اضغاث احلام

[ناصر عبيد الهواوي]

نبدأبذكر اللي له العبد راجي=لا اشتدت الكربة نبي منه الأفراج
ياجاعل البيداء وساع الفجاجي=انا لعفوك دوم يارب محتاج
ياكلمة ٍصارت سبب لإنحراجي=ورأسي طري وشلون اباانطح جبل عاج
بعد العشا البارح تعكر مزاجي=حسيت في هم وكوابيس وإزعاج
وجهزت محبرتي وعبيت زاجي=وكتبتها في طرس ٍابيض ولعاج
وطرقتها في وسط صندوق عاجي=ماكان عندي علم في فن الإخراج
طاحت على قلبي فرايد إسواجي=وكني ببحر ٍتلتطم فيه الأمواج
ولجات كني واقف ٍفي حراجي=ورجات رصاصة تشغل برجاج
وكني على اكوار الحرار النواجي=تسهج بنا عوص النضا كل مسهاج
وردن بنا عيلم الماه إرتهاجي=ومحال وغروب وسواني ودراج
عد ٍ السعدون الشجاع العواجي=ومن كثر ماها سمي العد هداج
وأسمع رعد واشوف برق وعجاجي=والبل هرايا مير اشوف الجمل هاج
واشوف ليث ٍلف حوله سياجي=ومطوق ٍفي مدفعية وميراج
واشوف حر ٍوسط عشة دجاجي=ماله شبيه ٍبالجزيرة ولا داج
وحوله خفافيش ٍضعاف ٍلواجي=تلولسن في غصن والغصن منعاج
ومرات كني وسط برلين لاجي=بسجن ٍعلى بابه ثمانين مزلاج
يامن يفسر هالقصص والأحاجي=ويشرح معانيها على خير منهاج
وين الطبيب اللي يعرف العلاجي=يشخص الحالة وياصف لها علاج

[مبروك بن ماضي]

اخوي المبدع :
الشاعر / ناصر عبيد الهواوي
الف صح لسانك على هذه الرااائعه ..
سعدت بقراءتها وتشرفت بحضوري هنا
سجل اعجابي وتقبل تحياتي وتقديري

أخوك / بن ماضي

[الطامي]

الهواوي
صح السانك وبنانك
جزلة من جزل
والله يعين الجميع على الأثغاث
ههههه يعني مني اليك
شكرا لك

[رفيعة الشان]

شاعرنا الأخ الهواوي
قصيدة جميلة كعادتك
ابدعت فيها
فصح الله لساانك مليون

ولاااهنت

[جلال ابراهيم الصبيح]

الهواوي

صح لسانك وعلا شانك قصيدة جزلة

بجزالة كاتبها....لاهنت...دمت بخير.


عاشق دمشق

[نجم الإبداع]

الله الله

صح لسانك ياناصر

هذي يبغى لها عدة اطباء ومحللين

ابدعت

ولاهنت


تقبل مروري

[الـزلـزال]

وأسـمـع رعــد واشــوف بــرق وعجـاجـي=والبـل هرايـا ميـر اشــوف الجـمـل هــاج
واشـــوف لـيــث ٍلـــف حــولــه سـيـاجــي=ومـــطـــوق ٍفــــــي مـدفـعــيــة ومـــيــــراج
واشـــوف حـــر ٍوســـط عــشــة دجــاجــي=مــــالــــه شــبـــيـــه ٍبــالــجــزيــرة ولا داج
وحــولــه خـفـافـيـش ٍضــعـــاف ٍلــواجـــي=تلولـسـن فـــي غـصــن والـغـصـن مـنـعـاج

ناصر الهواوي


قصيدة رائعه ومحكمه بأتقان


من شاعر متمكن ورائع في كل مايقدمه


أبدعت غالينا وأمتعت




صح لسانك ملايين ملايين


ولك فائق تحياتي

[سعيد مقبل الأكلبي]

صح لسانك وبدنك ياناصر على هذا البحر المتلاطم من الشعر
وكان بودي ان ابدي لك العلاج ولكن تعسّر على فك طلاسم النص الفاخر

[صنداح الزلامى]

الشاعر ناصر عبيد الهواوي


صح لسانك واعتلا شانك اعجابي

واحترامي ودمت شاعر متالق دوم يارب

[محمد عبدالله البدراني]

ناصر الهواوي

سلمه الله


الف مليون صح السانك


وعلا شانك


لاعدمناك يابو عبيد



مرور وان مستعجل لكن لي عوده ان شاءالله



تحيتي وتقديري