لا تشتري بيت ما تدري اساساته

[الطائر المهاجر]

لا تشتري بيت ما تدري اساساته = ولا تدري الأرض صلبه او بها ريبه
يمكن تجاري ولا تعرف حكاياته= حتى يجي وقت تظهر لك عذاريبه
مهما تصلح فلا تامن بناياته = ولا احدٍ يبي يشتري دامه وضح عيبه
ولا تقرب اللي غدا كنّه بنياته = عنزه تقوده فلا من قدر او هيبه
يبيه ينقال طيّب منكر لذاته = متفتّح الفكر مرنٍ في اساليبه
ما يدري الوضع غيّر من مساراته= فكلٍ بهالوقت يبحث عن مكاسيبه
دامه تساهل فعندي العلم واثباته= بيتِ تقوده مره ماافلح مناديبه
فبعض العذارى مثل طفلٍ بنزواته= ان ما تحكمه يضر النفس وصحيبه
وتنتج بغاثٍ تعاني دوم علاته = فالطفل للأم لو راسه كثر شيبه
ولو قلت اعدّل اذا من شفت هفواته= ماعاد يمدي ولو حاولت ترهيبه
سبحت في بحر ماتدري بموجاته = جرك لقاعه غريقٍ دون تدري به
لابد تمشي بشرع الله وآياته= ولاتخاف البشر لو زاد تحزيبه
فالحق يكسب فلا تيّس بحرواته= والصبر محمود تجني من عواقيبه
ورجلٍ تنازل عن المبدا بنهاياته= مهوب رجلٍ ولو شفته كبر جيبه

[منيع]

ياسلام عليك
فعلا اهم شي الاساس
ابدعت واجدت
تحياتي لكم

[صعبة المنال]

ورجلٍ تنازل عـن المبـدا بنهاياتـه
مهوب رجلٍ ولو شفته كبـر جيبـه

الله عليك يا ابو عبدالله

صح لسانك

[نفحات حساسة]

الله الله

صح السانك طائرنا..ولاهنت

أبيات رائعه لها وقعها,,يعطيك العافيه

وسلم منطوقك..

تحيتي لك..

[زهرة اللوتس]

فالحق يكسب فـلا تيّـس بحرواتـه
والصبر محمود تجني من عواقيبـه

ورجلٍ تنازل عـن المبـدا بنهاياتـه
مهوب رجلٍ ولو شفته كبـر جيبـه


صدقت
صح لسانك وفكرك
لاهنت
دمت شامخا

زهرة

[بنت العز]

لابـد تمشـي بشـرع الله وآياتـه
ولاتخاف البشـر لـو زاد تحزيبـه

صح لسانك ولاهنت
يعطيك العافيه

[حي الضمير]

صح لسانك ملايين يابوعبدالله
قصيده رائعه وجزلة وابدعت بارك الله فيك
أجزل التحايا والاحترام

[بدر الحافي]

صح لسانك يا دكتورنا

قصيدة جميلة جدا

تحاكي واقع
وتعالج هم

تقبل مروري

لاهنت

[عبدالعزيز ابراهيم المنصور]

الطائر المهاجر
نص رائع
لافض فوك
سلمت ولاهنت
دمت بخير

[عبدالله راشد الثويني]

شاعرنا الجزل / ابو عبدالله
صح لسانك مليون ولا يكفون دُرر يندر وجودها
أبدعت وامتعت وهذي عوايدك
كل الشكر ولا هنت ياعزوتي
تقبـّل تحيتي