نظام العســكر الصارم يبي صبر ويبي هـمـات

[حي الضمير]

اضع بين ايديكم هذه القصيده ارجو من الله ان تجد القبول
بمناسبة تخرج اخي تركــي عبدالعزيز الســبيعي
من دورة الجوزات ...نسأل الله له التوفيق والسداد ولقارئ تلك السطور

سلام الله على تركي سلامن من صميـم الـذات=عدد مالاح برق الوسـم وناتـج طيـب المحصـود
ثمان شهور ياتركي مضت من دورة الجـوزات=تعاني وقتهـا القاسـي وظلـم الضابـط المقـرود
ثمان شهور فيها الهم فيهـا الويـل والحسـرات=انا ادري والاهـل تـدري يبيـن بعينـك المجهـود
نظام العسكر الصارم يبي صبـر ويبـي همـات=نظامـن ماهـو حـي الله يقـاد الحـر فيهـا قـود
ثمان شهور فيها اجهاد فيهـا قسـوة الايعـازات=وحا ن اليـوم ياتركـي بتقطـف ثمـرة المـردود
تخرجت ونلت اغلى وسامن فـي يديـك اثبـات=شهاده كالذهب تبقى زمـن فيهـا الثمـن مرصـود
واباركلك بهالليلـه وانـا ادعـي عالـم النيـات=عسى ايامك تدوم افراح وجنسـك يكثـرون بـزود
ويأسنا من بعض جيل الغزل والشات والقصـات=ومثلـك ياسليـل الجـود كفـون للبـلاد جـنـود
ولولا غلاك ياخيـي وقـدرك مانظمـت اييـات=لـك الله هاجـس القيفـان قبلـك بابهـا مــردود
ولك شيمه ولك قيمه ولك قـدر ولـك هيبـات=واعدك مـن عمـاد البيـت لـوك اخـر العنقـود
وفي ومخلصن مغوار لاجـت حـزة الشـدات=الا ياسعد من حطـك عضيـده فـي نهـار الكـود
ولد عبدالعزيز اللـي بنـا بالعـز لـه رايـات=رحل واخـلا مداهيلـه رحـل ماقيـل بـه منقـود
ولياشفتك يسج الفكر ويخلق بالحشـا عبـرات=وشريط الذاكره يرجع لوقتـن عـاش فيـه العـود
اشوفك واذكره واقول ابويـه عايشـن مامـات=كما المرات تعكس صورته واقـول اهـو موجـود
ملامح وجهه الطاهر وحتى الصوت به نبـرات=وروعـة قلبـه الصافـي تبقـى للمعانـي شهـود
وانا ياخوك عشت العمر ماخذ تجربه وخبـرات=ولزوم اوصيك ياخويـه ومثلـك يفهـم المقصـود
بتشوف الناس من حولك باوقات الرخا عشرات=ولكن القلوب شتـات فيهـا البيـض فيهـا السـود
فيهم صافـي النيـه وفيهـم حاقـد وشمـات=وفيهـم وافيـن مخلـص وفيهـم ناقضيـن عهـود
كما اصابع يديك الخمس طول وعرض مختلفات=لاناصر شبه منصور ولاااا مسعـود مثـل سعـود
بعضهم لو درى بعيبك يعيبك لو بـدر هفـوات=يمـر العـام تلـو العـام ينخـر بالجسـد كالـدود
ولامن صابتك ضيقه وشفت الوقت به ميـلات=حذاري تشكـي همومـك لغيـر الخالـق المعبـود
وسلام الله على تركي سلامن مـن صميـم الـذات=عدد مالاح برق الوسـم وينبـت بالصحـاري ورود

[علي محمد العتيبي]

ولامن صابتك ضيقه وشفت الوقت به ميـلات
حذاري تشكي همومك لغيـر الخالـق المعبـود

ياسلام عليك ياخالد

ابداع في ابداع

لله درك من رائع

والله يبارك لتركي على تخرجه

والله يوفقه

صح لسانك مليوون


اعجابي واحترامي

[حي الضمير]

المشاركة الأصلية كتبت بواسطة علي محمد العتيبي

ولامن صابتك ضيقه وشفت الوقت به ميـلات
حذاري تشكي همومك لغيـر الخالـق المعبـود

ياسلام عليك ياخالد

ابداع في ابداع

لله درك من رائع

والله يبارك لتركي على تخرجه

والله يوفقه

صح لسانك مليوون


اعجابي واحترامي

الشاعر علي العتيبي صح بدنك والله يبارك بعمرك
وشرفني حظورك وعباراتك الطيبه ياطيب

[الجابر]

صح الله بدنــك ولا هنت يحييـــك ربي
وتسلم يمينك

[ابومياس]

اخي الكريم خالد

الف مبروك تخرج اخوك

والله يوفقة في حياته العملية

كفيت ووفيت بيض الله وجهك وصح لسانك

دمت بخير

الف مبروك ياخالد تخرج اخيك

وعسى الله يوفقه

وصح لسانك على هالابيات

ماقصرت كفيت ووفيت لاهنت

تحياتي

[الخنساء]

صح لسانك اخي لشاعرخالد
لاهان راسك قصيدةرائعة
الف تخرج اخوك
سلمت وسلم شعرك
ودمت بخير

[احمد الفارس]

الف الف ,,, مبروك التخرج ,,, وصح لسانك يالغالي على هالقصيدة ويستاهل

تركي ,,,

[سناعيس]

واباركلك بهالليله وانـا ادعـي عالـم النيـات
عسى ايامك تدوم افراح وجنسك يكثرون بـزود

خالد السبيعي
صح لسانك وجاد بيانك
على هذه الرائعه والجزله
وألف مبروك لأخيك تركي وعقبال الرتب العليا في الدنيا والآخره بإذن الله
لاهنت

تحياتي

صح لسانك ويعطيك العافية ياخالد يامبدع