![]() |
رقم المشاركة : 1 | ||
|
سعدون العواجي |
||
![]() |
![]() |
رقم المشاركة : 2 | ||
|
مما قاله وهو بهذه الحال
الله من هم بكبدي سعرهــــــا=لي يمل القلب مل الشواتــــي
وشخانة الدنيا سريع دورهــــا=لو اقبلن سنينها مقفياتـــــي ومن عقب ماني مقفي عن نحرهــا=اليوم بين القين هو والحذاتـي ومن عقب ما نلبس غرايب شهرهـا=من فوق قبٍ عندنا مكرماتـــــي يوم ان خيال الندم ما قصرهــا=عمن جذت به نفهق الاولاتــــــي واليوم طيبنا عن الشيل مرهــا=يا حيف مانستاهل المعسراتـــي حلال عقداتٍ كبارٍ عبرهــــــــا=وخالق نجومٍ بالسما ساهراتـــي ما مالٍ الا فارغٍ من زبرهـــــا=ولاحي الا مقتفيه المماتــــــي يا رازق اللي ما بعشه ذخرهــا=طيور الهوى في قدرتك عايشاتـي تفرج لمن عينه تزايد سهرهـــا=الطف بنا يا عالم الخافياتــي ياللي خلقت أقفارها مع بحرهـا=يا من بحكمك تجري الكايناتــي أوجست من حر الليالي سعرهـــا=وذكرت طيب أيامنا الفايتاتــي ونشدت وين اللي ينثر حمرهـــا=وقمت أتذكر وين حروة شفاتـــي اللي الى جاء الخيل خبث كدرها=صوته ذعار القرح الصافناتـــي عقاب السبايا كان جاها ذعرهـا=عوق العديم ومشبع الحايماتــي |
||
![]() |
![]() |
رقم المشاركة : 3 | ||
|
ثم اردف بهذه القصيدة بين فيها انه راحل ليفارق شامخاً وغطرسته وعندما لاحظه بعض الذين يعطفون عليه يجمع امتعته ويحملها على رواحله اخذوا يلومونه وحاولوا ان يثنوا عزمه ولكنه اصر على الرحيل وقال في قصيدته ان شامخاً لاينصاع للحق لذلك فهو سيبتعد عنه ويعالج آلمه بالفراق لأن في البعد سلوى له
قالوا تحورف قلت يالربع نجــاع=قالوا تقيم قلت يالربع ماقيــم قالوا علامك قلت من الافــــزاع=صيحة خلا ماعندي الا الهذاريـــم والى بغيت الحق من شامخ ضـــاع=يطرم عليه دايخ الحق تطريــــم يبعد عن القالات طقه بالاصبـــاع=من قلة اللي يضربه باللهازيــم ليا صار ماتوفي عميلك من الصاع=ماينعقد لك عند حصن النواهيــم شبر من البيدا يعوضك الافـــزاع=وسود الليالي يبعدنك عن الضيـم ولكن هذا لم يكن به حل لامره فهو اذا ابتعد عن قبيلة ولد سليمان سيكون لاجئاً عند احدى القبائل وهذا يرى ان فيه نقصاً عليه بعد العز الرفيع الذي كان عائشاً فيه واذا انفرد وحده في فيافي نجد فسوف يكون لقمة سائغة لبعض الغزاة الصعاليك وهو لايستطيع وحده حماية نفسه ولذلك فقد رجع بعد أن رحل مرغما بهذه الظروف زاد شامخ بطغيانه وتجبره على سعدون الرجل الطيب الوقور الشجاع جرى هذا كله على سعدون وابناه عقاب وحجاب عند اخوالهما بالأراضي السوريه ولهما مخصصات عند الدولة العثمانيه مثل بقية مشائخ عنزة الموجودين بسورية والمواصلات كانت بينهم مقطوعة واخيراً لفت نظر سعدون شخص من الذين يعطفون عليه ان يكتب لأولاده ويشكو إليهم ويخبرهم باعتداء شامخ على جميع سلطاته وخفر ذمامه وإهانته بين قبائل نجد فكتب سعدون لابنيه هذه القصيدة :
يا راكبٍ من عندنا فوق مهـــــذاب=مامون قطاع الفيافي الى نويــــت
