عبدالله بن ربيعه

[الطائر المهاجر]

عبد الله بن ربيعه من آل وطبان ولد في الزبير وتوفي بها عاش حوالي 70 سنه وتوفي عام 1273هـ
له قصائد كثيرة في مدح آل سعدون امراء المنتفق
ومن اشهر قصائده :

خذماتراه وخـل عنـك التفاكيـر=ياقلـب يااللـي كـل ماجـاه داره
لابـد للعسـر المنـوخ مياسيـر=ولابـد ماتقفـي النـذاره بشـاره
العبد ماله عن حتـوف المقاديـر=واللي كتب لو هو بصنـدوق زاره
ماقل دل وحاجتـي ياهـل العيـر=طرس تودونـه لحامـي جـواره
من دية العـوام روحـوا مسايـر=تلفـون ينبـوع النـدا والنـعـاره
ربع يسرك وردهـم والمصاديـر=صبيان يامـا شتتـوا كـل غـاره
صار الجزا لى من عشيرالمعاييـر=لته يشارهنـي مشـاري مشـاره
ان كان حنـا ياخوالـك عطاطيـر=فحمود تبطـل شيمتـه واعتبـاره
جـدك أخـذ هنديـة بالدنانـيـر=بيضـا وتكـرم داخليـه طهـاره
ليتك تقر بخطبتك بنـت صنهيـر=أنشد بني عتبه تـرا العجـل داره
مرباه في دسبول والجـد بنجيـر=اشقر ولطامـة خـدوده خسـاره
حنا هل الباس الشديـد المناعيـر=وحنا الى خرب المذاهب عمـاره
ناهيك من صنعا الى ماورا الديـر=أنشدك من كل البـوادي جـواره
أنشدك من خيله بفارس مشاهيـر=وانشدك من أضرم على العجم ناره
وان قيل ثور مقري السبع والطير=أسهر عيون أهل المـدن بانظـاره
ومن طوع المامور بالسيف والمير=عن اينه شرعـه وسيفـه يسـاره
هذاك ابن عمي وخـل الجماهيـر=ياخو عمر ويش جابنا للعطـاره
الراية البيضا لاهـل نيـة الخيـر=مادامت العينيـن ترعـى سمـاره
بيت السلف بيت الخلف والمظاهير=بيت عمار المنتفـق مـن عمـاره
بيت لهم ورد الرياسـه بتصديـر=حلوين علقـم للـذي بـه مـراره
بيت لهم شيمه علامه عـن الغيـر=مالجلجـت عينـه بجـدار جـاره
بيت الرعايا والهنايـا المقاصيـر=بيت سلاطين العرب من حـراره


يمدح ابن ربيعة آل محمد بن ثامر السعدون من قصيدة طويلة :

الراية البيضا لاهل نيّة الخير= ما دامت العينين ترعى السمارة
بيت السلف بيت الخلف والمظاهير= بيتٍ عمار المنتفق من عماره
بيت الرعايا و الهفايا المقاصير= بيتٍ سلاطين العرب من حراره
بيتٍ بناشيهم علامة عن الغير= ما لجلجت عينيه بخدار جاره
بيتٍ لهم ورد الرياسة بتصدير =حلوين، علقم للذي به مرارة
بيت الندى بيت الغنى للمعاسير= بيت الرياسة والحكم والوزارة
بيتٍ تقصّده الهلاكا من النير= الله يدمر من سعى في دماره
بيت المحمد من تزبّنته صْغير= ما لي سواهم يعلم الله تجارة


وله قصيده تعد من خير ما قيل في الرثاء وهي مرثيته في وفاة الأمير بندر بن محمد السعدون (أمير قبائل امارة المنتفق) المتوفى سنة 1264هـ، ويقول فيها:


