انت بدوي خلك بدرب البداوه

[الطائر المهاجر]

انت بدوي خلك بدرب البداوه = وإلا صفر سبعه فلانتاب محسوب
حنا الحضر في نجد مناب جاوه = حنا الأصل والفصل في كل ماجوب
كلام ناقص من دلوخ الغباوه= اللي يرون الناس من عقل مثقوب

هذا مطلع قصيدة بودي لو نكملها جميعاً شعار وشاعرات الفطاحلة
لتنطق بلسان حالنا جميعا ، ولتترجم المبدأ الذي قام عليه الموقع
حرية / مساواة / عدالة

هادف دائما
يا أبو عبد الله
تبي توصل لنا فكرة رائعة
لكن والله ما عندي وقت ألعب معك الليلة بكرة دوام وأنت خابر صاحبك
فالدوام ما يحتاج
عموما أنتظر عميلك واحتمال أشجعكم نصف ساعة

[الطائر المهاجر]

هلا بك أخي محمد
الهدف هو بناء قصيدة جماعية كما شرحت أعلاه.
تحياتي الطيبة

صح لساااني مليوووون

ابيات تهيض طال عمرك

لى عوده

[عبدالله الشويمان]

الاخ مشرفنا العام العزيز

بارك الله فيك..ولكني لا أشجعك على هذا المطلع .

وهذا رأيي الشخصي.

[الطائر المهاجر]

طيب حط مطلع اطيب منه

ليه التغير يالربع ؟

<=====<< كمل على المطلع ولكن عنده سؤال فيه حد معين بالابيات
ولاعادي احط ست سبع ابيات

؟

أسف على المداخله

الراي رايكم


ولكم الحريه في تغير المطلع


تحيتي

,

[الطائر المهاجر]

خلاص مادامه ما حط من عنده مطلع فكمل لاهنت
وبالعدد الذي تراه
شكرا لك
تحياتي الطيبة

[عبدالله الشويمان]

المشاركة الأصلية كتبت بواسطة المشرف العام

خلاص مادامه ما حط من عنده مطلع فكمل لاهنت
وبالعدد الذي تراه
شكرا لك
تحياتي الطيبة

يا ابو عبدالله والله ادري عن هدفك سامي وانت جزل ولا تجيب الا جزل...

ولا فيك قصور...بس صفر سبعه ما دخلت مزاجي ..

وهذا المطلع ان اعجبكم ولا تراكم مسموحين ولا راح يجي بخاطري اي شيء..

حنا عرب وخوان حضر وبداوه=مافيه فرقٍ بيننا الكل محسوب
وكلٍ لجده منتسب والحلاوه=ببلادنا إنعيش والشك محجوب
راح التعصب وبتدينا النقاوه=اليوم يد وحده على كل ماجوب
شرقي وشمالي والجنوبي صفاوه=مع نجدي وحجازي ربا الكل محبوب