طلعه وابي فيها الونس والتمتّع

[ابو أنس]

يومك تفل عبيتك ثم تجمع=أطرافها قصدك ستر أولكاعه
عدّيت لك أربع مع أربع مع أربع=كررتها قدام عيني بساعه
ثم زدتها بعض الغنج والتدلّع=ممزوجة(ن)بالإبتسام اببراعه
وانا ترى قلبي غرير(ن)مصرقع=مايحتمل نبضه يزيد ارتفاعه
الماء والخضره مع العنق الاتلع=والوجه يكتفّ البصر من شعاعه
اركان الى التمّت معاها تجمّع=كل الطرب كل الونس والسناعه
لكنها عندي كما الطيف واسرع=حلم(ن)واخيله مع بعيد انتفاعه
طلعه وابي فيها الونس والتمتّع=رجعت منها والسلامه طماعه
مانيب انا المقصود فيها اتشجع=وامارس انواع الغزل والصياعه
وادز رقمي بالبلوتوث وارجع=استقبل ارساله واسب انقطاعه
وافل شعري و انثره لوّي اصلع=وافتح زرار الصدر وابدي مياعه
وارفع على صوت المسجل واسمّع=من لايبي يسمع مجون وخلاعه
حيث ان هذي موضة الجيل الاسرع=الحب نظره والجروم المباعه
ابداً ولا تحتاج كشف المقنّع=طاح القناع ودِك حصن المناعه
حتى قوانين المحبه تصنِّع=مع ضعف داعي الدين مابه قناعه
ياللي تفل عبيتك ثم تجمع =اطرافها ليتك تصون البضاعه

[عبدالعزيز ابراهيم المنصور]

جَميلٌ جَميلٌ

ونَعم ..

ياللـي تفـل عبيتـك ثـم تجمـع
..... اطرافها ليتـك تصـون البضاعـه



أشَكُرُكَ عَلَى هَذا الجَمَال

لافَضّ فُوك

دُمْت َبِخَير

[حوريه]

شاعرنا الغالي / سعد الحسن

اي وتر هذا الذي تعزف عليه

ابدعت في التعبير..

فن معزوف بأعذب الكلمات وأرق المعاني.

لاهنت ولا هان مغليك

[محمد بن عمار]

المشاركة الأصلية كتبت بواسطة ابو أنس

يومك تفل عبيتك ثم تجمع=أطرافها قصدك ستر أولكاعه
عدّيت لك أربع مع أربع مع أربع=كررتها قدام عيني بساعه
ثم زدتها بعض الغنج والتدلّع=ممزوجة(ن)بالإبتسام اببراعه
وانا ترى قلبي غرير(ن)مصرقع=مايحتمل نبضه يزيد ارتفاعه
الماء والخضره مع العنق الاتلع=والوجه يكتفّ البصر من شعاعه
اركان الى التمّت معاها تجمّع=كل الطرب كل الونس والسناعه
لكنها عندي كما الطيف واسرع=حلم(ن)واخيله مع بعيد انتفاعه
طلعه وابي فيها الونس والتمتّع=رجعت منها والسلامه طماعه
مانيب انا المقصود فيها اتشجع=وامارس انواع الغزل والصياعه
وادز رقمي بالبلوتوث وارجع=استقبل ارساله واسب انقطاعه
وافل شعري و انثره لوّي اصلع=وافتح زرار الصدر وابدي مياعه
وارفع على صوت المسجل واسمّع=من لايبي يسمع مجون وخلاعه
حيث ان هذي موضة الجيل الاسرع=الحب نظره والجروم المباعه
ابداً ولا تحتاج كشف المقنّع=طاح القناع ودِك حصن المناعه
حتى قوانين المحبه تصنِّع=مع ضعف داعي الدين مابه قناعه
ياللي تفل عبيتك ثم تجمع =اطرافها ليتك تصون البضاعه

السلااااااااااااااااااااااااام عليكم
اطلع يابن حسن وبان عليك الامان
ههههههههههه كفشناك !!!!!!
أخيرا ً لقينا لك متابعة حيه على الهوى
صححححححححح لسانك وجاد بيانك
اخوك / محمد بن عمار

[رفيعة الشان]

الشاعر الاخ الحسن

صح الله لسانك اخونا الكريم

ابدعت

وانا ترى قلبي غرير(ن)مصرقـع
مايحتمل نبضـه يزيـد ارتفاعـه

اضحكني

[سناعيس]

اقول حرصك للربع يوم تجمع ؟؟= على هكا الغدران ياهي فضاعه
وحنا ياغافل لك ولي ويسمع!!=دبيب نمل فوق صم التلاعه
قلبك خضر ياصاح لو قلت وافنع=وتاخذ من ادنى لابغيت إنصياعه
يابو انس لاهنت أياك تجزع=لاقلت قلبك مبتلى مير راعه

هههههههههههههه
أبو أنس صح لسانك
دائما أنت موعود بالمواقف التي يجيش لها بوحك
فلله درك ودر المواقف التي تستحلب لنا هذه الروائع
لاهنت

تحياتي

[ام العمده]

الاستاذ/ابو انس

الله الله الله

صح لسانك واعتلا شانك

كتبت فأبدعت وللقارئ امتعت

دمت بهذا الابداع

تحياتي وتقديري

[حي الضمير]

شاعرنا الكبير الاستاذ ابا انس مدد صح لسااااااك
قصيده تشد القارئ وابدعت ابدعت يانجم
وعوايدك الفرائد من القصيد العالي الجودة

[الينوفي]

حتـى قوانيـن المحبـه تصـنِّـع
مع ضعف داعي الدين مابه قناعـه
ياللـي تفـل عبيتـك ثـم تجمـع
اطرافها ليتـك تصـون البضاعـه


ابا حسن

صح السااااااااانك

[صوت الإحساس]

الله عليك


يا أبا انس


هادف ومتمكن

لله درك

على هكذا حضوووووووووور





صاااادق الود يالجزل