وصيّة للرجال البصيرة

[شجاع عمر الأكلبي]

للتواصل

قال الذي بدع المثل مايكوده=جزل المعاني دايم ٍ في وجوده
معي نصيحة للرجال البصيرة=ولا العمى يحتاج له من يقوده
جنــّب عن ديار ٍ بها النذل له رأي=دار ٍ بها الحصني تقدّم فهوده
ترى الحصيني له دواعيس وخرم=وعالي المناهج مايجيها تكوده
من سار خلفه عرّضه للمناقيد=ينتق وتنشب في طريقه جنوده
هذي حقيقة ماعلى وجهها غبار=والله عباده في البسيطه شهوده
وكانك تبي تسلم من القيل والقال=فأحفظ لسانك من هروج ٍ تقوده
أقفر هروجك في القدا وأختصرها=وأحذر من الهزله تراها شروده
من طاوع لسانه وقع في المحاذير=يبلش ويكشف للمقابل سدوده
ورافق من قروم الرجاجيل نادر=متعبينه بالمراجل جدوده
يهديك للعليا وطيب الفعايل=وينهاك عن فعل ٍ تغشــّاك سوده
ويسترك لازلّيت بالفعل والقول=روابعه في الطيب دايم وقوده
قوي عزم ٍ لاتردوا المعاثير=يرقى سنود ٍ ماتردى جهوده
وعليك بفجوج الخلا لاتضايقت=تراه طب اللي هجوسه تذوده
لاما أنبرح شوفك مع جرد الأسهال=وأشرفت بالرجلين عالي حيوده
ماحولك إلا من يقاسمك بالشف=ولا المودّه لاتبين لذوده
وشبّيت ضوّك فوق مزموم الأطعاس=للكيف خولان ٍ وهيله قنوده
وأخير منها طاعة الله وتقواه=علاّم حالك من المهد لا لحوده
وأذنت للمغرب بعد هفـّت الشمس=وصليت فرضك خاشع ٍ في حدوده
وذكرت ربّك خالي ٍ مامعك ناس=والقلب لان ودمع عينك تجوده
فأبشر بظل ٍ في نهار ٍ به الشمس=تدني على مقدار ميل معدوده
من روس خلق الله نهار التغابن=يوم ٍ يشيّب واحد ٍ في مهوده
يستر بالك والزعل عنك يرحل=والبسط في صدرك تحسّه بزوده
هذي وصية واحد ٍ له تجاريب=حقل التجارب شارب ٍ من عدوده
وختامهاصلوا على سيّد الناس=اللي مع الله وافي ٍ في عهوده

[الطامي]

ابو عمر
صح السانك مليار
جزلة وطيبة جدا
نصح وحكم من اروع مايمكن لافض فوك
شكرا لك

[وليدالبسطي]

الشامخ


شجاع الاكلبي



صح لسانك مليون



ابدعت يالشاعر



تحياتي وتقديري



اخوك

وليدالبسطي

[داعي الشوق]

صح لسانك مليون

يالشاعر شجاع
قصيدة رائعة و جزلة بالمعاني الجميلة

و وافية بالنصح و الارشاد

ابدعت يالشاعر

تحياتي وتقديري

[نجم الإبداع]

اللهم صل على محمد


وصح لسانك ياشجاع


نصائح طيبه وحكمه زاهيه

لاهنت يالجزل

تقبل مروري

وتقديري

[احمد حامد الزايدي]

شجاع الأكلبي

صح السانك وبيض الله وجهك

قصيده موعظه جزله

لك شكري وتقديري

[حي الضمير]

صح لسانك وعلا شانك
قصيده جزله من راس جزل
ولا عدمنااااك
أجزل التحايا والاحترام يامميز

[منيع]

ابيات رائعه ومميزه
بارك الله فيكم
تحياتي وتقديري

[مبروك بن ماضي]

الاخ الفاضل الشاعر / شجاع الأكلبي
ما أجمل الوقوف على عتبات كلماتك
صح لسانك .. فقد أستمتعت بكل حروفها
نص عطر المتصفح بشذاه
تقبل تحياتي وتقديري
أخوك / بن ماضي

[الطائر المهاجر]

سلمت وصح لسانك وفكرك
واعتلى شأنك
نص رائع من شاعر رائع
لاهنت يابو عمر
دمت بخبر