قصيدة من الارشيف الخاص بالماضي

[علي سعود العازمي]

(أثنين) (سته)( بينهن حط)( صفرين)=(تاريخ) سوى فـي ضميـري هوايـل
(ثنين)( واحد) من بعد (عصرالاثنين)=(الساعة أربع) مـع دقايـق قلايـل
(ذاك النهار) اللي منه خاطري (شين)=(حل الفراق) اللي به الشـك زايـل
فارقت من حبـه رجـح بالموازيـن=غـلاه فـي كـل الموازيـن مايـل
أستغفـر الله فوقهـا بالغـلا أثنيـن=(الوالدين) اللي على الـراس شايـل
ماغيرهـم صـارو عليهـا متعاليـن=ياتي بعدهـم حـب ظـاف الجدايـل
ودعتها في وسـط جمـع المصليـن=وأعلنت ياسي قبل اسـوق الرحايـل
قفيت لاكـن صوبهـا تنظـر العيـن=وسقت النظر صوب القبر والنثايـل
رجعت قالو (ياعلـي) رايحـن ويـن=على النصايب قلـت أبأكتـب مثايـل
قالو نعرفك رجل لا تصير مسكيـن=مثلك رجوعه عيب يا بـن الحمايـل
قلت اه ياربعٍُِن علـى القلـب غاليـن=في أكسبو لو ربـع ساعـه جمايـل
تكفـون ياللـي تلحقـون المخلـيـن=الله مـن قطـع الرجـاء و العقايـل
قالو أجل سرعه عـن القبـر مقفيـن=يحاولـون أقنـع أبشتـا الوسـايـل
وعلى نصايب قبرها يسـار ويميـن=رسمت ذكرى ظلـوع قلبـن نحايـل
ورسمت قلب وسهم من بين قوسيـن=متـوازي الاظـلاع ورسـم مـايـل
وسجلت تحت الرسم ياسيـن ياسيـن=رمز الو فاء ياللـي طلبـت الدلايـل
إرسوم ذكرى محب فـارق محبيـن=علـى نصايـب قبـر بديـار حايـل

[عبدالرحمن الصباح]

استغفرالله فوقها بالغلا اثنين =====الوالدين اللي على الراس شايل
ياسلام عليك شاعرنا المبدع على سعود العازمي صح السانك واعتلا شانك قصيد جزله من شاعر جزل

[الطائر المهاجر]

الله يغفر لها ويرحمها
صح لسانك
ولاهنت
تحياتي

[منيع]

رائعه ومؤثرة
شكرا لكم
تحياتي

[منصور العبدالله]

صح لسااااااانك ياعلى العازمى

وجبر الله كسرك وكسر

من عانى مثل هالفراق المحتوم

جد مؤثره مؤثره لحد ذرفه الدمعه

صح لسانك ملايييين

[داعي الشوق]

صح لساانك يالشاعر علي سعود العازمي

و الله يرحم الفقيدة و يغفر لها

و أموات المسلمين

قصيدة محزنه يا علي

ولاهنت

[الراقي]

الله يغفر لها ويرحمها

وصح لسانك

[منيع احمد القرني]

من اجمل ما قرات
صح لسانك اخي علي
والبيوت بمجملها رائعه جدا جدا

[الطامي]

العازمي
صح السانك ملايين
نعم اخي بعض التواريخ لاتنسى نوب
شكرا لك

[عبدالله راشد الثويني]

علي سعود العازمي


شاعر مميز
يتجدد الإبداع مع كل أطلاله راقيـه
تسلم يمناك على ماخطت مبدع بكل حالاتك
صح لسانك ولا هنت
وتقبـّـل تحيتي