صدى

[كبرياء أنثى]

لا تترك الجرح يسكن في بدياتك = مات الكفيف ابجروح أعيت مداويها
خذ من عهود الغلا واسقي مداراتك = نبع الغلا جف وعيونك تواسيها
ناضر عيوني وجدد كل مافاتك =واسكن برمشي حلالك وانت راعيها
أسمعك تهمس وآموت بكل همساتك= وأقول حي الحروف وحي طاريها
واسمع صدي ضحكتي ماتت بضحكاتك =محلاك لا قلتها يا مي جاريها
فيها السكاكر وفيها أطعم ملذاتك =وفيها ربيعك يونس من سكن فيها
كتبت قصه وهمي بس مرضاتك=وآكبر طموحي سماعك يوم ترويها

[الطائر المهاجر]

صح لسانك
مصافحة طيبه
اعتقد انك رجعتي لتعليمات النشر لدينا
فلا بد من روابط نشر قصائد سابقة لك
في الإنرتنت
حياك ربك
تحياتي

[عمر ال شيبي]

صح لسانك مي على الطيب
مصافحه طيبه
لا هنتي

[نجم الإبداع]

حيا الله الجزاله واهلها

صح لسانك كبريا


وياهلابك

[كبرياء أنثى]

شكرًا زعيم على مرورك
أنا جديده ع النشر ولم يسبق لي
وكل محاولاتي الشعريه محفوظه داخلي. من بنيات أفكاري
لا هنت على تشجيعك زعيم لاحظت تشجيعك واعتقد بأنه أقوي حافز على العظات
زعيم دام المدددددد

[الطائر المهاجر]

يعني تبيني امشيها
طيب ارسلي لي رسالة علميني من انتي
لأنك منتي غريبه علينا
تحياتي

[داعي الشوق]

صح لسااااااااانك مليوووووووون يالشاعرة

ابيات جزلة بالحيل و و افيه

صح لسانك مدد

مع التقدير لك

[حمود السكراني]

أسمعك تهمس وآموت بكل همساتـك

وأقول حي الحروف وحـي طاريهـا

واسمع صدي ضحكتي ماتت بضحكاتك

محلاك لا قلتهـا يـا مـي جاريهـا

فيها السكاكر وفيهـا أطعـم ملذاتـك

وفيها ربيعك يونس من سكـن فيهـ

ا

الله الله على هالروعة والتمكن وسلاسة العبارة بحق راااائعة سلم بوحك

[الراقي]

صح لسانك على ما قدمتي من ابداع
ابيات فيها من الاصالة ما يكفي

[كبرياء أنثى]

المشاركة الأصلية كتبت بواسطة عمر ال شيبي

صح لسانك مي على الطيب
مصافحه طيبه
لا هنتي

شاكره هذا التواجد
وصح طيبك
ودام المدد
أختك كبرياء