جوديةٍ شلت عن الزور وحوار= أقفوا بها كدغٍ عن احوارها زور
إن يمموها سهيل.. للجدي تندار= فاضت عن البجسة ترزم لجافور
ما وجدها وجدي, وعلام الاسرار= لا شك لا حيله إلى حل مقدور
عيني تنام و(بندرٍ) باظلم الغار= أستغفر الله ما ترى واضح النور
عليه دمعي جانح الليل مدرار =والقلب كنه من لظى النار مسعور
يا عاذلي كنك تبي دين وجوار =يا يوم علمه ما عدا نفخة الصور
ليت الحوادث سلهمت عنه مقدار= تقضي حسافاتٍ يولجن بصدور
عين الزمان اشهد من طار للطار= بالعشر من شوال الف لها دور
مرحوم يا نارٍ على ضلع سنجار= يفرح به الساري من الشام للطور
منى عليك اليا تناسوه تكرار= مرحوم يا سربال جاره عن الجور
ما بات ليل الا وعينه على الجار= مرحوم يا ثاوي على كفة الهور
كنه عجل.. لكن إلى امعنت صبار= سباق لاجناسه ولو كان مجهور
فالى اصطفق دنق, وبالحال يندار= تلقي العواقب منه نور على نور
وان هدهد الوسمي ونبت الحجر= فار واضحى سليم الطير بالقفر مسرور
وش عاد نظهر له من الشط لقفار =والشيخ خلف اعقابنا بات مقبور
حرٍ يطخ الخرب بالقاع وان طار =راحت عليه من الجناحين مكسور
يمضي الشهر وانا بتكرار تذكار =والمستعان الله الى هل عاشور
يا ركب قوموا يوم الاثنين نشار =مرواحكم قصر الطفيليل مشهور
المنتخي في نادي السر واجهار =والى تعلى فوقها ضاري الزور
فاعوس من في هامته زوم واصطار= قاسي بلين وتارةٍ حلو ممرور
سور الذليل ان طنب ارغاه هدار =فارس الى لز الحقب مبطن الزور
يا مسترق هاك الغرض يدك والحار =ما هي حكايا قهقر اخطاك حيذور
الدار جاها حامي الشان بيطار عادل= غشوم احنف زمانه وسابور
اقصر لها عن ملحق الثار بالثار= ومضربٍ غوجه على كل محذور
دون العلا خوض المنايا والاخطار =غنى عليها مبهم الراي والشور
حرٍ من العطشان هاك السنة طار= واهوى كما نجمٍ من الجو مامور
الحر خلف مبهم الراي شفار =ريش الجوارح بين كفيه منشور
ذا قول من كوبر وهو غوشه صغار= وان راوز للمرقاب تلوه بحدور
والشعر ماني له, ولا هوب لي كار= واسلم ودم باقي وبالخير مذكور



ولابن ربيعة من قصيدة طويلة يمدح الأمير ماجد بن حمود السعدون(أمير قبائل امارة المنتفق1832م-1833م) :

عنهم ألوذ بدار عطب المصايد= حرٍّ هوى طلعه ليوم المزاريد
شيخٍ يرى جزل العطايا زهايد= عين القراح ان رشّحوا بالمقاصيد
عنوى لحمّاي المقاديم مايد =مرخي عنان سلالته للبواريد
راعي البويضا للملابيس قايد= إن ثار من عجّ السبايا عواميد
سور المريب ان فرّعنّ الخرايد= يوم الوغى من دون الايام له عيد
وان حلّ بين اللابتين الفقايد= باع العزيزة ماجد الذكر بزهيد


ولابن ربيعة يمدح الأمير عجيل بن محمد السعدون (أمير قبائل امارة المنتفق1826م-1832م):


