المسافه

[عيدالماجد]

الاخوة اعضاء وزوار منتديات الفطاحله الكرام اضع اليوم بين ايديكم احدى قصائدي
راجيا من الله ان تعجبكم وتستمتعون بها ولكم خالص الود مضاعفا

بعد المسافه ماحرم قلبي الشوق =ولا القدر اللي خذاها مسحها
لليوم عندي قدرها عالي ن فوق = واشوفها باحزانها وبفرحها
حلم ن ومثل اللي مضى حلم مسروق=عادة زماني كل حلومي ذبحها
خلاني بعد افراقها قلب محروق=عايش بذكرى طول صمتي جرحها
عاشت مع قلبي كما دم بعروق =قصه غريبه ماحدن لي شرحها
كانت مواعيدي لها باطرف السوق=وتقبل علي معروفتن من مرحها
كانت تجيني كنها شمس بشروق=او ليلتن شقق دجاها صبحها
تقبل لها نور ن كما نور ابروق=واشواق قلبي فعل عيني فضحها
كانت لي الدنيا ولها كنت معشوق=تعطي وقلبي من حنانه منحها
بين البشر وبين محبوبتي افروق=قلبي بعد ذيك الخساير ربحها
الله عليها راقيه كلها ذوق=تسرق نظر كل من راها ولمحها
راحت ولكن في لها داخلي شوق =واشوفها باحزانها وبفرحها

[عبدالله الشويمان]

صح السانك اخوي عيد

ابيات رائعه وجزله يا الجزل

دمت بخير ولا هنت

[صوت الإحساس]

صح لسانك



عذبه

وطيبه من طيب


صلدق الود

[علي محمد العتيبي]

ياسلام
ياسلام عليك يالماجد

ابداع في ابداع

صح لسانك مليوون


اعجابي واحترامي

[راجي الحاج]

صح لسانك اخي عيد

ابيات جميله ورائعه

سلمت وسلم قلبك

[عيدالماجد]

المشاركة الأصلية كتبت بواسطة عبدالله الشويمان

صح السانك اخوي عيد

ابيات رائعه وجزله يا الجزل

دمت بخير ولا هنت

صح بدنك اخ عبدالله وشكرا على مرورك

[عيدالماجد]

الشكر ايضا للاخوان راجي الحاج وصوت الاحساس والاخ عي العتيبي وتحياتي للجميع

[محمد العسكر]

الله الله الله

قصيدة

لا تستاذن القلب

القلوب لها مشرعة

[ابومياس]

عيد الماجد

نص جزل واسلوب رائع

وطاروق جميل

صح لسانك وبيض الله وجهك

دمت بخير

[الخنساء]

كانت لي الدنيا ولها كنت معشـوق
تعطي وقلبـي مـن حنانـه منحهـا
بين البشر وبين محبوبتـي افـروق
قلبي بعـد ذيـك الخسايـر ربحهـا
الله عليهـا راقـيـه كلـهـا ذوق
تسرق نظر كل من راهـا ولمحهـا
راحت ولكن في لها داخلـي شـوق
واشوفهـا باحزانـهـا وبفرحـهـا






صح لسانك اخي الشاعر عيد الماجد
لاهان را سك قصيدة رائعه
ترجمت روعة الاحساس
سلمت وسلم شعرك
دمت بخير