![]() |
رقم المشاركة : 1 | ||
|
المهاجر=
الشوق بين الرجاجيل عذروب= ياحيسفا رجال هذا كلامه يغازل رفيقه وحسبه خوش رعبوب= وصاحبه ساكت ما يرد الملامه فلاح= صنداح مايبصر تقل صار حلبوب = شاف الصقر يحسبه ياعود هامه المهاجر= يومه سمع صوته على جر مسحوب= يحسبه بلبل ما درى به نعامه صنداح= عسالله يحاسب بعض الاشخاص بذنوب = وانا ماقبل المذي ولا خذ كلامه فلاح= الله يستر شكلك اليوم مشطوب = ياعود تالي الليل تسري المنامه المهاجر= هذا كلامه واضح الحرف مكتوب= ماجبت من عندي عساك السلامه صنداح= يازينك مادامك عارفٍ تلبس الثوب = ولا انته بعارف كيف لبس العمامه فلاح= ماني مطاوع كل شاير وذبذوب= واعرفك زين اليوم يابو دلامه صنداح= كلامك ياراع العلم واضح ومحسوب = واشوف الجمل قام يتمايل سنامه المهاجر= خل السوالف اتضح كل ملعوب = ترى الرجل يدري بصقر وفدامه مثلك خبير بين زاعب ومزعوب = وحنا على درب النقا وافتهامه صنداح= اخويه فلاح بعيد عن كل عذروب = ولا فيه غير انه تراقل عظامه فلاح= ياعود وشبك كفك اليوم مخضوب = بيتي يروح ولا يجيني قوامه صنداح= يامنصوب لا تغلط الى صرت منصوب = ترى كل خشم اجيه وافرك عرامه المهاجر= جسيتهن ياراعي العلم يادوب = وإلا توقع بين شك وغمامه فلاح= العود كنه منك ياخوك مرعوب = واكيد عندك يالزلامي خطامه المهاجر= هذا فلاح الذيب لاشك مرهوب = معه شنب تاقع عليه النعامه صنداح= ترى شكك ماياصل هل عرف والنوب = واناشايف الي فيك ياعود شامه فلاح= ياعود وشبك كن بالعين ضبضوب= والله يستر لاتكون انته زامه صنداح= تجيب الحطب وتولع النار باسلوب = ومن يقرب النيران يكبر عدامه فلاح= ماضاق عنتر من حكايات شيبوب= لكن الاعمى ساق حدره سهامه صنداح= ليامن بغيت العلم راضي ومغصوب = ترى الحق مايزعل رجال الشهامه المهاجر= عليك حق يالزلامي وماجوب=فالرجل مايرخي لرجل سنامه صنداح= انا يالمهاجر ماتحركت في صوب = على حق وامشي مشيتٍ باستقامه المهاجر= اما تشيله او ترى فيك عذروب= وفلاح ما يرضى الخطا منك عامه كلامك اللي قلت ثبتٍ ومكتوب= تغازل على المكشوف رجل الشهامه صنداح= تسوي لها عدة ملاويح ودروب = تبيها تثور وكل جوبعسامه المهاجر= ان كان هو راضي فلا نيب مندوب = وكلٍ على نفسه يفك اختصامه فلاح= خذ من نحاس منصهر جاك مصبوب= يشوي الكبد واهل الردى والرخامه صنداح= اناخابرك رجال طيب ومحبوب = ولا ادري ويش اللي تقصده بالدرامه فلاح= صنداح وشب العود له فكر مصلوب= والي رمى ظلي تجيه الندامه المهاجر= يعني تظنه نصف راضي على الحوب= الله يوفق بين سلمى وسلامه |
||
![]() |
![]() |
رقم المشاركة : 2 | ||
|
المهاجر |
||
![]() |
![]() |
رقم المشاركة : 3 | ||
|
شعار من العيار الثقيل |
||
![]() |
![]() |
رقم المشاركة : 4 | ||
|
ههههههههه |
||
![]() |
![]() |
رقم المشاركة : 5 | ||
|
صح لسان الشعار العمالقه |
||
![]() |
![]() |
رقم المشاركة : 6 | ||
|
|
||
![]() |
![]() |
رقم المشاركة : 7 | ||
|
شكرا لك |
||
![]() |
![]() |
رقم المشاركة : 8 | ||
|
شكرا لك |
||
![]() |
![]() |
رقم المشاركة : 9 | ||
|
لك الشكر |
||
![]() |
![]() |
رقم المشاركة : 10 | ||
|
الف شكر |
||
![]() |
![]() |
مواقع النشر (المفضلة) |
الذين يشاهدون محتوى الموضوع الآن : 9 ( الأعضاء 0 والزوار 9) | |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
مضاد سباي وير / انتي سباي وير و يمحي اثرك في النت | العيناء العامريه | منتدى البرامج | 16 | 28-07-2011 05:11 AM |
][ صباح الخير ياقلبي ][ | عبدالعزيز الرقابي | همس القوافي للشعر النبطي | 37 | 04-12-2010 09:02 AM |
صباح ومساء الفطاحلة | الطائر المهاجر | قصر الفطاحلة | 49 | 02-08-2007 12:24 AM |
في ( مارس ) المعشوق كانت قصتي | السيد عبد الرازق | منتدى الشعر والخواطر بالفصيح | 31 | 01-07-2007 11:11 PM |