(نجم×الطائر) من الكتابي 12\10\1430هـ

[جلال ابراهيم الصبيح]

السلام عليكم ورحمة الله وبركاته


محاورة حامية الوطيس

الطائر المهاجر×نجم الإبداع

نجم=
سلام الله على الطائر ومن يقرى السلام الزين=على نهج الكرام وحكمة العقال نبنيها
انا اشوف الليالي المقبلات احوار شوف العين=ولا ادري يالمهاجر وش توقع في مبانيها
الطائر=
عليك الله وسلام الله وهات العلم يالدلفين=تشوف البيض وإلا الصعو في عالي محانيها
ترى في وقتنا هذا اذا ما اذنك عليها طين= يجيها من بلاوي الوقت ما يفقع سوانيها
نجم=
انا جيتك وحسبتك من اهل الحل والتفطين=واثارك من بواقي الوهم والنسيان تقنيها
انا يالضب خابر جحرك المحنى على البيتين=مسكتك يوم بالعكره وجاني ريح سانيها
الطائر=
اذا اني ضب وش وضعك غرقت بشبر في البحرين=عيونك حول حتى تهت عن اقرب موانيها
اخبرك رايح تبحث عن الألحان والتلحين= وجيت اليوم تتنطط وذيلك باقيٍ فيها
نجم=
اعرفك تاستمع في كلام اصحيبك ابو قرين=وانا ماروح لللبحرين وادور مغانيها
اذا اذنك محقن وراسك تغير عنه في يومين= فماهو ذنبي اني كل ماجيتك توانيها
الطائر=
علامك جافلٍ منها ففي البحرين زين وشين= ومادامك صرت دلفينٍ ابي تسبح حواليها
لعلك يوم تتغير وتصبح مثل ابو رجلين= عرف منهو يفوز بكاسة الكوره واهاليها
نجم=
انا ياضب صحراوي حجازي واعرف اقضي الدين=ولكن انت في صحرى علابينك تدربيها
وانا ماعشق هل الكوره ولا لي بالنصر والعين=ولالي بالجميله لو لفت تفتل علابيها
الطائر=
حجازي ذاك من اول قبل ما يعرف التدوين= لقينا الخزمري لافي من الخزمر وناديها
مع الحجاج جاء دربك على قارب عليه القين= وزورت الوثائق والعرب تدري وتخفيها
نجم=
علامك يالتميمي لو تقابل خزمري لتلين=وتغدي كاللبانه تنحني في فك راعيها
انا الازدي سليل المجد وانته من بقايا الصين=من جنود المغول الي مقطعتن اذانيها
الطائر=
يقولوا عنترٍ منكم وانا ادري راعي الكمّين= يحط بها قطاوه والمخابي اكلها فيها
ولو فكرت بهروجه لقيت بها الخطأ الفين= عمر ينهاه ما يسمع وحتى ما يداريها
نجم=
اشوف العلم متغير وخطك صار لي خطين=علوم الجد هذي لو عمر يعرف خوافيها
تداري او تماري او تلالي مالك الا الفين= صواريخ الفضاء ياعود ماتقدر تجاريها
الطائر=
صواريخ البعارين اللي تخبرها في هكالحين= شظايا تنطلق من خلف ما تقدر تجاريها
كذا انتم يهل ذيك الديار مجاوره للصين= وحنا بالفعل ف الروس مانترك بواقيها
نجم=
علامك مختلف قلبك وقمت تدلي الساقين=وتلهث كنك الا مع سلق في البر ساريها
على هونك ترى الايام تبدي سرع بالنابين=وانا اشوف الحقايق وانت عني قمت تخبيها
الطائر=
اطارد ارنبٍ جافل تغبى من ورا الضلعين= واثور فيه لكنه يرواغ عن مواطيها
ارانب جابها بحرٍ من القاصي بلا تخمين= حلالٍ ذبحها ثمٍ على النيران نشويها
نجم=
ترى مافيك حيل اتصيد الارنب يابو القوسين=وقل الشوف ياعثمان وانته ماتسويها
دع احلام الشباب وخلنا في قصة اليقطين= دقايق ثم اعود وباقي الليله نقضيها
الطائر=
اعرفك لا احتمى نار الوطيس تروح وانت ذهين= تخاف النار لاتحرق ذيولٍ كنت تخفيها
تدور عذر ما به عذر انا ناويك بالنارين= امامك ثم من خلفك ولا تقدر تحديها

[عمر ال شيبي]

ابداع * ابداع

الله يديم الشعر بوجود الفطاحل استاذنا عثمان واستاذنا فلاح


صحت قلوبكم وقد استمتعت في المحاوره يومن جت وليده تحت عيني

بيض الله وجوهكم

وشكرا لك جلال

[عبدالعزيز العمار]

نجم الابداع ** الطائر المهاجر

صحت السنتكم محاوره حامية الوطيس

لاهنتو ولاهانت روسكم ..

تحيتي

[الطامي]

هههههههههههههههههههههههههه
يويويويويويووووووووووووووووووو وووووووووووووووو
وش ذا فتل ونقض مبطين منه
صح السنتكم
رائعة بما فيها من الدفن الى الجفن
لاهنتووووووووووووووووووووووو
وعادني الا وراكم

[عبير الورد]

صحت السنتكم شعرائنا الكبار
لاهنتو على هالابداع
يعطيكم العافية

[نفحات حساسة]

صح السسسسانهم..ولاهانواا


وسلمت جلال على نقلك..

[داعي الشوق]

صحة السنتكم شعرائنا الكبار
لاهنتوا على هالابداع
يعطيكم العافية

[نجم الإبداع]

هههههههههههههه

الله يخارجنا

تسلمون يالربع واسترو ماواجهتو

وووووووووووودي

[المؤذن]

مشكور
على ما افدتنا به
تحياتي

[الهامس]

خالص الشكر والتقدير
على كل جهودك الرائعه
تقبل اطيب التحيه