أنا مسلم 00للشاعر محمد أبو زيد الأسيوطي

[محمد أبو زيد]

أنا مسلم
قصيدة للشاعر / محمد أبو زيد الأسيوطي
لا أنا حزبي ولا سياسي
ولا معارض ولا إخواني
ولا حكومي
ولا حماسي ولا من اصـل
علمـاني
ولا بنافق ولا برائي
ولا كان الخداع دائي
ولا وصولي ولا غائي
ولا طماع
ولا بيـاع
ببيع نفسي وأوطاني
ولا بحلم أكـون إلا
مجرد نسمة في الضلة
تعود من وقت للتاني
ولا ح أقدر
أكون حارس
في يوم
لتاريخنا أو فارس
وأطير للقدس بحصاني
ولا بحلم أكون قائد
وعائد
من زمن تاني
أنا شاعر
وفي الآخر
كلامي حـر في لسـاني
أقول الحـق علــي أبويا
واخويا واعز خلاني
وبدفع التمن غالي ليالي
وسط أحزاني
أنا مملكش غير عمري
وأمري
في يد سلطاني
أنا مملكش غير نفسي
لكن مش نفسي ملكاني
أنا مملكش غير ألمي
وقلمي
هوه عنواني
بينزف ع السطور دمعي
خسارة دا اللي أنا
في وسعي
يا ريت تسامحني يا زماني
يا ربي خلقتني شاعر
وليا قلب ومشاعر
يا ريتني
كنت يوم قادر أغير خلقي من تاني
خلاص مبقتش متحمل
أشوف أوضاع مآلماني
أشوف الظلم متحكم
وبالإكراه لازم أكتم
ويحكم
فيا سجاني
وأشوف المسجد الاقصي
بيصرخ فينا ويعاني
وحاني
للي يوم داسوا باقدامه
وإحساسه
بينعي بالبكي حاله
رجاله بعد إذلاله
خلاص داسوا علي حلمه
خلاص مبقتش فضيا له
حماس أو فتح سابوا الجرح
واتحاربوا
علي السلطة
وسابوا قدسنا في ورطة
ودي الغلطة
اللي قتلاني
وإيه تاني
حيجري فيك يا لبناني
في دنيانا مذابح قانا
شربت دم أطفالك
واندالك
كتير فيها وخوانك
وكله بيرمي ع التاني
وأنا وطني
غيور جدا
بموت م الخوف علي بلادي
ونفسي اربي
أولادي
علي القران وع السنة
منايا ادخل الجنة
وبدعي ربنا الهادي
نكون خير البشر
امة
يكون لبلادي يوم
كلمة
وشمس تنور الظلمة
ويرجع فخر أمجادي
أنا مسلم
لا إرهابي ولا بعادي
بشر وخلاص
ولا بظلم
ولا بآكل حقوق الناس
لا عمر الظلم
يرضيني
ولا في ديني
مكان للظلم
دانا بطبعي وتكويني
بحب الخير
وعندي ضمير بيهديني
و حتى السلم في الإسلام
شعار ديني
مفيش للشر فيا مكان
وعمري ما أكون في يوم
بادي
لكن ما أقبلشي يوم أتهان
ولا أنداس
دانا حساس
بيرخص دمي لبلادي
ويغلي في دمي ألف حماس
علي الظالم وع الجاني
وأقول الحق لو ح قطعوا
لساني
وأقولها ورزقي وحسابي
علي اللي خلقني ثواني
أنا مسلم
قوي وبحزن لا أوطاني
وحقاني
اصـحي الحــق لو مـيت
وأهم قضية في حياتي
قضية نصر أوطاني
ولو قالو دا بيهاتي
ح أقول تاني
ولو حتى ح أكون ميت
ح أموت كلي
واسيب فيكم
ضميري
صاحي ولساني
يقول تاني
يقول تاني
يقول تاني
00000
شكرا لكم
خالص تحياتي
الشاعر // محمد أبو زيد الأسيوطي

[عُلا]

كلمات معبّرة جدّا
و قضية يجب علينا الدفاع عنهـــا
أن يتمسكَ كلّ فرد بدورهِ في الحياة
أن يبقى على دينـه
لا يحيد إلى متاهات متع الدنيا



الشاعر محمد أبو زيد


مشاعر صادقة
و ايمانٌ قويّ
و أمانٍ حقّ بها أن تتحقـّق




كلّ التقدير


عُلا

[عُلا]

------------------------------

[الخنساء]

لاهنت اخى محمد

كلمات ترجمت قوة الايمان

سلمت ودمت بخير

[اللهيب]

بارك الله فيك
جميل ما قرأته
تحياتي

[الهميم]

شكرا لك
وبارك الله فيك
تحياتي

[اللهيب]

بارك الله فيك
جميل ما قرأته
تحياتي

[طويق]

شكرا لك
على الجهد الطيب
تحياتي

[المورد]

مشكور
على المعلومه الجيده
تحياتي

[الحويطي]

بارك الله فيك
كتبت فقرأت فاستفدنا
تحياتي واحترامي