عند الفضيلة عد يومين بحســـــاب=أول قراهم قول ياضيف حييـــــــت حرٍ صغير وتوما شق له نــــــــاب=وعقب القرا ودع رجال لهم صيــــت وليا ركبته ضربه خل الاجنــــــاب=وانحر لنجم الجدي وإن كان مديــت واسلم وسلم لي على عقاب وحجـــاب=سلم على مضنون عيني إلى الفيـــت بالحال خص عقاب فكاك الانشـــــاب=ينجيك كان انك عن الحق عديـــــت قل له ترى شامخ شمخ عقب ماشـــاب=وياعقاب والله ذللوني وذليــــت وياعقاب حدوني على غير ما طـــاب=وقالوا تودر من ورى الما وتعديـت من عقب ماني سترهم عند الاجنـــاب=وليابلتهم قالة ما تتقيـــــت مادام شامخ مالك جرد الأرقـــــاب=لوزين الفنجال لى ماتقهويــــــت ياعقاب حط بثومة القلب مخـــــلاب=من العام في نوم العرب ماتهنيــت الجفن عن نوم الملا فيه نتـــــاب=وعد الطعام مدوس به حلاتيـــــــت عقب المعزة صرت ياعقاب مرعــــاب=والناس حيين وأنا عقبكم ميـــــت من الضيم ياعقاب السرب عارضي شاب=واذويت من كثر العنا واستخفيـــت فاتن ثلاث سنين والنوم ماطـــــاب=وشكواي من صدري عبار وتناهيــــت البيت مايبنى بلا عمد واطنـــــاب=متي يجينا عقاب يبني لنا البيــت مالي جدا إلا عضة البهم بالنـــاب=وراعيت كثر الحيف بالعين واغضيـت ارجي بشير الخير مع كل هبـــــاب=ومتي يجونا اخوان نمشة على الصيت |
||
![]() |
![]() |
رقم المشاركة : 4 | ||
|
وتصل القصيدة التي استنجد بها سعدون ولديه والسابق ذكرها
يا (عبد) جلب مهرتك عفنة الذيل =لا عاد ما تكسب حذا قول خيال رحنا لنجد و لا بنجد محاصيل= يطعن ولا نطعن فوق عجلات الأزوال إن طعتني يا (عبد) بدل بها كيل =ودور لها من غاية السوق دلال إن نرت قالوا (عبد) عيل هل الخيل= وإن هشت قالوا رد منهم بخيال ويسافر الأخوان ومعهم بعض الخدم إلى ديار (الشيخ سعدون) في نجد في رحلة تستغرق ثلاثين يوماً ليصلوا إلى المنهل الذي ترد عليه إبل غريمهم (شامخ) ومضى (عقاب) متخفياً يستدل على بيت أبيه (سعدون) فوجد أن (شامخا) كان قد أمر أن لا يرفع الأب بيته بين بيوت القبيلة إمعاناً في إذلاله وأمر راعيه أن لا يرد إبله القليلة إلا بعد أن ترد إبل الحي بأكمله . وإذ وصل (عقاب) بيت أبيه مع أول بزوغ الفجر ، قام بإيقاظ الراعي قائلاً له : - قم وأورد إبلك الماء الآن . - لا أستطيع يا عم . لأن (شامخا) قد حرم علينا ذلك وأنه سيضربني لو فعلت . عقاب : قم وأنا معك .. لا تتردد .. أورد إبلك الآن وسار الراعي بالإبل حتى البئر الذي يردون منه حيث شاهد (شامخ) إبل (الشيخ سعدون) عند البئر فثارت ثائرته وراح يهدد الراعي الذي كان (عقاب) يسير معه متخفياً ويحرضه على مواصلة السير . وهجم (شامخ) على الراعي يضربه محاولاً إيقافه على مواصلة السير بالإبل ، فما كان من (عقاب) المتخفي بين الإبل إلا أن يستل سيفه ويهجم على (شامخ) مثل الأسد الهصور . صعقت المفاجأة (شامخ) وعرف على الفور أن هذا الفارس الذي يشهر سيفه في وجهه ما هو إلا (عقاب ولد الشيخ سعدون) فقفز إلى بئر قريبة منهما ورمى نفسه فيها . وهنا يطل عليه (عقاب) ويدلي إليه بالحبل طالباً منه الخروج . شامخ : لا يمكن أن أخرج فهذا هو قبري . وإذا أردت مني الخروج فإعف عني أولاً . عقاب : إن جبنك الذي أراه هو الذي سيجعلني أعفو عن قتلك بشرط أن يعفو عنك الشيخ سعدون أولاً . وهكذا ينصر الولدان والدهما الشيخ الذي بنى له أبناؤه بيته من جديد لتتحقق أمنيته التي عبر عنها بقوله : البيت لا بينى بلا عمد وأطناب متى يجينا (عقاب) يبني لنا البيت وعاد (سعدون) من جديد شيخ قبيلته وصار (شامخ) نسياً منسيا |
