|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
على عـمـري اللـي راح يـاكـبر عـبرتي=من الـعـام عـيني مايـغــمض نـظــيـرها
لو الـدمع يحيي يافـهد هالك العرب =تسيل المدامع لين ينـشف غديرها ولكنها عـبرات حزن(ن) تضايقت=بروح(ن) تـبـاريـهـا الهـمـوم وتديـرها اذا هـلت الـعـبـره من الـعــيـن بـردت=لـواهـيـب نـيــران الـقـلوب وسـعـيرها لأن الـقـــدر مايـمـهــل الـنــاس سـاعـه=واذا حــل بالـعــربــان مايـسـتـشـيـرها أيا جرح قلبي يافهد كان مال بك=زمانك وسيف القوم فارق جـفيرها وناديت خـلان الـرخى ساعة القسى=وراجيت روس الـقوم تعلن نفيرها وكثرت وعـايدهـم وضاعت عـهودهم=وهابـت سباع القوم سطوة حميرها الا ليت راسي يافهد وقـت ضيقتك=قريبٍ يـشـم من النسايم عبيرها لك الله يلو ذقت الجفى قبل ترتحل =حياتي وسيف الموت يـقـطع مسيرها كفيتك غثى الدنـيـا الدنيه وقـسـوته =ورجوى صغير الـقـوم والا كـبيرها وعـن وقـفـتـك في باب رجـلٍ طـبايعه=كـمـا طيرةٍ بالليل تسمع صفيرها وأيا خوف قلبي تطـعـنك حـربة الزمن=مع اللي تـخـلـي بالـقـوايل كسـيرها وانا تحـت خـمـس اشبار بالحـفرة التي =بها الروح تدري وش نهاية مصيرها اخاف الخطايا وادفع الخوف بالرجى=رجى اللي ضمن للخلق عيشة فقيرها يزود الرجى لاصار في خالق الـملا =ورجوى كـفـوفٍ بالـمـلا فاض خــيرها أنـا فـي جـواره وانت في جـيـرة الـذي =يحـدك عـلـى شـمـس القيوظ وهجيرها فـيـاطـيـب جـيرتـنـا ويـاشـيـن جـيـرتك=مثل فـرق مكـفـوف العـيـون وبصيرها لنا في جـبـل حـايل بالامجـاد رايه=مع اللي تصون اهل الحقوق وتجيرها جبالٍ غـدت بكـفوف ربعي هل الندى=فـيـاضٍ تذوق من السحـايـب غزيرها ولا داجــها يـاكـود ضـيــفٍ وزايـر=يـبـي مـن مرابـيــع النـشـامى عـطــيــرها وبالغصب محدن هان جاله من العدى=ولا داس بالـرجـلـين طـاهـر حصــيرها ولنا يـافهد عـن ظـلم الاجواد مـخـرج=وعن كـسب عـنـز الـقـوم والا بعيرها وترى الظلم يقـطـع يافـهـد دابر العرب=ويـمـنـع عـن خـيــار الـمـنـايــح دريرها وفساد الوغـد كثر الـفـزايـع مـع الوغد=وترى الـعـوق نـقـرات الحـريـم ونقيرها خذيـنـا الندى بالبذل في ساعة القسى=وفي نـصـرة اللـي غـاب عـنـها نـصـيرها وطبع يسوق الروح عن مجلس الردى=وعـزم يدوس من الشدايـد عـسـيرها ونـفـسٍ صـبـورٍ مع رفـيقٍ وطـى الخطا=ولا كل قول(ن) بـالرخى يـسـتـثــيـرها اذا قال قايـلـنا عطى الصدق والنقى=ولا هاب حـضرة شيخـها مع وزيرها وعند العـهد نـصدق ونوفـي هل العهد=اذا بـار بـعــهــود الـخــلايـق حـقــيـرها وللجـار جـيـرتـنــا تـنــومـس وجـيـهـنـا =وجـاراتـنـا مـحـدن دنـى مـن سـريرها والاكـوان واجـهـنـا الـقـبايل وسطوته=وذقـنـا