكم لا محالي=الى عجزت وصارت الخطوة قصيره
الى بلشت بلبس ثوبي والعقالي=وصارت لقوماتي خشيره
اعتنوا بي لا يجي منكم اهمالي=واحفظوني لين اكمل هالمسيره
ما بقى لي عندكم غير الدعا لي=الى رحلت وصرت بالدار الاخيره
وصلاة ربي عد ما يمطر خيالي=على شفيع الخلق من نار السعيره

[عبدالرحمن الصباح]

ياسلام عليك اخوي سعيد قصيده رائعه من شاعركبير وهذه رسالة الشعر صح السانك ودي وتقديري لك

[منيع]

مناجاة رائعة ومؤثرة
احسن الله لنا ولكم حسن الخاتمة والعمل الصالح
شكرا لك
تحياتي

[الطامي]

س الحويطي
صح الله السانك وبنانك وفكرك
رائعة جدا
ويالله بحسن الخاتمه للجميع
هي الدنيا والعمر الله يبارك لنا ولك في ذرارينا
ويرشدهم الى البر في حياتنا والدعاء في مماتنا
شكرا لك

[حي الضمير]

رائعه وابدعت
صح لساااانك مدد يامميز

[داعي الشوق]

صح لسانك مليوون يا بو توفيق

و الله يرحمنا و ياك و المسلمين بواسع فضله

ابدعت يالشاعر و أجزلت

ولاهنت

[الطائر المهاجر]

صح لسانك واعتلى شأنك
نص رائع من شاعر رائع
لاهنت
دمت بود

[البرقان]

اتحفتنا بهذه الرائعه
صح لسانك وفكرك
ولاهنت
تحياتي وتقديري

[الـزلـزال]

سعيد الحويطي

نص رائع وجميل
من شاعر متميز ورائع في كل مايقدمه
أبدعت وأمتعت شاعرنا
دمت بخير ودام لنا حرفك
صح لسانك ملايين ملايين
ولك فائق تحياتي وتقديري

[عبدالإله]

راقيه

صح السانك

أرتقت للشموخ في قامتك

دمت بِكُلِ مَوَدَةٍ