<<.. إلى كــل بــنــت نــاشـبــه في حـلــق أهــلــهــا ..>>

[شوق]

,,..إلى كلـ بنتـ ناشبهـ فيـ حلقـ اهلها..,,

وماتزوجت مع انهم حاطين معها اختها مجــاناْ

* كيف تصطادين المعرس .

للإجابة على هذا السؤال

إليكِ مايلي:-

* أهم نقطة ركزي على العجوز اللي حاطه عينك على ولدها

ثم نفذي ما يلي :-

1) خليك مع امك لاتروحين مع البنات وتتهيبلين اصبري عنهن كم شهر لين تتم العمليه .

2) امشي وانتى حاطه راسك بين كتوفك لاترفعينه ابد حتى لو يصير كله صعارير ( خلي الفكس دايم في متناول اليد )

علشان يقولون مؤدبه وماهي متكبرة.

3) كلمة خالة خليها على لسانك وخاصةلأم المعرس علشان تحس بنوع من التميز عن بقيةالعجز

لامانع تنادين عجوز ثانية بخالةعلشان اذا مانجحت الخطة مع العجوز نمبر ون تنجح على الثانيه <<< الاحتياط واجب يابنيتي

4) اذا بدت امك تتكلم انغزيها بكوعك علشان تدخلك بالموضوع حتى لو مالك داعي تطبيقاْ للمثل (كثر الطق يكسر الحديد )

ادري المثل ماله داعي بس مالقيت غيره .

5) اخوانك الصغار لاحقيهم وطامري معاهم وين مايروحون حتى لو ماهي عادتك بس تصرفي معهم كانك امهم

عشان العجوز تاخذ فكرةانك حريصة على ذريتك ( جعلهم عقبك )

6) كل ما اكلت امك من اكلة زينة خليها تقول : نفس الأكلة اللي تسويها بنتي

( حتى لو الاكل من المطعم الصيني أو المكسيكي!!! ).

7) اذا جيتي بتمدين ايدك جعلها للكسر <<< خربتها

وتوجعي وخلي امك تقول : قايله لك وانا امك لاتنظفين جدران الفلة الخارجية بس انتي الله يهديك ذابحتك
النظافه

<<< جعلي ما ابكيك اجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية.

8) اذا تكلموا الحريم عن العرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها

<< بس لاتكتمي نفسك كثير أخاف تروحين فيها واصير قتلت نفس بغير حق ؟؟!

9) مهما كان موضوع الحوار حماسي لاتبدين رايك خليك مثل الطرمان اللقافه تجيب اجل الخطه

10) شعرك افرديه لاتخلينه طاير وشوشه مهما كانت الموضه لان العجزه ما يدورون الا اللي

شعورهم ناعمه والا اللي شوشهن طايره محد يلتفتلهن (مع احترامي للي لهن شوش طايره )

11) إذا أدلت العجوز (أم المتوهق) بأي راي سواء سياسي ولا وطني ولا اقتصادي وافقي عليه

حتى لو انه ماسخ وماله داعي

مثلاْ تقول العجوز: أمس بوش متقهوي عندنا يا فلانه قولي لهاوليه ماعلمتينا ياخالة نجي نعاونكم؟؟

12) في العروس لا ترقصين واعتبري الرقص عيب وشق جيب اقضبي أرضك وانثبري.

13) اذا جا طاري السوق وهو طبعا فلازم يجي الطاري لانه ملح الجلسه عند الحريم خلي امك تقول

( الله يعظم اجر اميمتك)

بناتي مايطلعون للسوق ابوهم يجيب اغراضهن .

احتمــــــــــال وارد الحــــــــــدوث يمكن تكون العجوز مركزه على بنت غيرك لكن بعد النقاط السابق ذكرها

بتصرف نظر عنك وعنها <<<< امزح لاتصدقين


ماعليناااااااااا المهم اللحين العجوز بتكون وقعت بالفخ

* نروووووووووح للمعرس اللحيـــــــن *

* اهجدي في بيت أهلك ولاعاد تطلعين واذا جا المعرس بيشوفك خلي أبوك يقول والله ودي

تشوف البنت بدون ماتدري علشان تاخذ راحتك وانا عمك وبعدين تشوفها على الطبيعه علشان ماتقول غشيتوني

<< إيه هين يالشايب والله لو بيدك لتحط مكانهاباسكال مشعلاني ولا نوال ولا غيرها وغيرها

* وقبل يجي اليوم اللي بيشوفك فيه بحوالي اسبوع او اكثر ( على حسب )

اركضي من صالون لصالون (صبغه، فرد، تنظيف بشرة ....الخ) لاتخلين على روحك قاصر

ولما يجي المعرس خلي اخوك ياقف جنبه عند الشباك عشان ما يطوّل بالتبحلق

ويبان المستخبي وذلك تطبيق لنظرية اللمحه ذبحه.

