صوت الكاشف وصدى الرعد

[عبدالله الشويمان]

اخواني واخواتي الاعزاء...اخي العزيز منصور المري كتب قصيده ووضعها في الهمس بعنوان يستاهل المدح راعيه..اهداء موجه لي الله يسلمه ويوفقه..فرديت عليه بما املته القريحه.
اتمنى ان تصل الى مستوى قصيدته ..وتعجب القراء.



يقول الشاعر منصور المري (الكاشف)

لاهان من هو يرفع الصوت لاهان=صوته يعجب اللي لصوته شفـاوي
لاجر صوته كنه الذيـب سرحـان=منه تخـاف المبَلـه والشـواوي
ان زان بدع القاف والا بالالحـان=ايجبهـا حيثـه عليهـا رهـاوي
صوته زئير الليث ايهـز الاركـان=ماهو بصوت اللي من اهله سحاوي
مثل الرعد وهو الرعد والاسم بان=هو سترهـن لاطوحـن الغطـاوي
يالله تحفظه من عمل كل شيطـان=واعداه تهلكهم من اشهاب هـاوي
ماهو بحاجة مدحتي لـه كحيـلان=شبل الاسود وفيه منهـا حـراوي
صوبه سلامـي عـد ماهـل ودان=واعداد حصماها ونجـم سمـاوي

-------
وردي عليه ما يلي

حي السلام اللي لفى منك صُفطان=يالمري اللي للمكارم هواوي
تبقا انت فوق النايفه عالي الشان=حرٍ من احرارٍ على الطيب قاوي
يا معرب الجدان من نسل قحطان=منصور يالمِهْدِي قبلنا الهداوي
يا شاعر العذبات قافٍ وميزان=روايح ابياتك كما عود جاوي
يغرن بشيلتهن ويطردن الاحزان=حيث المعاني وافيات وتساوي
من يوم انا غنيتهن خاطري زان=وانا احمد الله ما خذلت الهقاوي
الله يطول عمرك إبزود الايمان=حاميك ربي من عموم البلاوي
ولك السلام اهديه مع عذب الالحان=من قلب مخلص يا شريف العزاوي

وسلامتكم

عبدالله الشويمان الرعد

[النهج المختلف]

قصائد رائعة وراقية من شعار مبدعين ووافين
صح السانك أخوي عبدالله الشويمان على القصيدة الطيبة لاهنت
صح السان أخوي منصور المري ,,, تقبلو مني أجمل تحية

[الطامي]

الشويمان
صح السانك ولاهنت
والله يوفقك لما يحبه ويرضاه
الحقيقه اخجلتني
انت بديت بها وانأ اجزيك بطيبك وانت ترده علي
لاهان راسك
وشكرا لك

[سناعيس]

الله الله
شاعرين يفتخر بكما الفطاحل
جزلين يامنصور وياعبدالله
استمتعنا بالصوت والصدى
الله لايهينكم

تحياتي

[حي الضمير]

الشاعر القدير الشويمان صح لسانك رد وافي وشافي
ولاجديد دائما جزل بارك الله فيك
وصح لسان الشاعر المري ولاهنتم جميع

[داعي الشوق]

صح لسانك يابو بدر

صوت وصدى متوافق بالروعه والجمال
شعراء كبار ولا فيكم حيله

لله دركم

تسلم ويسلم الكاشف

تحياتي لكم ،،،

[وليدالبسطي]

الله الله الله



صوت وصدى رائع








من شاعرين كبيرين




لاهنتو








على الابداع












اخوكم









وليدالبسطي

[علي محمد العتيبي]

ياسلام

صوت وصدى ولا أروع

لله دركم من شاعرين جزلين

صح لسان الشاعر منصور المري

وصح لسانك ياعبدالله الشويمان


اعجابي واحترامي

[الخنساء]

السلام اللي لفى منك صُفطان
يالمري اللي للمكارم هواوي
تبقا انت فوق النايفه عالي الشان
حرٍ من احرارٍ على الطيب قاوي
يا معرب الجدان من نسل قحطان
منصور يالمِهْدِي قبلنا الهداوي
يا شاعر العذبات قافٍ وميزان
روايح ابياتك كما عود جاوي
يغرن بشيلتهن ويطردن الاحزان
حيث المعاني وافيات وتساوي
من يوم انا غنيتهن خاطري زان
وانا احمد الله ما خذلت الهقاوي
الله يطول عمرك إبزود الايمان
حاميك ربي من عموم البلاوي
ولك السلام اهديه مع عذب الالحان
من قلب مخلص يا شريف العزاوي





صح لسانك اخي الشاعر عبدالله
لاهان را سك قصيدة رائعه
ويساهل المرى واياك
سلمت وسلم شعرك
دمت بخير

[نجم الإبداع]

الله الله

صح لسانك يابو بدر ولسان ابو محمد

صوت وصدى راقيين

لاهنت

فائق الاحترام