""غريـــــــــــــــب ""

[عبدالعزيز البليهد]

غريب الدار مايختار جاره = ولا يرجي يجي تقدير غيره
بلا علمه ولاهي بختياره= مقدر ماتـــمنى خــــــط سيره
يمشيها على المولى مساره = ولايعلم مماته باي ديــــــره
لزوم الصبر والشيمه وقاره= يعزي النفس لين الله يديره
يجامل شخص مايسوى زقاره = وهي بالنفس والخاطر كبيره
الا ياشــــــين بقعا لاستداره= على الرجال وآمــــاله كثيره
ثوا حظه وخانه مستشاره = وتخلا عنه بالشده عشيره
وقدم صاحبه جل اعتذاره = يبي المخلاص مذهوب السريره
والا ياشينها لازان كاره= لرجل مايشوف إلا دشيره
ومطنوخ السجايا والوقاره= تفر الخلق لاجــــا مستذيره
الا يالله تجلى هالمراره = انا موتي ولا هالحال خيره

وسلامة قلوبكم الطيبه

[الطائر المهاجر]

سلمت
وصح لسانك وقلبك
ولاهان راسك
جزلة من راس جزل وشاعر مبدع
تحياتي

[عبدالعزيز البليهد]

الله يسلمك ويحفظك

لاهنت يابو عبدالله

حضورك يشرفنا ومرورك يبهجنا

[هنوف الجوف]

الا يالله تــجــلــى هــالــمـــراره
انــا مـوتـي ولا هالـحـال خـيـره

ونعم فيك فارس الشعر
قصيدة رائعة من شاعر متميز
صح لسانك مليووون ولا يوفون
وسلم كلك

لاهنت ياقدير

[عبدالعزيز العمار]

شاعرنا عبدالعزيز البليهد/

صح لسانك وجاد بيانك..

دائما جزل في كل ماتقدمه من درر..

تقبل تحياتي وتقديري

[حلا نجد]

صح لسـآنكـ مدد بلآ عدد

والله لآيهينكـ...

تقبل مروري لكـ..
حلاوووي

[ابو تواف]

صح لسانك عبد العزيز وافيه وكافيه


لاهنت يامبدع


روعه تاعنق السحاب


تقبل مروري واعجابي



ابونواف

[حوريه]

عبدالعزيز00

صح قلبك بلا حد على هالرائعه الجميله

دمت ودام حرفك ونبضك

ودمت بكل خير

0
0

[عمر ال شيبي]

صح لسانك مبدع كما عهدناك

شكرا لك

[حي الضمير]

صح لسانك شاعرنا الرائع
قصيده رائعه وابدعت بارك الله فيك
أجزل التحايا والاحترام

ــــــــــــــــــــــــ