شايبٍ عايب (مع رديات الزملاء)

[الطائر المهاجر]

شايبٍ عايب ودحدر في المسيره= مابقى به غير حلمه واللسان
حلمه الأول تخطى للجزيره = باقيٍ حله مع رموز الدفان
وجاكم الثاني يدور عن بشيره = من هل الاشعار بابياتٍ حسان
ليلةٍ والفجر يعلن عن نذيره= قمت من حلمٍ اشوفه كالعيان
غولة تلحق غزالٍ مستذيره= مالقت فزعه ولاظل ومكان
حتى اهلها من خوال او عشيره = ابعدوا عنها يبوا بعض الأمان
كنهم خرفان في وسط الحظيره= صوت اما الفعل ولا من زمان
والبعض منهم تهور في نفيره = وحارش الغوله على غير اتزان
ومن بيده السيف مشغول بفطيره=خادرٍ متخدرٍ صابه هوان
واتحزم وانطلق وسط الهجيره=الحروف سيوف ما احتاج لسنان
ماقدرت امشي فانا رجلي قصيره= فالعمر ولاّ ولا عندي حصان

[سااامر]

حلمك ارعبني ويجهلني مصيره=مالنا غير الصبر قدر وزمان
عيني تناظر ولكنها جهيره=قدر الله صابني جهر بعيان
احمدالله دام عيني مستنيره=تنظر الشارع واميز هالمكان
حلمك اللي ماسقانا من غديره=ياصعب حله وعذري يافلان
فلسفة دكتور مانقدر نجيره=كيف لو حلمه ! لنا الله مايبان

[منيع]

اضغاث يادكتور ولامنها بريره=كثرت احلومك ولافيها سمان
الخرف تالي العمرهذا مصيره=والدو كية وترجع بهلوان

ههههههههههه
كل الشكر لكم
تحياتي

[الطامي]

الطائر
صح السانك
والله يعينك على الدنيا وما فيها
هو حضك عساه يقوم من نوووووووووووووومه
شكرا لك

[داعي الشوق]

صح لساااااااااااااااااانك و اعتلا شانك و انت بمكانك

كتبت و ابدعت و تحلمت :d

ولاهنت

[ابو أنس]

حلمك الاول وذا الثاني سفيره=ترجمة فلمٍ نشوفه بالعيان
ذيب مدري كلب والله مستثيره=سلطتن يومن بلينا بالهوان
كشر انيابه له اهدافٍ خطيره=وابتدا يظهر بتعبير (الزمان)
قدم المعلف لخرفان الحضيره=صارت تناطح بدله بعنفوان
وكل يومن تظهر علومن كبيره=وعضة البرطم أسف ماله مكان
والرجا في الله علاّم السريره=من عظم ظنه بربه ما يهان

[بنت النور]

حـلــمــه الأول تـخــطــى لـلـجــزيــره
بـاقــيٍ حـلــه مـــع رمـــوز الــدفــان
وجاكـم الثانـي يـدور عــن بشـيـره
مـن هـل الاشعـار بابيـاتٍ حـسـان



صح بدنك.وطال عمرك.
تحياتي وودي وأحترامي لشخصك العزيز.

[نجم الإبداع]

صح لسانك يادكتور

مصافحه جميله

لاهنت

تقديري

[الراقي]

كتبت فأبدعت واجزلت فأمتعت
صح لسانك وكلك
ولاهان راسك
تحياتي الطيبة

[شاكـر محمـد]

صح لسانك
طيبه من طيب
بالتوفيق