صوريني في خيالك وابعثيها للقمر(بالصوت)

[الطائر المهاجر]

صـوّريني في خيـالك وابعثيهـا للقمر = يشهـد بحبّـي وحبـّك لــو تعاندنا النجـوم
وارسمي الذكرى الجميله فوق امواج البحر= تنشأ مزون السعاده برقها يجلي الهموم
تمطر بـواد المحبّة تروي لظـام الشجر = تثمـر ورود الأماني ما تخاف من السموم
وارسلي طيفك يسلّي طرف اتعبه السهر = عاكف بمحـراب حبّك عن هوى غيرك يصـوم
واسمحي لي لو دقيقة ما على مثلك أمر = اكتبك في وسط قلبي رمز في عال الرجوم
تسمعي آهات ثكلى لـو لمستيها جمر = برديها من حنانك لاتخافي من يلوم
واكتبيني في فـؤادك مثل نقشٍ في حجر = ما أبي تنسين حبّـي وامضي العمـر محـروم
واذكريني يا ملاكي لو يطول بنا دهر = مثلما تذكرك روحي بصحوتي وإلاّ الحلوم
انتي كل الكون عندي وانتي شمسي والقمر = وانتي الدنيا بدونك ما لها عندي لزوم
ويش اسوي يا حبيبي كلمـا جـاني خبر = عن خطيبك عن مصيرك كيف انا مثـلي ينـوم
ادري اهلك ما يبـوني دام خـاواني القهر = ما يبـون إلا الحصـاني ما يبـوا ذيبٍ جـزوم
وما يبـون إلا فـدامٍ جـرّها مـدّ البحر = لـو تمسكن لـو تـذلل بالبحـر تعـرف تعـوم
علّميهـم ، فهّميهـم ، انتهـى كل الصبر = ما لحبـي غيـر صقـرٍ دايمٍ حولي يحوم
قـولي الطير المهـاجر لولا حبي ما هجر= كل هـذا الكـون لاجلي لو تحداه الخصوم

[سناعيس]

قولي الطير المهاجر لولا حبـي مـا هجـر +++ كل هذا الكون لاجلي لـو تحـداه الخصـوم

أف أف أف اثرك مشلوع قلبك وأنا أقول وش اللي خلاك تهاجر
الله يلوم اللي يلومك


صح لسانك وعزالله مايوفيها كلمة جزله ولا كل عبارات الثناء
أعتقد كمتذوق بأنها من أفضل ماقيل بالهجر

ياليتني كنت اعرفك ذيك الأيام كان فزعتلك بحبة راس ابوها واتعنقطبه لين يرضى
لكن الخيره فيما اختاره الله

[أم ريما]

واسمحي لي لو دقيقة ما على مثلـك أمـر
اكتبك في وسط قلبي رمز في عال الرجـوم
تسمعي آهاتٍ ثكلـى لـو لمستيهـا جمـر
برديها مـن حنانـك لاتخافـي مـن يلـوم



ابيات راااائعه .. صح لسانك

يعطيك العافيه يا مشرفنا

[ماجد السعد]

تسمعي آهاتٍ ثكلـى لـو لمستيهـا جمـر
برديها مـن حنانـك لاتخافـي مـن يلـوم

الله الله

وبحر اطرب لها جدا جدا

من القلب لك الشكر يابو عبدالله

[الطائر المهاجر]

افا ياسناعيس
ونا احسب انك غواص واثرك يادوبك تطافش على الشاطئ!!

[منيع]

اخي الكريم /المشرف العام
القمر
النجوم
البحر
هذه المفردات يتعامل بها الشعراء في الحب كثيراً وهي ذات مدلولات رائعة وقد وظفتها بأاتقان
-------------------------------------------

[الغريب]

صح لسانك

يامشرفنا

جزل وقصيده رائعه

تسلم ويسلم بوحك

[الغريب]

صح لسانك

يامشرفنا

جزل وقصيده رائعه

تسلم ويسلم بوحك

[الأموره]

صح لسانك و علا شانك

قصيده رائعه اخي المهاجر

الف شكر لك على جميل طرحك

دمت برعاية الخالق

[صقر سبأ]

تسلم يا دكتر على هذة الجزله الرائعه

لك كل احترامي وتقديري

وتقبل مروري

اخوك عايش