كل واحد يحط في اللي قبله بيت شعر <<<< للشعراء

[شموخ سدير]

السلام عليكم ورحمة الله وبركاته .......


اخواني واخواتي الشعراء الله يحييكم واحد واحد <<< نفر نفر اتشا هههههههه


المهم الله يعيني عندي احساس يقول بيجيتس هجاء مهوب طبيعي


عندي لكم لعبة جديده واتمنى انكم مابعد لعبتوا فيها وهي كالاتي ::::::::


كل شاعر الله لايهينه يحط بيت شعر في اللي قبله ويتضمن اسم اللي قبله وعاد واللي يبي من بحور الشعر

واللي يبي يهجيه يمدحه يرثيه اللي اهو


يعني اللي هاللحين بيجي عقبي لازم يحط فيني بيت شعر ثمن يجي واحد يحط فيه بيت وهكذا <<<<<<< انهجي فهمنا ياحبتس للازعاج هههههههههه

اخيتكم شمووووووخ سدير

[سناعيس]

فاتح الموضوع من باب الفضول=واشهد انك في المعارف داهيه
ياشموخ سدير يابنت الأصول=مسكنك في نجد وانتي عاليه

[نجم الإبداع]

انا اشهد ان الطيب كله سناعيس= ولد السكيبي جوهرٍ لامس الماس
في الحب كنه عنتر ويشبه لقيس=والود من طبعه ومرهف بالاحساس

فلاح ينحت في الصخور القوافي=عقد الذهب ومرصع بالجواهر
انا اشهد انه في القصيد احترافي=متمكن في الشعر خافي وظاهر

الدور الاول لازم يكون فيه مدح

والدور الثاني عاد الله يستر

[شموخ سدير]

السلام عليكم

بصراحه اهنيكم على التفالعل الرائع واتمنى انكم ما تنسونه

وباللنسبه للدور فهو واقف على جزاء الحارثي يعني نوطوني لان الدور واقف عليه

ولكم مني جزيل الشكر والامتنان اخيتكم شموووووخ .....



























































سناعيس مشكوووووووووووور على الابيات بس

فاتح الموضوع من باب الفضول
واشهد انك في المعارف داهيـه


والله مافتحته للفضول ليه ؟؟؟ انا بس كنت ابيكم تتفاعلون مع بعض وانا بصراحه اعجبتني اللعبه

<<<<< داهيه ؟؟؟؟؟ ليه ؟؟؟؟؟

ياشموخ سدير يابنت الأصـول
مسكنك في نجد وانتـي عاليـه

شكرا وصح لسانك ولاهنت وهذا من طيب اصلك

شموخ

الله جابك

لانك قلت مدح او هجاء اوغيره ونويت اضحي بك

بس حال دونك فلاح وسناعيس

اللي طبخ له سم لازم يذوقه=وشموخ ذوقي طبخك اللي طبختيه
اليوم يفرق مغربه عن شروقه=وراك جيتي والشعر ماكتبتيه

[الخنساء]

صح السنتكم اخواني الشعراء
لاهنتوا
دمتم بخير

[ابو زياد]

الحق حق ولازم انا نقوله =والحق واضح ما يجي فيه لبسا
لو عددوا للناس كلن فضوله=علت على كل الشواهيق خنسا

[سناعيس]

شموخ سدير
ترى أنا اللي فتحت موضوعك من باب الفضول مهوب انتي أبشوف وش فيه ولما فتحته لقيتك جبتي لنا فكرة رائعه وهي دليل على الذكاء والذي يصل الى حد الدهاء لأن الموضوع سوف يشجع الفطاحلة على التواصل مع بعضهم البعض وهذا ثناء وليس هجاء , ولاتستعجلين بيجيك الهجاء بعدين بس عسى الله يقدرني واجي بعدك أوريك هههههههه

أما أنت يابو زياد فأقول لك :

أبو زياد مسخر الحرف تسخير=انا أشهد انه ينحني لك ويخضع
لك حجة تطغى على كل تبرير=تفلج بها العايل وسطوتك أفضع

[شموخ سدير]

ههههههههههههههههههه سناعيس امزح <<<<<< طقتني ام الركب ههههههههههه

وبهذي المناسبه اول بيتين في حياتي اكتبهم <<<<< من القهر يو شفت رد جزاء والفهم الغلط لسناعيس

<<<<<< ميه في الميه بتنصفقين بابيات شعريه كلها هجو فيتس


هذا سناعيس وجزاء للتحدي لاعبين ...........وصرت بينهم للعب ضاربين

يومهم للهجاء باغيين ............يالعنبو حظ حطني في هاليدين ....



<<<<<<< ابصم بالعشره انكم بتقولون طسي وش هالهرج وذا توني كاتبته من العجله طلع معي هذا




سناعيس الله يستر منك ومن باقي الشعراء والا وش هالقراده اللي حطتني فيذا <<<<<<مهيب جراده تطير لا يعني حظ طايح وحالف مايقوم هههههههههههههههههههههههههه