ياتل قلبي تلة الموت للــروح

[الحربي عبدالله]

ياتل قلبي تلة الموت للــروح=من هاجس(ن) فالقلب دايم يتلــه
من سبته كني على نار وافــوح=اطبخ كمى تطبخ على النار دلــه
هرج(ن) سمعته كنه النار مقــدوح=والله مثل السيف جابه يسلــه
ياليت هذا الهرج قاله لمصلــوح=ياليت هذا الهرج قاله محلــه
اقسم قسم بالله مافيه مصحــوح=باطل ولا له من دليل(ن) يدلــه
وكلن يقول الهرج باطل ومرجــوح=نعرفك والله ماتجي منك زلــه
مافي شك الدرب واضح ومبــروح=واثق بـ نفسي ماحصل في خلــه
هرج القفاء ياتي مبهر ومملــوح=هرج القفاء معروف بالكذب كلــه
مير البلا في سامع الهرج بنصــوح=هذا هو اللي زود الطين بلــه
اليا نشته قال ماقدر ولاء ابــوح=هذا كلام(ن) جاه واحد يقله
عذر البليد اللي يمسح على اللــوح=اللي يشوف الناس مثله مخلــه
والناس ماترحم ولاء تطلب اوضــوح=ولا يفرق اكثرهم حرامه وحلــه
هرج(ن) بدون ثبوت وشهود وصــروح=هرج الضعيف اللي بلا شك علــه
ما عاد ينفع عذر ماهو بمسمــوح=والله مانسى ماحصل ذاكرلــه
لولا الرجال اللي لها قدر ووشــوح=والله لسحب بندقي من محلــه
وليصير شي(ن) ماحصل وين بيــروح=والله لاجيبه لو دخل عند خلــه
لكن على الله خالق الكون والــروح=عالم بما فالكون دقه وجلــه
انه يجازي من تسبب لي اجــروح=اللي بلاني جعل ربي يشلــه
يصبح طريح افراش عايب ومطــروح=ماله علاج وحالته مستحلــه
والقاف رتبته على قاف مجــروح=والظلم عنوانه وراسي يهلــه

اخــــوكــــم / عـبـدالـلـه الــحـــربـــــي ..

[احمد القاسم]

صح لسانك يالحربي واعتلى شانك قصيده طيبه من شاعر اطيب

تحياتي لك

[داعي الشوق]

صح لساااااااااانك مليووووووون

يالشاعر الحربي عبدالله

و الله يبعد الظلم و هرج القفاء عن الجميع ،

أمتعتنا بالقصيدة يالشاعر

رغم انها على قاف مجروح

لاهنت و صح لسااانك مدد

شاعر مبدع و رائع دائما

تقديري لك

**********

[عبدالإله]

كتبت فأبدعت

و تألقت

صح لسانك يالشاعر

مع كل الشكر

@@@@@@@@

[حي الضمير]

صح لسانك مدد
على هذه الابيات الجميله والراقيه.
لا عدمناك يا مميز

[الراقي]

صح لسانك

ولا هان بوحك الجميل

[عبير الورد]

مبدع بكل حالاتك

صح لساااااانك ملايين
سلمت وسلم منطوقك الجزل
يعطيك الف عافية

[الطائر المهاجر]

سلمت
وصح لسانك وقلبك
ولا هان راسك
جزل ومبدع وشاعر فحل
تحياتي

[منيع]

ابداع وجزالة
تسلم اخي الكريم
دمت بحفظ الرحمن
تحياتي

[نجم الإبداع]

ارحب ياعبدالله

وصح لسانك على المصافحه الجزله

لاهنت

تقبل مروري

وتقديري