|
همس القوافي للشعر النبطي قصائد من إبداع شعراء الفطاحلة لم يمضي عليها اكثر من سنه |
![]() |
|
أدوات الموضوع |
![]() |
رقم المشاركة : 1 | ||
|
جتني تشكّى من الألم والمعاناه = والضرب واضح والدمع في مآقيه
تبكي حبيب القلب جوره توطاه = من عقب ما هو بالمـودّه يراعيه تقـول عيب يبيّح القلب شكواه = لكنّ جـرحه يكشف اللـي يخبّيه يا حيسفا عمرٍ قضيته ابرجواه = اشريه بالغـالي وبالروح انا افديه زوجي تغيّروانقلب ذيب بعواه = يفرس هله من دون عقـلٍ يخاويه ياما تحملته وانا اركض على رضاه = واثره طغى بالجور وابليس يغويه يخطي عليّ بلا سبايب ولا سواه = ويهينني عند الأهل او ابناخيه ما نيب عبده اشتراها ولا شاه = حرّة اصيلة ، مقبل اللي يسويه وش غيّره وش بدلّه ويش اعماه = وأنا حسبته حرّ ثبته مباديه امن اولٍ افرح إذا جات طرياه = واليـوم كرّهني بنفسه وطاريه وبيتي من اول جنةٍ دوم انا اهواه = واليوم احسّه نار مالي بصاليه رجلي ولا ادري وش يبي زاد بلواه= حساس جاهز ثايرٍ في تحدّيه ان جبت له ورع يبي بنت تلقاه = وان جبت له بنتٍ يبي ورعٍ يغليه وهـذي امورٍ عند رب السماواه = لكن جاهل يحسب الأمر بيديه بالله قل له جــاوز السيل لزباه = فيني يخـاف الله اذا كان يرجيه ما هي رجوله فعلته في اللي اعطاه = قلبه وعمره ساكتٍ عن بلاويه من يضرب الحرمه جبانٍ من اقصاه = لو به شجاعة كان حلمه يباريه حرمتك سترك تحفظ اسمك وتحماه = ان كنت حاضر او مسافر وتغليه لاتحـدّها تثـأر بلحظـه من الآه = من حرّ ما توجس ببيتك ولاضيه تنـدم علـى فعـلك بحبٍ ترهّاه = وتهدم حصين البيت لا شئ يبنيه يا غـافل استيقـظ تفّهـم لمعناه = حكم ضميرك والعقـل لا تخليه "يا انجشه رفقاً " ، كـلامٍ بمغزاه = سيد البشر قـاله ، ولازم تراعيه والله ومرنا بالعتـق ، كيف تنساه = وتستعبد الحرمه وتجهـل مآسيه من لا احترم نفسه ترى الخلق تاطاه = ومن يضرب الحرمه يدور مداويه بالعقـل سايسها مثـل مهر ترعاه = وبكلمة حنانٍ تملك القلب تشريه |
||
![]() |
![]() |
رقم المشاركة : 2 | ||
|
الله لا يبلانا بمصايب زي كده ،، |
||
![]() |
![]() |
رقم المشاركة : 3 | ||
|
|
||
![]() |
![]() |
رقم المشاركة : 4 | ||
|
لا عدمناك وصح الله لسانك ملالالا يين |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
ملكة جمال الكون بين «سفارة» الأمم المتحدة وسفارة «داماس» | أمير الإحساس | المواضيع العامة | 15 | 16-12-2010 06:50 AM |
جتني تشكّى ودمعها فـوق الاوجان | الطائر المهاجر | همس القوافي للشعر النبطي | 4 | 26-05-2009 04:58 PM |