ياوجد حالي على لاماك يالغالـي

[الطامي]

ياوجد حالي على لاماك يالغالـي=وجود حسني على عرشه وكرسيِه
مع ثورة الشعب مافاد التجمالـي=ولافاد فيها الحناشـل والبلطجيِـه
او وجد معمر بعد ماشاف الاهوالي=ثم قام ينخى ويزهم فـي دناويِـه
ضيع مسيرة في الاقفى والاقبالـي=يرغي ويزبد وفكره في الجلاويِـه
كُلّن علـى مابـلاه الله بغربالـي=يجر صوته ويرثـي فقـد غاليِِـه
هاذي هي احوالهم وانا بذا حالـي=وكل يغني على ماصـار مرثيِـه
لانشاء من الغرب نوٍ قلت عزالـي=ذكر علي صاحبٍ محبوب طاريِـه
الاحي الورق واجامل مع السالـي=وقلبي مهو يم فكري او نحاويِـه
اطق الابهام بالوسطى من الصالي=لاشفت انا مثل زول او حروة مواريِـه
ياللي تلوم المولع مالك ومالـي=القلب لو هو يطاوع طاع راعيِـه
ياكيف بسلا غرام اللي على بالـي=وهو مديمٍ علـى بالـي بطاريِـه
اخر رسايله محفوظـه بجوالـي=اشوفها كل صبح وكـل عصريِـه

[الطائر المهاجر]

امتعتنا بهذه الرائعه
صح لسانك
ولاهنت
تحية وتقدير

[منيع]

دائما مبدع ياالطامي
تسلم اخي الكريم
تحياتي

[داعي الشوق]

صح لسااااااااااااانك يا بو محمد

قصيدة عاطفيه بالحيل

بس انتبة لا يضيع الجوال و تضيع الرسايل بعد ؟

و صح لسانك يا مبدع

ولاهنت

************

[جهاد الشعلان]

الاحي الورق واجامل مع السالـي
وقلبي مهو يم فكري او نحاويِـه
اطق الابهام بالوسطى من الصالي
لاشفت انا مثل زوله او مواريِـه



الله الله الله

شاعرنا الرائع منصور المري

لله درك ابداااااااع ابداااااااااااع

صح لسانك وسلم بنانك

تقبل مروري

[نجم الإبداع]

الله الله

صح لسانك وقلبك يابو قلب اخضر

جزل

لاهنت

[زهرة اللوتس]

صح لسانك وفكرك
لاهنت
تحية طيبه

[مجدي صالح المبارك]

صح لسانك شاعرنا القدير

الطامي

ولاحرمنا الله من روعة قصيدك

[الطامي]

الطائر
صح بدنك
وشكرا لمرورك
لاهنت

[الطامي]

منيع

صح بدنك
وشكرا لمرورك
لاهنت