جـحـيـم الـحـرب مـع زمـهريرها وفــي حـربـنــا كل الـمـخـالـيـق تجـتـمـع=يجـيـبــون وارد بـدوهـا مـع صــديـرها تجـي من وراء البصرة اليانقرة الحـساء=ونــاكــل حلاوتـها ونـشـرب عـصـيـرها وسيف القـبـيله مايواجـه سيوفنا=لأن الـشـغــايـا مـاتـعـــادل مـحـيـرها لكـن جراد الـصـيـف لاطـار واجـتـمع=على الداب يـتـعب قـبل يـفـني كـثيرها ورغـم اجـتـمـاع القـوم نـطحن نوادره=ونـكــرم حـرايـرهـا ونـاخــــذ حـريـرها فـلا للـعـدى عـن حـفـرة الموت مهرب=ولا ثكــنــةٍ بـالـلـيـــل يـسـهـر خـفــيرها وترى الفعل يكفي عن هروجٍ مع الرخى=ويـفــرق حـصـيـلة قـمـحها عن شعيرها ولا هـمنا من ضاق صدره وذمنا=من الـلـي يـهـذري بـالمجـالـس سفـيـرها ولا اقول حـنـا خـير من جـملة البـشر=والامداح بكـبــار الـعـرب مـع صـغيرها ولـكـنـنـا حــزنــا مـن الـــمـجــد نـقــوتــه=مع اللي تدوس من الـشـدايـد خطيرها وهــذي تـواريــخ الاجــــاويــد شـــاهـد=من اللـي تخـاف الله وتدرى ضـمـيـرها ولا هـرجة الـلـي كـنـهـا وسط ملـعـب =يـدافـــع مـهـاجـــمـهـا ويـهـجــم ظـهـيــرها |
||
![]() |
![]() |
رقم المشاركة : 2 | ||
|
عط الحر فرصه |
||
![]() |
![]() |
رقم المشاركة : 3 | ||
|
فواز الغسلان |
||
![]() |
![]() |
رقم المشاركة : 4 | ||
|
فواز الغسلان جزله من شاعر جزل |
||
![]() |
![]() |
رقم المشاركة : 5 | ||
|
مرحبا بك شاعرنا الكبير فواز الغسلان وصح لساااااانك مليار و الحمدلله على السلامه يا رجل ،، تقبل مروري السريع لاهنت ،، لي عودة للرد بما يليق و صح لسانك شاعرنا |
||
![]() |
![]() |
رقم المشاركة : 6 | ||
|
|
||
![]() |
![]() |
رقم المشاركة : 7 | ||
|
أسلوب ابداعي .......... و قصيدة غير شكل بمعناها و مبناها صح لسانك حتى ترضى ^^^^^^^^^^^ |
||
![]() |
![]() |
رقم المشاركة : 8 | ||
|
صح لساااااااااااانك |
||
![]() |
![]() |
رقم المشاركة : 9 | ||
|
صح لسانك مليوووووووون |
||
![]() |
![]() |
رقم المشاركة : 10 | ||
|
اهلا فواز |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
كشكول الأموره | الأموره | مملكتي الخاصة | 1782 | 25-09-2013 03:23 AM |
تكمله أموت وأحيا بك | نوووونا | القصة والرواية والمقال | 76 | 09-09-2011 03:57 PM |
رحلة 15 يوم الي اجمل مدينة في العالم - فانكوفر الكندية | ابو ياسر | سفر وسياحه ومعلومات جغرافيه | 25 | 01-12-2010 07:48 AM |
((أموت وأحيا بك)) قصة اماراتيه | نوووونا | منتدى الشعر والخواطر بالفصيح | 37 | 24-07-2006 09:29 AM |
رحلة اسبرانزا لمدينة بوسطن الامريكية - Boston | ابو ياسر | سفر وسياحه ومعلومات جغرافيه | 38 | 12-04-2006 01:47 AM |