عيوني معلقه بالباب

[ابو أنس]

بسم الله الرحمن الرحيم[/align]
قبل سنتين أو مايزيد كنت على موعد لإجراء عملية بالمنظارلإبني أنس في مستشفى التخصصي لإزالة ضيق خلقي في أسفل المريئ كان يعاني منه منذ صغره وعند دخوله الى غرفة العمليات كان هناك بعض الملابسات المتعلقه بتغيير الطبيب المقررلإجراء العمليه وتأخرهالساعات عن الموعد وتخوف الإبن المتزايد وتراجعه عنها ثم تحذير الطبيب بمضاعفات العمليه التي قد تنذر بتدخل جراحي سريع يفتح الصدرمن خلاله للسيطره على هده المضاعفات ان حدثت لاسمح الله وفي لحظات الإنتظار كانت هده الأبيات.

عيوني معلّقه بالباب لامنّه فتح وانهج=يهز القلب زلزال(ن) علىاعلى فولت يومي به
الى من الهوى رجّه نفض قلبي وجسمي ارتج=تسمّع لجة ضلوعي بصدري غصب مدري به
ثمرقلبي ودونه باب وآلات وبشر ماحتج=طريح(ن) بينهم مااشعربتخديره وتقليبه
كوتني دمعة(ن) تذرف وصوت(ن) غرغروهدّج=ونظراته تقول افزع وش اللي جابني مصيبه
يبوي ان كان مدخالي سهل ياصعبه المخرج=وكيف انهض وحولي جيش ماعرف وش تراتيبه
ولااشوف الوجيه وبس ..قدامي عيونن بج=يحركهم باشاراته وهرج(ن) صعب تعريبه
عطوه ابره وروح بالمنام بغفوته سوهج=وقالولي تريث وانتظر لاخلّص نجيبه
خرجت بجسمي وقلبي يرفرف عندهم يوهج=تحلف ان الغضا جمره تبرّى من لواهيبه
قعدت احسب ثواني الوقت لاتمشي ولاتدرج=تحسب ان الدقيقه ساعة (ن)ياثقل تسحيبه
عفب مايبست عروقي وجف الريق باب انهج=دخلت وضحكة الدكتور الين الإدن ياطيبه
واناعيني على ابني لحظه ولحظه بوجه ابلج=يقول ابشريجمع عدته وانهى مواجيبه
عقب ماغيب المنظار في صدره بسحب وزج=وازال الباس من جوفه حسب فنه وتدريبه
حمدت الله شكرته ثم للدكتور قمت الهج=عسى ربي يجازي فعله المحمود ويثيبه

[أم ريما]

عطوه ابـره وروح بالمنـام بغفوتـه سوهـج
وقالولـي تريـث وانتظـر لاخلّـص نجيـبـه
8 خرجت بجسمي وقلبي يرفرف عندهـم يوهـج
تحلف ان الغضا جمـره تبـرّى مـن لواهيبـه
9 قعدت احسب ثواني الوقت لاتمشـي ولاتـدرج
تحسب ان الدقيقه ساعـة (ن)ياثقـل تسحيبـه



الحمدلله على سلامه أنس وصح لسانك .. قصيده جميله نابعه من قلب الأب الحنون

بارك الله فيك وحفظ لك ابنك ... تقبل تحياتي

مـراقـبي ....الـ .. فـاضـل ..


أبـو .. أنــس ..


بـ اخـتـلاف .. الـ عـواطـف ..


وتـَـذبـْـذُب .. الـ ... مـشـاعــر ..


وتـعـَـدُّد .. الـ .. عـلاقـات ..


كـ .. عـاطـفـــة .. الـ .. والـديـْـن ..


لــمْ .. يـُـخـْـلـَــق !!!!


/


بـَــوْحٌ .. غـشـاهُ .. الـ .. صــدق ..


وأحـاطـَــهُ .. الـ .. حـنــان ..


مـا .. عـسـى .. أن .. يكــون ..


ثـنــاؤه !!


صـ كـلـكـ ــح ..


وحـمــداً .. لله .. على .. ســلامــة .. أنـس ..


أقـَــرَّ .. الله .. عـيـنـيـْـكَـ .. و .. والـدتـه .. بــه ..


دمــتَ .. وذويـكَـ ..


بـ .. ســـلام ..


بـ انتظـار .. الـ مـزيــد ..


معلمي ..

..

[الأمـــل]

ثمرقلبي ودونـه بـاب وآلات وبشـر ماحتـج
طريـح(ن) بينهـم مااشعربتخديـره وتقليبـه
كوتني دمعة(ن) تذرف وصوت(ن) غرغروهـدّج
ونظراته تقول افزع وش اللي جابنـي مصيبـه
-----------------------------------------------------
ليس أجمل من المشاعر الانسانية سوى كتابتها بنبض الوريـــد
أبوأنس،،،
نبضك الصادق والمشتعل ،وصلنا كما هوبصدقه وروعته وكينونته
حفظ الله لك أنس وكل أخوته ورزقك بره وصلاحه..

[الريم]

الحمدالله على سلامة أنس والله يخليه لك يا ربي ويفحك فييه

صح لسااااااانك قصيدة في منهتى الرووعه واحلى مافيها مشاعر الابوه الصاادقه

تسلم لنا شااعرنا الراائع ابو انس ..

[سناعيس]

سلامة قلبك وقلبه من العارض وما أنتج =طهور ان شاءالله وأبشر بعافيته وتهذيبه

أبو أنس

صح لسانك على هذه الأحسايس الأبوية الحانيه والحمدلله على سلامة أنس
وأسأل الله له ولاخوانه العافية والصلاح

وتقبل تحياتي

[نجم الإبداع]

ابو انس

ياسلام على الحنان الأبوي

صح لسانك وسلم احساسك
واصلح الله انس واخوانه

تحياتي واحترامي

[الخنساء]

صح لسانك اخوي ابوانس فانت بحق تستحق كلمة ابوه كلماتك
رااائعة والاروع حنانك الابوي تسلم ويسلم انس واخوانه وتعيش لهم
تحياتي واعجابي بالقصيدة

[ابو زياد]

ابو انس الله يخليلك انس واخوانه
صح لسانك
قصيدة عذبة من القلب ولذلك تصل الى القلب بسهولة