معانات من نوع آخر

[عبدالمحسن الرحمه]

قطون حزين ٍيشتكي اليوم فرقا=فرقا قطيوة سافرة للمنامة
في كل حارة من جنوب ٍوشرقا=دايم ينوي مشتعل به غرامة
يحس في جوفه لواهيب حرقا=من فوق جدران التوجّد هيامة
قطيوته تفرق بها الحسن فرقا=لأمن تذكر حسنها في لثامة
ياما رفع ذيله وياما تعرقا=خطرٍ على قلبه تزايد حطامة
عينه سهيرة تذرف الدمع غرقا=كود المفارق صوبنّه سهامة
من فوق رجم ٍكان تاتيه يرقا=يذكر سواليف ٍبينهم والسلامة

[الطائر المهاجر]

ومن فرط مابه طاح بالماء درقا=بالبانيو وراعيه غط بمنامه
مرحوم ياقطوٍ شهيدٍ بغرقا= ولا احدٍ درى به او عرف عن هيامه


الله الله
صح لسانك
ولاهنت
تحياتي

[داعي الشوق]

ههههههههه

صح لسانك عبدالمحسن

ولاهنت يالشاعر

[الطامي]

ههههههههههههه
العمر
ودووووه لمزاين الكويت للقطاوه يمكن يلقاها هناك
صح السانك
ابداع مميز

[عبدالله الشويمان]

ههههههههههه

صح السانك يا عبدالمحسن

كوميدي بحت..

لا هنت لا هنت

[عبدالمحسن الرحمه]

دكتورنا الغالي صح السانك على المداعبة
وصح ابدنك ودي واتقديري

[عبدالمحسن الرحمه]

داعي الشوق صح ابدنك شاكر لكم الرد المرور

[عبدالمحسن الرحمه]

الطامي صح ابدنك الله يخليك على الرد المرور

[عبدالمحسن الرحمه]

عبدالله الشويمان صح ابدنك شاكر لكم الرد المرور

[عصام عبد الحميد]

صح لسانك
ودام ابداعك
تقبل اطيب تحياتي