شموخ الحراير ،.،.،.،.،.،.،.،.،.،.،.،.،.،

[عبدالعزيز العمار]

السلام عليكم

بدون مقدمات ،، أقدم لكم ما أتيت به

متمنيا ً أن ينال ماقدمت القبول والرضا من قلوبكم

تفضلو بكل سرور

*

*

*

*


*

للعين بحر وله غموض وسراير=كل ٍ حسب فهمه وعقله يديره !!
وانتي (العيون) اللي لقلبي مناير= وانا (النظر والمنتظر) يامنيره
لك نظرة ٍ فيها شموخ الحراير=ولك نظرة ٍ فيها المعاني كثيره
فيك الجمال اللي يسر النظاير=وفيك البها والملح قصه وسيره
محلا النظر في عينك اليوم صاير=كني أسير ٍ مادرى وش مصيره
ومحلا صباحك يانسيم العباير=ريح الخزامى والنفل في عبيره
ومحلا شعورك والهوى فيه داير=لا هبّ نسناس الهبوب ويديره
يام الخصال اللي تهـل الظفاير=فوق الخدود الناعمه والمثيره
دوك الخفوق اللي بالاضلاع حاير=أصبح بحبك هايم ٍ في مسيره
ياعين هاتي ماخفا بالضماير=بوحي بسر ّ الحب بأغلى منيره
بوحي بحبي والهوى والسراير=سر الهوى ياعين هاتي بشيره
ياطير ياللي فوق الارياح طاير=فوق السحايب معتلي كل ديره
مرّ الحبيبه يارسول البشاير=وبلغ حبيب القلب مافي السريره
وصّل سلامي للحبيبه مناير=واعلن لها شوق ومحبه كبيره

عبدالعزيز بن سعد العمار

[صعبة المنال]

اللهم صلى وسلم عليه

يسعجنى ان اكون اول من صافح هذى الشامخة
و الله يخلى لك منيرة .. تستاهل صاحبة الشموخ

ياعين هاتـي ماخفـا بالضمايـر
بوحي بسر ّ الحب بأغلى منيـره
بوحي بحبي والهـوى والسرايـر
سر الهوى ياعين هاتـي بشيـره


صح لساانك وحرفك

صعوووب

[منيع]

اكثر من رائعه
تحياتي لكم

[عبير الورد]

الله الله

صح لساااااااااااااااانك ولاهنت
يعطيك الف عافية

[زهرة اللوتس]

صح لسانك
جزلة ورائعه من جزل
لاهنت
تحية طيبه

[همس الورد]

صح لسااااااااانك مليوووووون

و صح بدنك

مميز

[حي الضمير]

ياسلام يابوسعد ابدعت حيل
واشكرك على هذا التميز
اداء جميل وابيات كااااايفه
ومدد صح لساااانك

[الطامي]

ع بن عمار
صح السانك ملايين
جزلة وطيبة للغايه
شكرا لك

[منصور العبدالله]

عبد العزيز بن عمار

صح لسانك وسلم قلبك

وقلب منيره اللى الهمتك هالعذبه

لنسعد بها وترتقى بالذائقه

[عبدالعزيز ابراهيم المنصور]

الله الله الله
عبد العزيز بن عمار
شاعر عذب لافض فوك
سلمت ولاهنت