||
![]() |
![]() |
رقم المشاركة : 5 | ||
|
ياراكب من عندنا فوق نسناس
ياراكب من عندنا فوق نسنــــــاس =ليشدي ظليم جافل مع خمايــــــــل زين القفا ناب القرا مقعد الـراس =لومعرب من ساس هجن اصايـــــــــل لامد رواي ولا راح عســـــــــــاس =عرو الى مافات حمو القوايــــــل يلفي لوايل مروية كل عبـــــــاس =مكللين شذرته بالفعايــــــــــل اليا جيتهم في ربعة الشيخ جـــلاس =لينشدك من هولي صديق يسايـــــــل قل صبحونا اجرودهم مالها اقيــاس =سـكن الجبل جانا مع الصبح صايـــل وانا احمد اللي عاضهم كسرة الباس =كـسيرة وصلت قفار وحايــــــــــل في روضة التنهات قرطن الالبــــاس =وذبـح لياما جيت بيضا نثايــــــل وكم جثة مجدوعة مابهـــــــا راس =بـسيوف يشفن الطنا والغلايـــــــل وكم سابق راكبها طاح منحــــــاس =مـن المعرقة يجيك للقاع مـــايــل والصبح جانا مطلق دايخ الــــراس =وجـاه العقاب الصيرمي فوق حايـــل واعذر بنقل السيف واعذر بالالبـاس =وراحـت تقمز به زبار المسايـــــل وجريس خلي في زواقيب حـــــــراس =ويـا ويل مصلط عقب وافي الخصايــل واليا قعد بالبيت يزهي بالالبــاس =عـمره صغير وماضي له فعايـــــــل ياراكب اللي ما لهجها الجنين
ياراكب إللي ما لهجها الجنينا=ماهي وحدها ثامنه له ثمانا
فج النحور محجلات اليدينا=من ساس عيراتٍ وابوهم عمانا يلفن لمصلط ترثة الغانمينا=قل أرحلوا عن جوكم صارمانا وقولوا ترانا يمهم مقبلينا = ويكسر عن الطولات كانه بغانا نبي ندله مقرعات الحنينا=أذواد من رعي المخافه سمانا ماهن بورث أجدودنا الاولينا=كسبٍ بالأيدي من حلايب عدانا اذوادنا يرعن بحد السنينا = متنشي بضف عقاب على هوانا ابو جار الله قاسي ما يلينا=اللي اليا ضاقت علينا حمانا اعقاب ذيب الخيل عطب اليمينا= وحجاب نور عيوننا عن عمانا عدونا نجيه لوما يجينا=ونضفي على عدونا من خطانا من فوق قب كنهن الشنينا=ومعربات ما اعترضهن حصانا والموت عند أقطيهن وإن حدينا=وياسرع رد وجيههن مع قفانا نفكهن من لابةٍ معتدينا=ومن دونهن عود العريني عصانا |
||
![]() |
![]() |
رقم المشاركة : 6 | ||
|
قصته مع زعيم حرب حرب بن فرهود
يا مجول الغيبات يقضا بها دين =غيبةجنبها يوم جاها الـــزوال وعندما وصلت هذه القصيدة سعدون أجابه بهذه القصيدة :لا واخسارة لبسنا لتواميـــــن =يوم ان ( شملا ) غربت للشمــال يا عقاب لا تقفي بثار الشعالين =إنكس لدارك يا كريم السبالــي نجي على قب سواة الشياهيــــن =سوٍعلى اللي ينزلون الجبالـــي نبي نطارد شاربين الغلاويــــن =وناخذ عوض شملا بكار جلالـــــي إما جدعنا عقاب ليث الغلاميــن =والا جدعنا حجاب ريف الهزالــي