* بعدها عاد كيف بيشوفك هذي عليك ماهوب كل شي بعلمك اياه

دبري عمرك بس خلي ابوك بنهاية المشهد يقول : العذر والسموحه وانا عمك << العود ضمن الولد يوم يقوله وانا عمك

ترا البنت حوسه

(مع انك طاقه كل زينك ) بس بهاللحظه الولد بينط على راس ابوك و يبوسه لين يشفط مخه وبيقول متى العرس ياعم

( اللهم ارحمه فقد كان باراْ بوالديه )

عاد الله يوفقك ولا تنسينا من حلاو العرس واياك تعلمين الولد من معلمك هالعلوم

ولا حتى باسمي اتفقنا


[blink]تحذيــــــــــــــــر [/blink]

ابتعدي عن امهات العيال اللي متعلمات راعيات الشنطه مثل لون الجزمه

لان هذولي يبيلهم خطط بعيدة المدى نصيحــــــــــــه

رفيقاتك بيلاحظون التغيرات المفاجئه اللي صارتلك فانتي قولي لهم انك

خلاص انسانه عرفتي درب السنع والعداله

**
كلوووووش منك العيال ومنه المال وان شاءالله تعيشون في سبات ونبات

وتخلفون صبيان وبنات

<<ابقعد على قلوبكم لما تعرسووون كللكم>>>

ترى الطريقه مجرربه وناجحه ميه%بعد بس أنتي ماعليك إلا التنفيذ


منقول

لفلة الحجاج والوناسه بس

[شموخ سدير]

هههههههههههههههههههههههههههههه هههههههههههههههههههههههههههههه هههههههههههه

مت من الضحك بس هاللطرق مغبره وقديمه وابشرك هاللحين مايبون الثقيله مره يقولون ثقيلة دم وماااااااااااااصله

عشان كذا خير الامور الوسط .......

ولي رجعه ان شاء الله ارد على كل سطر .....

س سؤال هاللي ناشبين في حلوق اهلهم كم يكون اعمارهم ؟؟ ومتى الوحده تحس انها دقرت ونشبت ؟؟؟؟

ههههههههههههههههههه

شوق

ماشاء الله

موضوع رايييق

والعجايز الله عليهن كل شي يسونه


والحين فيه مجلات وخطابين شياب وشباب

وقنوات وانترنت كلها تزاول نفس النشاط


ماعاد هي على العجايز بس هههههههههههه

احترامي وتقديري

[بارقةأمل]

في العروس لا ترقصين واعتبري الرقص عيب وشق جيب اقضبي أرضك وانثبري.

ههههههههههههههه شوق كلش إلا هذي لايمكن مقاومتها وعني ماتزوجت خخخخخخخخخخ

بس تدرين ان فيه ناس يقولون ان اللي ترقص في العروس ما ترقص إلا عشان تنخطب ؟؟؟!!!

يعني مااحد شايفها إلا لين ترقص خخخخخخخخخخخ ليه باقي الصاله ظلما مايشوفونها ههههههههه[/
]

--------------------------------
3) اذا جا طاري السوق وهو طبعا فلازم يجي الطاري لانه ملح الجلسه عند الحريم خلي امك تقول

( الله يعظم اجر اميمتك)

بناتي مايطلعون للسوق ابوهم يجيب اغراضهن .

وهذي بعد مستحيلة هههههههههههههههههههه

هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههههههههههههههههههههههههه هههههههاي فقعت ضحك لدرجه الشعاله ادخلت علي تقول انتي كل يوم اضحك انتي خلاص مرييييييييييز روحي مستشقى دله هع هع

نعنبووووووووووووووووووووو العرس عمرنا ماعرسنا وش هالمذله

بس من جد طرق شيييييييييييييييييي

تسلمييييييييييييين يابعدهم

خخخخخخخخخخخخخخخخخخخخخخخخخخ

قسم بالله انواع الضحك في موضوعج ياغناتي



وتوجعي وخلي امك تقول : قايله لك وانا امك لاتنظفين جدران الفلة الخارجية بس انتي الله يهديك ذابحتك
النظافه

<<< جعلي ما ابكيك اجل بتنظفين جدران الفلة نظفي غرفتك أول اللي تقولين ثايرة فيها قنبلة ذرية.

خخخخخخخخخخخخخخخخخخخخخخخخخ

عاد هنا تصدقين والله انه صدق قنبلة ذرية وأكوام من الملابس

والشنط والشباصات <== احلى ياشباصات قديمه انتي خخخخ

بصراحه والله انا ماني ناشبه في حلق هلي فديتهم وكل يوم فيه معرس واذا جا النصيب

جا غصبن عن العجز الحبيبات

<== احب العجايز اللي من 80وفوق عندهم حنان غير طبيعي اسألوني عنه الله يرحم جدتي

شوووووووق

مشكورة فديتج على الموضوع الفله ولاهنتي ^_^

تحيتي لج / مشاعر _ عزوة ابوها

راحوا فيها العالم خخخخخخخخخخخخخخخخخخ

ترى الطرق ذي مازالت ناجحة لكن .. صار فيها تغير يعني صارت الأمور حسب كل عائلة فيه ناس ترى خطبت الأم أو الحريم عيب وفيه عائلة مايخطبون إلا عن طريق الحريم .. وفيه عائلة الولد يقول لا أنا الي أختار وكل ناس يختلفون عن ناس ...

لكن تظل الطريقة الشوقية (نسبة لشوق) طريقة مازالت تعمل وصالحة للعمل خخخخخخخخخخ

الله يزوج الجميع آمين يارب ويستر عليهم

[شموخ سدير]

شووووووووق تصدقيني فيه وحده انا ماواطن ولدها لان بيني وبينه اكثر من 12 سنه وهي ناشبة لي

قلت يمكن عشاني ثقيله ......... قلت يابنت وسعي الصدر وعطيها اشكل عشان ترتاحين من عيونها

ومايمديك تبين هبال تبين عربجه كل شي سويته والى الان وهي تطري الطاري ولا انبسطت بهبالي

والمشكله انها تخطبني من 5 سنين والى الان وولدها ماعرس تصدقين صرت ادور له


يعني يوم اني كنت ثقيله مهوب ازين ........

[البتار]

مشكور
على ما افدتنا به
تحياتي

[الهامس]

بارك الله فيك
كتبت فقرأت فاستفدنا
تحياتي واحترامي