الطائر× شجون

[الطائر المهاجر]

تمت مغرب الأربعاء 1/12/1430 الموافق 18/11/2009

الطائر=
انا الصياد بسلاحي لحالي= اصيد ارنب وضب في العلالي
واذا من شفت لي قطوٍ يمخش= ارش فليت في كل المجالي
واذا من شفت لي قطوه اليفه= تمسكن لين تمسك في الحبالي
اساحرها واقول العقل نعمه= فخلي كل لعبك والهبالي
شجون=
اشوف الضب عن طبعه تحول= بمزح ورزح مااظنه يبالي
وانا ماني من قطاوة زماني = انا بنت الاصايل بالكمالي
واذا ودك قصيده بالقصايد = اظني فقت ابو زيد الهلالي
سلام الله يادربن مشيته = على وضح النقا دايم عدالي
الطائر=
انا ماقلت لك قطوه يابنتي= كرمتي كيف قطوه من عيالي
على هونك ترى الإستعجال يردي= فكم ضيع على الراعي حلالي
انا بوصف قطاوات كثيرة= وسباع بالفعايل كالثعالي
شجون=
كثير اللي على درب الخطايا =من الضبان او شكل السحالي
الطائر=
تحركها شياطين الحضاره= وتلقى البعض ماشي بالميالي
شجون=
ولكن ربك اولى في عبيده =يرسيهم على درب متعالي
الطائر=
ولكن ربنا ما قال نهمل= وقال اكووا على العلبا توالي
شجون=
عسى من مال حظه او تردى= يشوف الحق من قبل الزوالي
الطائر=
وربط كل مجنون بحبله= واذا منّه صحى يدري السؤالي
ولكن الخطر من دابٍ املس=تحسبه حبل من بين الرمالي
الا ياويل واطيها بجهله= يعيش العمر في عقله دوالي
شجون=
الا ياكثرهم بالكون لكن= هدايتهم ترا ماهي محالي
برفق وهون والدعوه نصيحه = ولا اشوف البشر فيها كمالي
الطائر=
يودع قبل يرحل من نعيمه= ويمضي العمر نزله وارتحالي
يجر الصوت من شي يحسه= بصوت غراب او صوت الكحالي
شجون=
سلام الله ياطير الفطاحل= اخذتك من عرفتك لي مثالي
الطائر=
انا طويرٍ نتف ريشه بغاره= يهاوش غير مافيه احتمالي

[نجم الإبداع]

ياسلام عليكم

صحت السنتكم يامبدعين

مودتي

[زهرة اللوتس]

صحت السنتكم
مبدع
وممتعين
لاهنتم
تحياتي

[حمود السكراني]

صحت السنتكم ملياااااااار


محاورة رائعة سلمتم

[منيع]

جميله وممتعه
شكرا لكما
تحياتي

[عبدالله مذكر العقيلي]

هههههههههههههههههههههه

صحت السنتكم

الله لايهينكم

[شجون القصيد]

صح لسانك ولا هنت

الكبير كبير دكتوور

لافض فوووك

شرفتني مشاركتك

منك نتعلم

دمت بخير

[سناعيس]

ماشاءالله عليكم
يالجزلين
محاورة رائعه وهادفه
يعطيكم العافيه

تحياتي

[عمر ال شيبي]

يسعد مساكم

وصحت قلوبكم

[الطامي]

صح السنتكم جميع
لاهنتو