حرٍّ من العطشان يوم ادرج الحوم= وادوى غدت خرّام عقبان لينة
هجيج سلطان السويطي عدا الكوم= والشمّري للشام يلبق ظعينه
صاحوا علف، واشرف على راس مفهوم =متحريٍّ يظهر من الشرق عينه
أحدب أخو كيسه بعسماه مقصوم =ثمٍّ دهش، والحق صقر ف يمينه
قوطر فهد يلكد، وعباس من يوم= متسلّفٍ قبلٍ مشاوير قينه
شبه العقاب اللي هوى البحر منهوم =شبّهت طايحهم عقاريق طينة
هذي عوايد من تنزه عن اللوم= واللي بقى منهم تنكّس رهينه
سنجار مانع، والوعد عدوته يوم= نيّر بها الديّان بلحوق دينه
حرّم على من حاربه لذة النوم =لو من ورا الشطين بينه وبينه
يا ذيب ياللي ضاويٍ تسجم سجوم =ذبّ العوا لذيابةٍ بالدفينة
قل له عجيل احيى ربيعك بلملوم =والذيب الاخر بالنصيّة قطينه
مبهم بريم الراي نقّاض مبروم =يفداه من شوفات قلبه بعينه
ملجم عصا الأوما، وفكّاك ملجوم= عجيل كسّاب الثنا والسمينة
من الشام للشنبل لسنجار للروم =ومنين ما تومي رعاياه أمينة
عليه من كون المقيّر إلى اليوم =متقلّدٍ قلب النعامة قرينه
ما قال نظهر به من الهور لحزوم= لى عاد مجمول الحلا دافنينه
يقول لو فزنا بلازم وملزوم= عدوّنا بحرابنا مأدّبينه
علق بكفٍّ صايدٍ دايمٍ دوم =صيده شياهين التلاع الحصينة
محيي ل (كبش الهاشمي) سالف رسوم= لا زال كسّاب المعالي بحينه
المدح في غيره خسارة ومذموم= ونشر الثنا يهدى لمن هو يزينه
تلقى على اللومان جثياهم رجوم= ومنداتهم تجذب عليها عطينه
حامي جوانب ساحته من عنا الروم= حاوي خصال الحمد دنيا ودينه
واسلم ودم ما قوطر الركب بيموم= عقب الحجيج لساكنٍ بالمدينة


ولابن ربيعة أيضاً يمدح الأمير بندر بن محمد السعدون(أمير قبائل امارة المنتفق1842م-1847م):

خذ ما تراه، وخلّ عنك التماني= يا قلب ياللي لك عن الرشد شاطون
بسّ العنا يا قلب شانك وشاني= علام ما ترفق بحالي على الهون؟
اللي كتب لو ما لقيته لقاني= آمنت باللي قدّره والي الكون
ما زان من ذا الأوليّات شاني= بان الصحيح اقصر لها و ارع من دون
الرابح اللي ما تنا هالمتاني= يا ليتني في مسجد السيف مدفون
وايّاك من صدٍّ وفرقة اخواني= ياللي الخلف عقبه هواجيس وظنون
متخلّفٍ عقب المعزّة هواني= ومتبدّلٍ عن شوفة الزوم بالدون
زانت لابو وجهين في ذا الزماني= واشوفها راحت على كلّ مامون
والحرّ دنّق ناظره تقل زاني =والشقلباني هافي الجدّ ملسون
رجمٍ تشوفه بالمتاييه باني =لا ترتجي منه المعزّة، ولا العون
باعوا عريب الساس ما به مثاني= فيه الزغل يُشرى، وشاريه مغبون
وافي السجايا عندهم ما يعاني= والبرّ يحظى فيه ناهق وبزّون
بالملزمة لا عان من لا يعاني= ولا عاش من لا شام، والرزق مضمون
هذا، ويا ركبٍ تقلّل بثاني= روحوا عساكم مكرم الضيف تلفون
شيخٍ شرى بالسمت ذرب المعاني =ومنزّهٍ عينيه عن شوفة الدون
كهف المخيف، وريف من جاه عاني= سيباية (المنشا) حماهم ضحى الكون
بندر إلى لزّ الحقب للبطاني= محيي فعال (الشيخ ثامر، وسعدون)
يوم الرخا ذبّاح حيلٍ سماني =ويوم الوغى تلقاه طاعن ومطعون
علقم عسل أبكم فصيح اللساني= مبهم بريم الراي شاطن ومشطون
ذل الخصيم، وعقبه عزٍّ وداني= قل عشت يا قبس المقاريع وحصون
ياللي رقى تل النقا والمباني= يا ميمرٍ تتلاه الاسلاف وظعون
قلبك دليلك بيننا ترجماني= أراك ما تنشد عن احوال مرهون
خير الثنا يبقى، وراعيه فاني= اسلم، وضدك ريّح الكف وسكون


