دخيلك يا حبيبي

أحبتي أسرة منتديات الفطاحلة

صباحكم/مساؤكم خير ، وشعر ، وعطر ، وحب
يسرني أيها الأحبة أن أصافح أعينكم وقلوبكم بهذه المتواضعة كمصافحة أولى ، راجيا أن ترتـقي إلى مستوى ذوائـقكم الأدبية الراقية ، وأن تنال بعض الرضا والإستحسان.


دخيلك يا حبيبي

ترى عمري ، وروحي ، والعيون ، وما بقى يفداك=أقوله صادق ومخلص ، وربي يعلم ويدري
حبيبي لاتظن إني ولو طال الفراق أنساك=أنا والله ما أنسى من يقاسمني الهوى العذري
حبيبي لا سمعت اسمك ، وجابوا ذكرك وطرياك=يفزّ القلب ، يكفخ للمطير ، ويمنعه صدري
حبيبي كم تمنيت أهتني لو يوم أنا وإياك=ولكن لا طلبتك يا حيبيبي ، قلت لي: بدري!
حبيبي لا متى هذا التغلي والصدود هناك ؟=حبيبي ليلك المظلم ، متى ينزاح عن فجري؟
حبيبي ، لك حبيبٍ لا طلبته ، قال: سم وهاك=ولا يبخل عليك بكل ما يملك ، وبه تدري
عطيتك يا حبيبي كل ما تطلب من أجل رضاك=عطيتك بالغلا قدرك ، وعطني بالغلا قدري
رسمتك في خيالي يا حبيبي منتهى الأفلاك=كتبتك في قصيدي صادق إحساسي وفي شعري
حبيبي يا بعد عمري أحبك حيل أنا وأهواك=دخيل الجمرة اللي في شفاتك ضوحها يسري
دخيل الليل الأسود فوق متنك ، لا انتثر غطاك=دخيل الوجنة الخجلى ، دخيل عيونك الخُدرِ
دخيل القد الأهيف لا تثنى مثل غصن الراك=دخيل الورد في خدك يفوح بريحه العطري
دخيل البسمة اللي ترتسم لأجلي على محياك=دخيل الهمسة اللي فعلها في مسمعي سحري
دخيل اللولو اللي لا ابتسمت يبين بين شفاك=دخيل البشرة اللي لونها يا صاحبي خمري
دخيل أمك وأبوك ورحمة أمواتك ومن سَمّاك=دخيلك لا نطقت اسمي ، وقلت: ( حسين يا عمري )
دخيل أوصافك الأخرى ، دخيلك لايذٍ بحماك=دخيلك لا توديني من الدنيا إلى قبري

حسين السبيعي

[مبروك بن ماضي]

كم يسعدني أن أكون في مقدمة
لافض فوك شاعرنا القدير / حسين السبيعي
كل الشكر لك أخي النبيل على قبول الدعوة
وإتحَافنا بكل هذا الجمال والجزاله
سجل إعجابي وسعادتي بالمرور بين أحرفك المشرقه
دمت أخا وشاعراً شامخاً أعتز بوجودي في متصفحه
تقبل تحياتي واحترامي الكبيرين
أخوك / بن ماضي

[الطائر المهاجر]

مصافحةرائعة من شاعر رائع ومبدع
صح لسانك وفكرك
ودام ابداعك
ولاهان راسك
تحيتي ومودتي

[احمد الجريفاني]

رائعة بروعتك سلمت يا الغالي

[حي الضمير]

صح لسانك وعلا شانك
قصيده جزله من راس جزل
ولا عدمنااااك
أجزل التحايا والاحترام يامميز

[سناعيس]

الله الله
ياحسين السبيعي
صح لسانك ولله درك
رائعه وجزله
لاهنت


تحياتي

[عبيد دعيع القلادي]

مصا فحة رائعة من شاعر رائع ومبدع

صح لسانك وفكرك

ودام ابداعك

ولاهان راسك

تحيتي ومودتي

[عبدالرحمن بن زهير]

شاعرنا حسين ونعم بك وبلابتك قصيده جزله من راس جزل يالقرم لاهنت

[الطامي]

حسين السبيعي
صح السانك
جزلة وطيبه
لاهنت

[داعي الشوق]

و صح لساآآنك يالشاعر حسين

معاني جميلة و قصيدة جزلة

و مصافحة دسمة



تحيتي لك مع التقدير

و صح لسانك