الباقيات

[عبدالعزيز البليهد]

لاواهني اللي نزل بامر مولاه = في ديرةٍ حيين اهلها , وحيه
والعيشة اللي بالمهونه بليــاه= ماتنغصب نفسٍ عن الذل عيه
يالله رضاك..الناس مايدرك ارضاه = ماحققت غايات وارضاه شيه
الاد مي لو يبطي الموت فاجاه= ولا كنه ادرك من طموحه حصيّه
رجليه حفيت طايرٍ يبست شفاه = عطشى عيونه ! والمطرفي يديه
ياقلب لاتزمل ترى الحزن ملفاه= زوال لوطال البطى راح كيه
ياقلب حملي كبر اجاء والف عزاه= مار الرجاء بالله على كل هيه
يارب راع الاوله كيف ابجزاه= راعي جميل وطال صبره عليه
والله ماذخر حاجةٍ له ونا اقواه = من لاجزاء الاحسان لارحم بيه
وهاف الاصل ياخيبة اللي ترجاه= وخسران من يرخص للانذال شيه
اقولها لاخوف والا إمّــاراه= من يقتدي بالحق لاوا هنيه
الخير راع الخير لاعميت ارياه = والخيّر اللي تاب بعد الخطيه
الكذب من مبداه ذلٍ الا اتلاه = نهايته للنـــــــــار لوطال غيه
شيخ الصفات الصدق للعبد منجاه= والله يعــلم كل حســنه وســيّه
الطيّب الطولات جت له وهو جاه= من مــــاه تنساب الجداول هنيه
الطيّب العسرات لاشام يرقاه= وان جاد.. لاجادو كثيرٍ شوّيه
ماتاه من حط الجدي حول مسراه = وكان القمر خمسة عشر صار ضيه
ومنجوم حـدّاي الصّفر عند مولاه= بدل بذكر الله وشكره !! بسيّه
الله يرحمنا ومن عاش يخشاه = ياقـــاه شر الخلـق والمهمهيه
اقولها والراس بالعز وطّاه = خوف ورجاء الدايم وفضله عليه
ولاخظعت لشيء فاني او لجاه = مادامي ادّرك وانتخي في (رقيه)
الرزق والمقسوم لابد نلقاه =والباقيــات الصالحات المطيه
ولاعندي ايمانٍ بقولة حلولاة = انوي على الله.. كل خيره خفيه
الله يحسن خاتمتنا عن ارداه = وخير الخواتيم الصلاة الزكيه
يالله عدد ماشئت امين ياللــــــه = واعداد مايهدا لخير البريه
ومنك الصلاة اعدادها اقصاه وادناه= على محــمـــد وال بيته وحيه

[زهرة اللوتس]

سلمت وصح لسانك
لله درك
جزلة من شاعر جزل
لاهنت
تحية طيبة

زهرة

[الـزلـزال]

يــارب راع الاولــه كـيـف ابـجـزاه=راعـي جميـل وطـال صبـره علـيـه
والله ماذخـر حاجـةٍ لــه ونــا اقــواه=مـن لاجـزاء الاحسـان لارحـم بـيـه
وهاف الاصـل ياخيبـة اللـي ترجـاه=وخسران من يرخص للانـذال شيـه

عبدالعزيز البليهد
بوح في قمة الجمال والعذوبه
من شاعر متمكن ورائع في كل مايقدمه
شاهدنا في هذا البوح معاني راقيه
ونصح وأرشاد وحكم
صاغها شاعرها بكل تمكن وأقتدار
مبدع شاعرنا ومروي للذائقه
رعاك الله
صح لسانك ملايين ملايين
ولك فائق تحياتي وتقديري

[بنت العز]

صح لسانك لاهنت
تحياتي

[همس الورد]

صح لساااانك مليون

و صح بدنك

بووووووح رائع

لاهنت

[الطامي]

البليهد
صح السانك ملايين
جزلة من جزل
لاهنت اخي

[عمر ال شيبي]

صح لسانك ملايين ملايين
ولك فائق تحياتي وتقديري

[منيع]

رائعه ومميزة
بارك الله فيكم
تحياتي

[صعبة المنال]

صح لسانك

قصيدة جزلة

صعوووب

[حي الضمير]

صح لسانك ياعبدالعزيز
قصيده جزله وابدعت يامميز
أجزل التحايا والاحترام