سعد بن جدلان

[الحارثي]

الا ياالله يللي تحـت هيبـة سلطنتـك أسلمـت!=لك المسلم يسبح لك بحمـدك ولـك الإسلامـي!
أحمدك وأشكرك وأثني عليك بما علـي انعمـت!=وزدني في وفاء بر العشير ووصـل الارحامـي!
ولجك الفجر ياليل الذهول اللـي علـي أضلمـت!=بعرضك واقع الماضي عليـه عـرض الافلامـي!
ولهتك ياالنديم اللـي صافـي وفـاك أضرمـت!=بصفحة ذكريات العام واللـي مـن ورا العامـي!
بعد تقرير مشوار التجـارب نجحـك وأجزمـت!=بإن السيف سيفي والعصـا والمحـزم إحزامـي!
عطتني عزلة إخلاصي معك نسيان مـن نادمـت!=وكتبتك وانطوت صحفي عليك وجفـت أقلامـي!
أباهـي لا أبالـي وأتبيسـط كــل ماقـدمـت!=وأشـب النـار قـدام العـرب وأشيـد خيامـي
نهاري حر شمسه يستحي منها لسـان الشمـت!=وليلي ترجم نجومـه ملامـة كـل مـن لامـي!
على ضوء الكلام اللي كشف عنا ستار الصمـت!=عرفت إني تحت برقا الأمل في روض الأحلامـي!
أحسـب إنـك تيمـم بتجاهـي ويـن مايممـت!=أثـر لانتـه ورايـه فالطريـق ولانـت قدامـي!
كثر ماحـن قلبـي للونيـس وكثـر مادرهمـت!=فجر صدري حنينـي وأتعـب الأقـدام دراهمـي!
عيون الصد وعيون التجافي حول مهما اكرمـت!=تشـوف المجتهـد كسـلان والبنـاي هدامـي!
مصيبة لا تردت قيمتك فـي عيـن مـن قيمـت=يشوفك فالسهل وأنته تشوفه فالسمـاء السامـي
مدام إن جنابك شام لجنابي وأنت عنـي شمـت!=كثر خيـرك وأنـا لانيـب لاجايـع ولاضامـي!
أشوف إنه علـي واجـب ليـا مريتـك سلمـت!=مرور إكرام تربطـه الكرامـه عنـد الأكرامـي!
على شان الخفوق اللي على عرشه قعدت وقمت!=وحجب عنك الدجا لين أشرقت لك بيض الأيامي!
ختام السالفه ياطيـب العشـره كرمـت ودمـت!=هذا حقك علي وحـق هقواتـي علـى أوهامـي!
مصير الوقت يشرح لك دروسه وإن غفلت ونمت!=يصحيك الزمان اللي يصحـي كـل مـن نامـي!
وتذكرني لامنها ضاعت أوهامـك بمـن وهمـت!=وعرفت الفرق في حب الخشوم وحب الأقدامـي

[منيع]

نقل رائع لشاعر اروع
بارك الله فيك اخي الكريم الحارثي
تحياتي وتقديري

[الطامي]

الحاؤثي
شكرا لك على النقل المميز وحسن الأختيار
وصح السان الشاعر
لاهنت

[نفحات حساسة]

يعطيك العافيه اخوى
وتسلم على نقلك..
ويعطيك العافيه..

[حي الضمير]

منقول رائع من ذوق اروع
الف شكر

[عالي مستواها]

صح صح صح لسانه


يعطيك العافيه على النقل الرائع


تقبل مروري

[همس الورد]

نقل رائع و مميز

تحيتي اخي الفاضل

[نجم الإبداع]

شكرا على النقل الراقي

موووووووودتي

[فهد المري]

نقل راقي


ومضمون رائع


لك الشكر لاهنت

[فهد المري]

اقف احتراما للشامخة

نقل راقي

ومضمون رائع


لك الشكر لاهنت