الـــمـــجــــالـــس

[عبدالرحمن بن زهير]

صباح/مساء الورد عليكم جميعا

المجلس اللي مايجيه المسايير=مافيه فود ولويكلف ملايين
والمجلس اللي مدهل"ن" للمناعير=يسوى ذهب لوهو من القش والطين
يلقى به الطرقي وجيه"ن" مسافير=هذا يرحب به وذا حطه يمين
ويدار فيه الكيف صفر"ن" مباهير=تجلي عماس الراس والخطر يزين
ويسج عن همه كثير التفاكير=اللي تخلى عنه حتى القريبين
ماهو بمجلس مدمنين المحاذير=ناس"ن" يخالفهم هل العرف والدين
لاجيتهم مثل الشبا والسواطير=وما يقطعون إلا بلحم المقفين
واطلقهم اللي يفتل الراي ويشير=هامور في سوق الربا والمرابين
ماهمهم ياكود جمع الدنايير=ولايردون النظر فالمساكين
اموالهم لوهي توازي قناطير=وقت النوايب ماحد"ن" منهم يبين
ياجعلهم يفدون ذخر المعاسير=اللي يخاوونك على العسر واللين

[الطائر المهاجر]

رائعة من شاعر رائع
ومتجدد الإبداع
صح لسانك وفكرك
ودام ابداعك
تحيتي ومودتي

[داعي الشوق]

الله الله

يالشاعر الرائع عبدالرحمن

و صح لسانك ،

الابداع يتجدد معك دائما

قصيدة واقعية جدا

من شاعر مبدع بالجزالة

تقديري لك

وصح لسانك مدد

********

[عبدالرحمن بن زهير]

ابوعبدالله شكرا لمرورك هنا وصح الله بدنك يالغالي

[عبدالرحمن بن زهير]

اخي داعي الشوق صح بدنك وشكرا على هذا الإطراء والتنبيه على الخطاء الإملائي...تشرفت بوجودك يالغالي لا خلا ولاعدم....تحياتي

[الراقي]

كتبت فأبدعت

وتألقت

بروعة قلمك و فكرك

صح لسانك حتى ترضى ،

كل الشكر لك

^^^^^^^^^^^^^^^^^

[عبدالرحمن بن زهير]

سلمت يالراقي وصح الله بدنك

[مبروك بن ماضي]

الاخ الفاضل الشاعر / عبدالرحمن بن زهير
ما أجمل الوقوف على عتبات كلماتك
صح لسانك مدد بلا عدد
فقد أستمتعت بكل حروفها
تقبل تحياتي وتقديري
أخوك / بن ماضي

[عمر ال شيبي]

سلمت

ورب قلت الصحيح

الين انك كفيت ووفيت

صح لسانك لا هنت ابد

[حوريه]

والمجلس اللي مدهل"ن" للمناعيـر
يسوى ذهب لوهو من القش والطين


صدقت ياعبدالرحمن
وصح لسانك على هالجزاله
قصيده رائعه ومعبره
دمت ودام حرفك
.......