أثاري كذبك يا بن فرهود بالحيل =تقول من خوفك نحرنا الشمالـــي لولا علومك ما نكسنا عن الكيــل =من الديرة اللي شفخا شف بالــي يا ناشد عنا ترانا مقابيـــــل =ننزل لكم ( رخا ) وناخذ ليالـي نبي نطاردكم على شرد الخيــــل =ونشوف منهو للسبايا يوالـــــي واللي يطارد خيلكم صفوة الخيـل =بايمانهم مثل المحوص المدالــي وعقاب فوف مشمر تكسر الذيــــل =شلايعه من خليكم كل غالـــــــي إليا عدا فيكم عدا فيكم الويـل =ويروي حدود مصقلات السلالــــــي نطاح قاسين الرجال المشاكيـــل =وبالفعل تشهد له جميع الرجالـي يا ويلكم من زايدات الغرابيــل =إن طار عن قحص المهار الجلالــي إنشد وتلقانا على قرح الخيـــل =بايماننا ريش الغلب له ظلالـــي عدوونا نسقيه ويل بثر ويـــــل =وصديقنا يشرب قراح الزلالـــــي وتتجه خيل (سعدون) وأبنائه إلى ديار (حرب) وينزلون (رخا) ويهرب من أمامهم (ابن فرهود) تاركاً الكثير من الخيل والإبل ويقف سعدون مفاخراً بشجاعته :
إن كان (ابن فرهود) يطلب لقانا= جينا على الزرفات خيل الصحابه
جينا وربعه قوطره في نحانا= ........................................ و(شملا) تزايد ينها في حمانا =وياما خذينا غيرها من جلابه وجبنا البكار المكرمات السمانا =و طرش كثير و لا عرفنا حسابه حنا ليا صلنا طوال خطانا =و هذي عوايدنا نهار الحرابه نجيك فوق مكاظمات العنانا =صغر عليهن لابسين العصابه نرقد بأمان الله وتسهر عدانا =ومن فعلنا يسهر كبير المهابه |
||
![]() |
![]() |
رقم المشاركة : 7 | ||
|
كان (عقاب العواجي) لا يقر في مواقعه ، بل هو دائم الحركة لا يكاد يفرغ من غزوة حتى يبدأ بالتهيؤ لغزوة أخرى . وفي إحدى هذه الغزوات التقي بثلاثمائة فارس ، ولم يكن معه سوى ثمانين مقاتلاً فكان الطراد بينهم سجالاً ، وقد خسر (عقاب) من مقاتليه عدداً ليس بالقليل .
يا (عقاب) يا حبس الظعن باللقا الشين= ياللي حريبك بالهزيمة يمنا عينت ذيب الخيل يوم الاكاوين= نور العيون بغيبة الشمس عنا هو سالم والا رموه المعادين= يا (عقاب) خبرني تراي أتمنا وقد أجابها (عقاب) بقصيدة طويلة وصف فيها المعركة وأخبرها من خلال القصيدة بمقتل زوجها وعلى نفس الوزن والقافية :
يا بنت ياللي عن حليلك تسألين= حنا لنا حي يسألون عنا
خمسة عشر ليلة على الوجه مقفين= ندور وضح بالاباهر تحنا جونا ثلاثمية وحنا ثمانين =مثل المحوص الشلق منهم ومنا وبانت رديتهن وشفنا الرديين =وكل عرفن ا عزوته يوم كنا ليتك تراعي يا عذاب المزايين =يوم أن عيدان القنا يطعننا منا حليلك طاح بين المثارين =في ديرة فيها الوضيحي تثنا ومنهم جدعنا عند شوقك ثلاثين =وكم خير من راس رمحي يونا في ساعة فيها تشيب الغلامين= أنطح نحور الخيل يوم أقبلنا ياما نقلت الدين و الحقته الدين =وحريبنا في نومته ماتهنا أرسى لهم يا بنت وأنت تعرفين= لياما حمام النصر رفرف وغني وقلايعي من نقوة الخيل عشرين =قب ولا فيهن ثبار ودنا |
||
![]() |
![]() |
رقم المشاركة : 8 | ||
|
عقاب ونوت
ياونتي بأقصي الضماير سندها= لا رقبت مشذوب المراقيب تزداد ونة عجوز مات عنها ولدها= رملى ضعيفة مالها غيره أولاد على الذي مثناة قلبي عقدها =حبة بمكنون الحشا يسند أسناد وعروق قلبي يبستهن بيدها=صارن كما شنٍ على الدار بياد أن أبعدت عيني يجيها رمدها=ودموعها تسقي قناطيش الأذواد وأن قربت كبدي يبجيها لددها=مرٍ هنوع ومر ماتقبل الزاد اللي كما الفنجال غزة نهدها =والثوب عن روس الثمر غاد ابجاد ذكرت ربي يوم قضت جعدها=خلاقها ربٍ له الناس سجاد ريميةٍ ماترتع إلا وحدها=تقطف زماليق الخزامى بالأجراد وفي قصيدة أخرى يقول مشيراً إلى (نوت) :
