انشــــــــــودة الـــــــــــــحزن

[احمد الجريفاني]

اظلمت في عيني الدنيا ولا ادري وين اروح=قل نوم وظلم قوم وكثر لوم ومضيعه
ما اشوف الا الغرابيل اختفى برقن يلوح=لو تهيا للسعاده درب اكيد ابي اتبعه
كل ما داويت جرح بجرح تضهر لي جروح=ادري ان اللي بكاسي سم اسمي واجرعه
ضاع عمري منصف لغيري لعذالي نصوح=سقم حال وضيق بال وسوء فال مجمعه
كني بسجن انفرادي مغلقن بالفين لوح=لا امل عفون قريب ولا تفيد القرقعه
ما تهنيت بدلال ولا خبر عني شفوح=ولا شقيت بجمع مال الستر نفسي مطمعه
مثل عصفورن يحسدونه على ريشن وروح=لا نبت ريشه يطير وسقم حاله يمنعه
وش تفيد لعيني الدمعه وقلبي لو ينوح=اشهد اني مع همومي ضعت وسط المعمعه
با الغثا وقتي كريم وباالهنا حظي شحوح=اصبحت حالي مثل معمي عيونه بصبعه
ما ظلمت ولا سلمت ولا خلط طبعي بجوح=دايمن بيبان قلبي للخلايق مشرعه
كان جنبي من تناجيني قبل تنوي نزوح=فارقت وامسيت هايم كل مرقاب اطلعه
لا هناة ولا غناة ولا مشاطرني مزوح=ما به الا نزف مجروحن وروح ملوعه
كنت اطرز للاماني ثوب وابني له صروح=ما تصورت القرير يجيه يومن يفجعه
كيف تصبح قمتي با الامس تحلم با السفوح=وكيف تصبح جنتي با الامس نار مولعه
اشحذ الفرحه من الاحزان قالت يا لحوح=فرحتك لو هي بيدي حبل ملزوم اقطعه
لا نوى وقتك يهينك ما تقدم لك شروح=من حكم مسبق عليك تظن قلبه يردعه
اشهد ان الموت راحه واشهد ان الصمت بوح=السكوت دوا جروحي في زمان الجعجعه

[عمر ال شيبي]

الله يفك اللي به كنينك
ويعينك الله
صح لسانك لا هنت

[كظيم]

ياساتر ياساتر
وش هـ الحزن يادافع البــلا

الجريفـاني
الله يبعد عنك الحزن ويسعدك يارب
قصيده جزلـه ووافيـه رغـم حزنهـا ومرارتهـا
ابدعت في ترجمة مشاعرك وما تحس بـه
صح لسانك وفكرك
تقبلني وتقبل مروري المتواضع لاهنت
ودي وتقديري

[عبدالعزيز العمار]

قصيدة جزلة وقاف رائع رغم مسحة الحزن اللي فيه

صح لسانك يالجريفاني وجاد بيانك

تحياتي لك

[الطائر المهاجر]

افا وليش السوداويه
اضحك للدنيا تضحك لك
ماعليها مستريح
صح لسانك
ولا هنت
تحياتي

[داعي الشوق]

الله الله يا بو فراس

نزف معبر بكل اللغات و المشاعر

لله دررك

ابدعت و اتعبت قارئها بمعانيها

دمت بخير و عسى ايامك سعيده و راحة بال

وصح لسانك مدد

ولاهنت

[الـزلـزال]

أحمد الجريفاني

نص رائع ومميز وجزل
من شاعر متميز ورائع في كل نصوصه الشعريه
أبدعت وأمتعت شاعرنا
دمت ودام حرفك الراقي
صح لسانك ملايين ملايين
ولك فائق تحياتي وتقديري

[عبدالله الشويمان]

صح السانك يا اخ احمد

نص جزل من شاعر جزل

دمت بخير وصحه وسلامه ولا هنت

[الثميري]

صح لسانك وقلبك
ولاهان راسك
مبدع وجزل
ودي وتقديري

[الخنساء]

ضـاع عمـري منصـف لغـيـري لعـذالـي نـصـوح

سقـم حـال وضـيـق بــال وســوء فــال مجمـعـه

كـنـي بسـجـن انـفــرادي مغـلـقـن بالـفـيـن لـــوح

لا امــــل عــفــون قــريـــب ولا تـفــيــد الـقـرقـعــه

مـــا تهـنـيـت بـــدلال ولا خـبــر عــنــي شــفــوح

ولا شقيـت بجمـع مـال الستـر نفسـي مطمعـه

مثل عصفـورن يحسدونـه علـى ريشـن وروح

صح لسانك مليوووون ولايكفون

قصيدة جزله من شاعر متمكن

سلمت ودام حرفك