ليت ربي ميّز الرجل بعلامه

[الطائر المهاجر]

ليت ربي ميّز الرجل بعلامه في جبينه= كان تعرف للفدام ومن مشى درب الحصاني
فالبعض لا من تكلّم قلت محكومٍ بدينه = ولا نظرت الفعل تلقى في ثيابه شخص ثاني
عند نفسه كامل مكمّل ولا يمكن تدينه= ولا تتبعته لقيته ساقط ونذل وجباني
ولا تحدّث عن فعوله والرجوله في سنينه = ينكشف بياع هرج وضايعٍ بين الغواني
ولا عرف انك كشفته راح يستفزع عوينه= وابتدا زرع المشاكل دون عقلٍ واتزاني
ما درى انك كالجبل ثابت ولا بك من ملينه = تحسب حسابات عمره ما وصلها لو يعاني
لو يحاول طعنتك في الخلف ما تقدر يمينه = داخله رعديد والخنجر تردّ له بثواني
مثل هذا لو رضى.. تنصحه عن درب يشينه = وتاخذ بيدّه لدرب الخير يبحر في وماني
وان بغى درب المواجه تايهٍ واللي يعينه= خاسر حربك فلا عنده سلاح ولا حصاني
خير له لو هو يجنّب عن بحورك والسفينه = كان يبغى للسلامه من قبل فوت الأواني

[الطامي]

المشاركة الأصلية كتبت بواسطة الطائر المهاجر

ليت ربي ميّز الرجل بعلامه في جبينه= كان تعرف للفدام ومن مشى درب الحصاني
فالبعض لا من تكلّم قلت محكومٍ بدينه = ولا نظرت الفعل تلقى في ثيابه شخص ثاني
عند نفسه كامل مكمّل ولا يمكن تدينه= ولا تتبعته لقيته ساقط ونذل وجباني
ولا تحدّث عن فعوله والرجوله في سنينه = ينكشف بياع هرج وضايعٍ بين الغواني
ولا عرف انك كشفته راح يستفزع عوينه= وابتدا زرع المشاكل دون عقلٍ واتزاني
ما درى انك كالجبل ثابت ولا بك من ملينه = تحسب حسابات عمره ما وصلها لو يعاني
لو يحاول طعنتك في الخلف ما تقدر يمينه = داخله رعديد والخنجر تردّ له بثواني
مثل هذا لو رضى تنصحه عن درب يشينه = تاخذ بيدّه لدرب الخير يبحر في وماني
وان بغى درب المواجه تايهٍ واللي يعينه= خاسر حربك فلا عنده سلاح ولا حصاني
خير له لو هو يجنّب عن بحورك والسفينه = كان يبغى للسلامه من قبل فوت الأواني

الطائر
لي الشرف والأسبقيه ان اكون اول من تصفح هذه الرائعه العملاقه
صح السانك وبنانك
ويظل طويق شامخ الا الأبد
لهنت عين ي

[عذب القوافي]

صح لسانك أبوعبدالله

نص لايستطيعه إلا الكبار

وأنت منهم

تقديري لإحساسك الجميل

يقول الأول

ألا ياليت ربي يوم سوى=عبيده حط للطيّب علامه
على شان الذي بالناس جاهل=يعرف الحرمن برق الجهامه

[تركي الجسّاس]

الطائر المهاجر سعدت بمروري من هنا على هذاالنص الجميل والرائع

[ماجد الزيد]

الله الله الله يابو عبدالله
لله درك على هالفاتنه فعلا
كثافة شعرية عاليه وجزالة غير مستغربة
من ابو الحروف
فعلا كما قلت في سابقتك يابو عبدالله
مدرسة والله يابو عبدالله
تجارب وحياة كاملة
بارك الله بعمرك

[عبدالله الشويمان]

صح السانك يا ابو عبدالله

قصيده رائعه من رائع وجزل فمن هو؟هو شاعر العثمانيات..عثمان العبدالله..

صح السانك ملايين ..ولا هنت

[عايض المقاطي]

الله الله





صح لسانك يابو عبدالله هذه لست بالثقيل بل فوق الثقيل














,,

تحياتي ومروري

[حي الضمير]

صح لسااااانك مليون ولايسدون ياشاعر العثمانيات
قصيده قمه تظاف لباقي قصائدك القمم
حفظك الله للفطاحله ولمحبيك
ولاهنت يافريد

قمـّة الحكمه


صح لسانك على

هالدرّه الشعريه ياابوعبدالله



لاهنت




إحترامي

[عبدالعزيز العمار]

الغالي الطائر المهاجر/

صح لسانك وجاد بيانك ..

قصيدة جزلة من شاعر لايعرف الا الجزاله..

لاهان راسك وتقبل تحياتي..