ولابن ربيعة أيضاً يمدح الأمير بندر بن محمد السعدون (أمير قبائل امارة المنتفق1842م-1847م) :

وانا بعيطا عن جبل كلّ غاطي =متذرّيٍ عن واهج القيظ وشباط
شيخٍ نشا كفّه لحيّه قلاطي= والبطن منها للمحاويج صفّاط
بحرٍ على واعين الاذهان حاطي= ملقاه يودع واضح القلب غلاط
طرق الخطر وانحى صديقه يواطي =مودع ثقيل الراس بالرسن روّاط
كم عين بو سبعٍ نحيفٍ سباطي =أسبل، وعاف الخبط من خوف خبّاط
بندر إلى ادمى أشهب الريش ساطي= راحت جميع احرارها عنه شطاط
خيّالهم يوم السبايا ملاطي= ورجّالهم عند الملاقاة قلاّط
ان سلم لي هو كيفتي وانبساطي =وصلّوا على من خصّه الله ببساط


ولابن ربيعة أيضاً يمدح الأمير بندر بن محمد السعدون (أمير قبائل امارة المنتفق1842م-1847م) :

منّي لمن سنّ القطيعة سلاما= ودّوه له ياللي تمدّون بكتاب
سلام مفجوعٍ طواه الهياما= وازرى الولع به بين قومه والاجناب
هنيّكم جنح الدجى يا نياما =عيني لها عن لذة النومة حجاب
إلى سمعت مغرّدات الحماما =صكّ الهوى بيني وبين الحيا باب
أوري الجلد، ودموع عيني تهاما =من لاهبٍ لو هو بصمّ الصفا ذاب
القلب منّي للمصلّي يماما =واللي بقى بالريف صورة والاسلاب
من نجد ما جا من يردّ العلاما =يا من يعلّلني، ولو كان كذّاب
يا ركب قوموا فوق هجنٍ هماما= دواربٍ شروى المحاحيل هرّاب
لى طاب للهلباج حلو المناما =أنا اشهد انّ الهرج باكوارهن طاب
يشدنّ زول مذيّرات النعاما =ساعة توامى بالمطاليق غيّاب
ما قل دل، وكبّ باقي الكلاما= والوصف ما يخفى فهيمين الالباب
يا ركب، وان جيتوا منازل دهاما =ينبي لكم من ناعس الطرف نبّاب
إن سايلوا عنّي، وبان الملاما =تعذّروا لي يا عريبين الانساب
قولوا عليه الشهر بالريف عاما= وان دار حوله قيل حدر الثرى غاب
بين الرجا قولوا، وبين الحماما= لا هو ب حول الما، ولا هو لجذّاب
قال الطبيب اش تشتهي قلت لاما= عجّاب لعّابٍ ورا نايف هضاب
أفكر، وقال دواك حدر اللثاما =قلت اي نعم من ريق معسول الانياب
هو ريف قلبي عنه ما لي مقاما= لولا عريب الجدّ قطّاع الارقاب
ما دام لي بالريف ريف اليتامى= ما نجد عندي واريش العين بحساب
إن قيل من هو قلت وافي الذماما =حيدٍ ربع بالحمل ما شقّ له ناب
أنا دخيل عنان مغني العداما =ومن مسنده مثله أجل عنك ما خاب
بندر إلى لزّ الحقب للحزاما =ذخري إلى باروا عديمين الاصحاب
عيده إلى ثار الغبا والكتاما= سور المريب ان برقع الشمس جلباب
حرٍّ إلى رفّت سبوقه وحاما =نلت القرى من ضرب كفّه ومخلاب
غيث الندى ليث الوغى ما يهاما =حمّاي زمل مخدّراتٍ بالاكتاب
فرزٍ طفح شوفه لصيد النشاما =يرجى العلف من جوف شرواه وعقاب
إن جيت له يلقاك ملقى ابتساما= وياما عطى من سابقٍ ذكرها طاب
خير الثنا يبقى، ويفنى الجهاما =ولا عاش من يقرع على غيرهم باب
وصلاة ربي عدّ وبل الغماما =على نبيٍّ خصّه الله بكتاب