واكبدي اللي كن به حمو لالي =بالقيظ وإلا حامى الجمر ناله تفوح فوج مبهرات الدلالي= جزل حطبها ركده ثم شاله والعين جابت دمعها بأنتلالي=يشدي هماليل المطر من خياله من واحدٍ يتعب على شده بالي=لو ما عنت رجلي فقلبي عناله عينه تشادي قلته بالظلالي=في حد لوحٍ ما تنوله حباله وقذيلته يلعب بها الهملالي=بدف الظليم ويتعب إللي حباله إللي بميدان الموده مشى لي=يرخص كلامه ويتغالى حلاله أنا اشهد أنه بالهوى سم حالي =ويبس عروق الجسم وازوى خياله عندي غلاه مرخص كل غالي =طفل معذبني بزايد دلاله ويرحل أهل (نوت) بعيداً إلى مكان لا يصله إليه (عقاب) فيناجيها ويشكو بثه إلى أخيه (حجاب) :
من دون خلي حال عرنان وكباد=وحلوان مرفوع الحجي حال دونه شدوا وخلوني على الدار ركاد=وأقفت مع الجرعا تبارا ظعونه والدمع من عيني على خدي أبداد=مثل الغشين إليا أنتثر من زونه فرقى لطيف الروح ياحجاب لاعاد=عقبه ضميري يابساتٍ شنونه ياحجاب كان أنك عن الحال نشاد=خلي بقلبي جايراتٍ طعونه إللي ذبحني بالهوى يابن الأجواد=طفلٍ قرونه ما غطاهن زبونه طفل لشراد المها صار قواد=يحير عقلي في تواصيف لونه حبه بمكنون الحشى يسند أسناد=وأن خانني ياحجاب ربي يخونه وفي قصيدة أخرى يخاطب محبوبته باسمها :
يانوت عنا ظعونكم ليه شالت=ياحيف تم فراقنا يا حبيبي زملك مع الحزم المشرف تكالت=وقفت أراعيهن وقلبي غضيبي عقبك عيوني بالدموع أستخالت=من فوق خدي نثرهن فوق جيبي وعقبك على يازين الأيام مالت=أرجع وعالج ضامري يا طبيبي وديارنا من عقب فرقاك سالت=من دمع عيني قام يدرج شعيبي وإن كان فرقاكم على القلب طالت=نجيك فوق منثرات السبيبي ناصلك لو من دونك القوم حالت=من فوق قب يرهجن الحريبي أوأن دونك قرح الخيل جالت=لازم يجيبك حظنا من نصيبي وتسمع (نوت) عن مدى تعلق (عقاب) بها فتزداد هي تعلقاً به وترفض الزواج من ابن عمها حتى عرف (عقاب) ديارها فجاء إلى أهلها وتحدث إليها دون أن يجرؤ أحد على منعه ، إذ الجميع يعلمون أن حبه كان بريئاً وعفيفاً . ويجتمع أبناء عم (نوت) إلى أبيها (رحيل) ليبلغون استيائهم من مجيء (عقاب) وجلوسه إلى ابنة عمهم مهددين بقتله إن لم يغادر ديارهم ، فيجيبهم العم : - ويلكم من عقاب !! يا ويلكم بعد عقاب وفهموا ما يعنيه الأب ثم تفهم الجميع مدى خطورة الوقوف في وجه (عقاب) الذي أرهب الأعداء وحمى البلاد فيستقر رايهم على تطليق (نوت) من ابن عمها قبل زواجه منها ، ويتزوج (عقاب) من حبيبته التي هام بها . وعندما علم (عقاب) بأنهم طلقوا (نوت) من ابن عمها قرر أن يقابل الجميل بالجميل فطلب من ابن عمه (دغام) تطليق (صرفه) أخت عقاب وكان قد عقد عليها ليزوجها إلى الشخص الذي طلقوا (نوت) منه لأجل (عقاب) . وهكذا تزوجت (صرفه) أخت (عقاب) من (سعود بن قرينيس) خطيب (نوت) السابق . ويلاحظ على مجرى هذه الأحداث التي تعتبر طبيعية في البادية ، أن الفتاة يحق لها أن ترفض الزواج