وقال ابن ربيعة يمدح الأمير صالح بن عيسى السعدون (أمير قبائل امارة المنتفق1855م-1856م) :

با لله يا ركبٍ تقلل هميما =عوجوا رقاب الهجن يا ركب لمقيم
لابن الكرام الهاشمي الكريما =يا ركب روحوا بالتحية وتسليم
سلام من طي الخوافي سليما= ما خاشره نوع الريا التواهيم
عين العديم اليا دهاه المظيما= حامي جوانب ساحته والملازيم
قالوا حراش وقلت شايك صريما =علقم عسل مامون ضاري إلى ضيم
للملتجي ظل ظليل ونعيما =وللمعتدي نيران حربه مضاريم
هذا الفحل واجد افحول الحريما= الفحل من يلقح برايه معاقيم
مرهم كسر عانيه سم الخصيما= صافي كدر بالجاذية خشن ونعيم
ريض عجل سفاك طفق وحليما= خيالها رجالها بالملازيم
فالى اعتلى حس التفق والرزيما= لاذن خفرات (الموانع) بصمصيم
فان قيل من هو قلت هداج تيما= عد قراحٍ مرتكي للدواهيم
يا ناشدي ما هو خفي لا تعيما =مفهوم (ابو فرحان) من غير تفهيم
ما باق غراته جليس ونديما =مقعد ازناد المرجلة للمواليم
زبن العديم ان كان قل العديما= المبتسم يوم الرزايا مناظيم
هذاك ابو فرحان عوق الخصيما= فاعوس من في هامته زود تصميم
إن كان ما طبع المراجل رسيما= الطبع يسبق ما تفيد التعاليم
ضراب دار اعداه لو هو مقيما= مسهر نواظرهم وهو بالحرم نيم
دون العلا يا هيه مظماة هيما= ما هو بخط الما طريق البراهيم
فالى تغيشم لا تظنه غشيما =مخلف ظنون اهل الفهم بالتناجيم
(صالح) إلى لز الحقب للبريما= حامي جوانب دار (منشا) عن الضيم
بيت الندى وبضاعتي من قديما= بيت الرجا بيت الغنا للمعاديم
بيتٍ لعله للعرب مستقيما= آمين قولوها معي بالخواتيم
ذا قول ضيفٍ بات قدره حشيما= في ضف سلطان العرب طيب الخيم
لا وافدٍ والله بحالي عليما =ولا شاعر يبغي العطا بالمناظيم
اثني على بيت المحمد قديما =سقاه من وبل الحيا هاتف الديم
واهدي على خير البرايا الكريما =نبينا الهادي صلاةٍ وتسليم


وقال ابن ربيعة في مخاطبة الأمير فيصل بن حمود بن ثامر السعدون (أمير قبائل امارة المنتفق1833م"ستة أشهر") :