بمن لا تحب ، وإن (عقاب) لم يستطع أن يحصل على (نوت) مهما بلغ من قوة ونفوذ ، لو لم تعلن (نوت) حبها له ورفضها الزواج من سواه . وإذ يشتد ساعد (عقاب) ويضيق الخناق على (شمر) التي تدور معارك كثيرة وكر وفر بينها وبين (العواجي) . يجتمع الفرسان ويصبون بينهم (فنجانا) من البن يتعين على ما يتقدم لشربها أن يتعهد بقتل (عقاب العواجي) وتمتد يد (أبا الوقي) إلى الفنجان ولم يكن هذا من عائلة تشتهر بالفروسية . وتحدث معركة بين الطرفين يتقابل فيها (عقاب) و(أبا الوقى) وجهاً لوجه . وسقط الفارسان على الأرض وعلا غبار المعركة وتبادل كل منهما سيف صاحبه الذي سقط منه على الأرض وأخذ كل منهما عنان الجواد الذي يعود لصاحبه دون أن يعلما بذلك إلا بعد أن إنجلى غبار المعركة . |
||
![]() |
![]() |
رقم المشاركة : 9 | ||
|
قصة قتل عقاب لهذلول الشويهري وقتل عقاب واخيه حجاب لوحدهما بواسطة هايس القعيط وربعه
البارحه نومي بروس الصعانين= طوال ليلي ما تهنيت بمراح وعندما عرفوا ولد سليمان بمقتل عقاب وحجاب قتلوا زماميل الخيل رثا سعدون ولديه بقصيدته الوارد ذكرها آنفاكبد نعالجها بعوج الغلاوين= وروابع ما تودع القلب ينساح بلاي والله ياملا خابر شين= تظهر علينا مرمسات إلى راح اللي يكف الخيل كف البعارين =ويرخص بروحه يوم يغلون الأرواح
يا ونةٍ ونيتها تسع ونات =مع تسع مع تسعين مع عشر الوفي
والثانية منها :
يا علي وين اللي رعينا بهم هيت = حال اللحد من دونهم والظلامي خلف (عقاب) و(حجاب) ولدين ظلا موضع رعاية جدهما (الشيخ سعدون) الذي أشرف على تربيتهما وعهد بهما إلى من يعلمهما فنون القتال .البارحه ياشمعة الربع ونيت=ونةكسير ومكسره بالعظامي اوما الشجر وانا بعد مثله اوميت=اوماي صقار لطيره وحامي صقر لياجاء الصيد يشبع هل البيت=جته هبوب مع جراد تهامي عز الله اني تو ياعلي ذليت=تبينت على الناس بعد ماكنت كامي وعز الله اني مع شفا البير هفيت=هفة قفي مع عجوز المقامي واليوم من باقي حياتي تبريت =عقب الشيوخ معدلين الجهامي ويا علي عفت الحي من كثر ماريت =وجريت للونات والقلب دامي وعذبت قلبي في كثير التناهيت=والعين عيت من بلاها تنامي راح (العقاب) الصيرمي شايع الصيت =يا علي من عقبه تراعد عظامي وإذ إكتملت رجولة الحفيدين الشابين طلب (الجد) من كل منهما أن يقول قصيدة يلتزم فيها بأخذ ثأر أبيه من (هايس القعيط) والذي تكون قصيدته أحسن ، يستلم (المهرة) بنت فرس (عقاب) المسماة (فلحا) وهي من أكرم أصائل الخيل . وكانت القصيدة التي أعجبت الجد ، هي التي قالها ولد (عقاب) وجاء فيها :
ياليت منهو جذ فلحا ثنيه=والا رباع مسودسه بالمسامير
ابي عليها سربة الزوبعيه=ادور ابويه عند روس الخواوير عيب علي العزوة الوايليه=واحرم من الفنجال وسط الدواوير ثار لابوي عقاب فرض عليه=عليه وصاني زبون المقاصير سعدون جدي خلف والديه=شيخ الجهامه والسلف والمظاهير ان كان ملويت بالحبل ليه=ماني عشير الي نهوده مزابير ولابد من يوم يزرفل كميه=وكلن يحسب مربحه والمخاسير دين على هايس زبون الونيه=يجيبه المعبود والي المقادير ان مانطحت الخيل عيب عليه=وان وردوهن مثل اثام الخنازير عيب علي العزوة الوايليه=واحرم من الفنجال وسط الدواوير |
||
![]() |
![]() |
رقم المشاركة : 10 | ||
|
ينعي ولديه عقاب وحجاب اللي ذبحوا بساعة وحدة
بيـبان قلبي والضماير عونـــي = اعواي مع ماضي سبـيـب الربابه أعوي عوا اللي يوم يقـنب بونـــي= ذيب تعاوا له ضواري بغابـــه في راس مرفوع الحجا يقـنـبـنـــي =تجاذبن الصوت رمل الذيابـــه أنا عويت ومثلهن قمت اونـــي = عزي لمن عكف الشوارب ذهابــه زمل المحامل بالمهمة غدنـــي =وأنا بعد من عرض جملة اطنابـــه قصيتهن يوم انهن حودرني=مع جال مايرجع ذهيب غدى به لا والله اللي ليثها غاب عنـــي =ما عاد يرجع ليثها من غيابـــه الخوف من عقب الفرح به مكنــي =تحطمت عقب "العقاب" المهابــه اقفى الرجاء وامال حظي هفني=والياس عندي راجناتن ركابه الياس عقب العز حبله مكني=تحطمت بعد العقاب المهابه أيامها وسنينها خسرنـــي =ليث يجندل مقحمين الحرابـــه صوته ذعار مشمراتٍ تعنـــي =درع المتلي والصوافن تهابـــه سيفه بهامات العدا ما يونـــي =إن جا نهارٍ طال واظلم ضبابـــه الموت سحبه هشمن وارعبنـــي =وارزم خياله يوم رودم سحابـــه رجف الحوافر بالفوارس يرنـــي =والسيف يصرخ بالجماجم ذبابـــه إليا برز له فارسٍ ما يثنـــي =صاحن عليه ملويات العصابـــه يشهد على ما قلت ريع المغنـــي =وتشهد على قولي شوامخ هضابه تشهد بواعه والقرى يشهدني=رمان يشهد والعماير وطابه غزو الندامه سرد خيله وطني=ركز بلاه وجايح(ن) بي صوابه العام نجمي مطربينه تغني=واليوم عضات الروابع هبابه عقاب خذته المقادير مني=لو صحت مايرجع علينا جنابه الخيل تنعا والعشاير تحني=عليك ياسبع عرينه بغابه يرمس على الموت الحمر ما يكني =حبسٍ بحومات الوغى يلتجي بـــه من عقب ما ني داله مرجهنـــي =البين يا ماضي قضعني بنابـــه ياونة ونيتها تسع ونات
ياونة ونيتها تسع ونات =مع تسع مع تسعين مع عشر الوفي
مع كثرهن باقصى الحشا مستكنات =عداد خلق الله كثير الوصوفي ونة طريح طاح والخيل عجلات =كسره حدا الساقين غاد سعوفي على سيوف بالملاقى مهمات =سيفين أغلى ما غدا من سيوفي وعلى محوص بالموارد قويات =أسقي بهن لو القبايل صفوفي احشم بحشمتهم لو هن بعيدات =وأنام لو ان الضوارى تحوفي خليتني ياعقاب ما به مروات =عيالك صغارٍ والدهر به جنوفي من عقبكم ما نبكي الحي لو مات =ولاني على الدنيا كثير الحسوفي ياطول ما جريت بالصدر ونات =على فراق معطرين السيوفي ياعقاب عقبك شفت بالوقت ميلات =واوجست انا من ضيم بقعا حفوفي مرحوم يا نطاح وجيه المغيرات =لاجن كراديس السبايا صفوفي مرحوم يا مشبع سباع مجيعات =وعز الله أنه عقبكم زاد خوفي الخيل تدري بك نهار المثارات =ياللي على كل الملا فيك نوفي والخيل تقفي من فعولك معيفات =تاطا شخانيب الرضم ما تشوفي |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 37 ( الأعضاء 0 والزوار 37) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
مبيريك التبناوي | الطائر المهاجر | رواد الشعر النبطي ماقبل المعاصر | 18 | 01-09-2013 10:24 PM |
شايع بن مرداس الامسح | الطائر المهاجر | رواد الشعر النبطي | 24 | 09-12-2010 01:26 AM |