من حايرٍ ياوي عدوّه لحاله =بين الجلا والعسر والكبر وعيال
متسمّتٍ يوري الجلد والجمالة= ومسمّرٍ بين التماني والآمال
عن هاجسه والزود قصرت حباله= بايع حياته من قصا الوقت بخلال
هذي ثلاث سنين ما انساح باله= مهما شبا جرف الرجا طاح بالجال
يطنا ومهما شاف لجّة عياله= ذبّ الطنا من هامة الراس بنعال
يتلي الظعن حافي ولا له زمالة= وا شيب عينينه إلى سرب اللال
يا مبلّغٍ ريف المقاوي رسالة =عودٍ بها: ينخاك يا حامي التال
يا ولد من كلٍ قصر عن فعاله =ما مات من خلّف لنا شبل الاشبال
ما انت ب صغير السن بك قول ذا له= أوي والله يا هل الخيل خيّال
يذكر فريدٍ ذابه الدهر ما له= عونٍ سوى الله ثم رجواك للحال
رجوى الحواله كلّفتنا جمالة= العام من شوّالٍ لي دور شوال
بين الكويت وبين نازح شماله= حفيت ركابي بين الاقفا والاقبال
يالخال شوفات القطيعة جرى له= تقطع رحمك بشور من لا لهم تال
جالي شمال وجيت أرجى نواله= خالك لقى بطوالة الخيل خيّال
حاشاك يا من ريف عيني نواله= تبيعني في راي حاسد وعذّال
كان النزيل بساحتك له نزالة= إلى شبا سلمى صعد عالي العال
بين الرحم بين اللحم والثنا له= متوسطٍ ما لك على الخال مدخال
لايذ بشهلولٍ عن الضيم جاله =ريف وذرى من هو للاثقال حمّال
عندي إلى كلٍ ترهّى بماله =ذخيرتي (فيصل) إلى كمّل المال
واسلم ودم وختامها بالجمالة= بس الثنا يبقى وما شفت زوّال


وروي أن الشاعر عبد الله بن ربيعة لم يكن على وفاق مع ناصر (باشا) السعدون(أمير قبائل امارة المنتفق"1866م-1874م" ووالي البصرة والأحساء من قبل الدولة العثمانية) ، وفي إحدى السنوات دخل ناصر البصرة بعد أن انتصر في إحدى معاركه برجال لا يتجاوز عددهم المائة، فبعث له ابن ربيعة هذا الموال مهنئاً:

فتل حبله و حبل عداه فاله
وشكخ في قلوب عداه فاله
وطا الحال، وصار الرشد فاله
طفا الماي من طوفان ميّة

ومن قصائد ابن ربيعة المتعلقة بآل سعدون أبيات كتبها بعد عودته من الرياض وافداً على ابن عمه الإمام تركي بن عبد الله آل سعود، فمنحه فرساً عربية أصيلة من إسطبله الشهير، ولكن ابن ربيعة كان يمني نفسه بما هو أكثر، وقبيل مغادرته الرياض جاءه من يخبره بمولد صبي للإمام، فمنح البشير الفرس، وعاد إلى الزبير خالي الوفاض، وفي طريق عودته قال ابن ربيعة هذه الأبيات:

متى تعود بنا الركايب على خير= متنحّراتٍ للجدي والمباري
وش دلني درب الصفرّات والبير= يا بايعٍ روحه على غير شاري
ليتني بعيدٍ ما تقرّبت لسدير =في ديرة (السعدون) عقب المحاري
ف قفايتي قالوا هلي: يا مسافير= وبقبالتي قالوا هلي: يا وجاري
ماخوذ يا ماخوذ شفت المناكير= ليتٍ هربنا في ظلام الغداري

[صعبة المنال]

طرح مميز


يعطيك العاااافية

صعوووب

[ترانيم المطر]

طرح مميز


يعطيك العاااافية

[الطامي]

الطائر
شكرا على النقل

[حوريه]

طرح مميز


يعطيك العاااافية

[الخنساء]

شكرا مشرفنا
صح لسان الشاعر



طرح رااااائع لاهنت

[منيع]

كل الشكر والتقدير لكم
تحياتي

[صعبة المنال]

يعطيك العافية على التميز

صعوووب

[عمر ال شيبي]

شكرا لك اثريتنا بالجميل

بيض الله وجهك