((.. امنتك الله حبيبي لا تخليني ..))..!! اولى مشاركاتي ..!!

السلام عليكم

اشكر الاخ العزيز والشاعر الحكيم .. د. عثمان العبدالله - الطائر المهاجر

على دعوتي لهذا الصرح الشامه باعضاءه المتميزين

والله يجملني في اعينكم جميعا ويجعلني عند حسن ظنكم ..

وهذه اولى مشاركاتي المتواضعه اتمنى ان ترتقي لذائقتكم الكريمه ..!!

:::::::::::::::::::::::::::::: :

يضيـق بالـي مـن الفـرقـى وطاريـهـا=ويرتاح بالـي ليا من شافتك عينـي
اشغلـت فكـري حبيبـي وش تواليـهـا=وفي غيبتك دمعـة الحرمـان تشقينـي
امشي مَعَ الناس لكن دون ما اوحيها=واشلـون ابنسـاك وطيوفـك تخاوينـي
إليا طرى أسمك دموع العيـن اخفّيهـا=خوفـي مـن العـاذل اللّـي مـا يدانينـي
وإليا طرت لـي وصوفـك جـل باريهـا=مـن فيـض زيـنـك تــوزّع للمزاييـنـي
تسبى النواظر بنعس اهـداب تسبيهـا=ومن بسمتك تخطف قلـوب الملايينـي
يا مهجة الروح روحي كيف تشقيهـا=صمتك ذبحني ونـار الشـوق تكوينـي
اقـرى الرسايـل لأجـل نفسـي اسليهـا=وأثـر الرسايـل عقـب عيـنـك تعنيـنـي
مـا باقـي الاّ طيـور الــورق الآحيـهـا=اذكـر بهـا احلـى الليالـي يـوم تغلينـي
بعـت المحبـه مـن اول كنـت شاريهـا=وعلى الوصل والموده كنت توصيني
ماتـت ورود الـغـلا مـاعـدت ترويـهـا=ماتت سبـب قسوتـك يـا نـازح البينـي
حتى العهود القديمـه صـرت ناسيهـا=ولاعـاد باقـي سـوى الـذكـر تقديـنـي
زادت جـروحـي ولا غـيـرك يداويـهـا=ليتـك تـشـوف الخفـايـا كــان تبكيـنـي
ضاقـت علـي الوسيعـه مَــعْ مبانيـهـا=اطوي سنين الرجـا واقـول يـا وينـي
قلبـي يحـبـك وعيـنـي سـاكـن ٍ فيـهـا=لاتـنـخـدع بـالـعـواذل والشيـاطـيـنـي
في روض قلبي ورودك ليت تسقيهـا=تعال واسقـي ورود الحـب واسقينـي
جاتك حروف الشّعر من قبل اسميهـا=دوّر عـبــاره تـواكــب للمضـامـيـنـي
مشاعـر ٍ مــا تـبـي يــا كــود غاليـهـا=وامنـتـك الله حبيـبـي لا تخلـيـنـي ..!!

:::::::::::::::::::::::


وسلامتكم


(( .. اخوكم / حسن بن علي الهاجري ..))

[نجم الإبداع]

ارحب حياك الله

حسن الهاجري

صح لسانك وفكرك

ومصافحه راقيه

لاهنت


تقبل مروري
وودي

[مبروك بن ماضي]

الاخ الكريم الشاعر المبدع / حسن بن علي الهاجري
كالعاده .... مشرقه وجزله هي القصائد اللتي تكتبها .
صح لسانك وفكرك وحياك الله في منتدى الفطاحلة .
سجل إعجابي وسعادتي بالمرور بين أحرفك المشرقه
دمت أخا أعتز بوجودي في متصفحه
تقبل تحياتي واحترامي الكبيرين
أخوك / بن ماضي

[الخنساء]

يا مهجة الروح روحـي كيـف تشقيهـا
صمتـك ذبحنـي ونـار الشـوق تكوينـي

اقـرى الرسايـل لأجـل نفسـي اسليـهـا
وأثـر الرسايـل عـقـب عيـنـك تعنيـنـي

مـا باقـي الاّ طـيـور الــورق الآحيـهـا
اذكـر بهـا احلـى الليالـي يـوم تغليـنـي

بعـت المحبـه مـن اول كنـت شاريـهـا
وعلى الوصل والموده كنـت توصينـي

مـاتـت ورود الـغـلا مـاعـدت ترويـهـا
ماتـت سبـب قسوتـك يـا نـازح البينـي
صح لسانك الشاعر المبدع / حسن بن الهاجري
لاهان راسك رائعة بروعة وجودك
سلمت وسلم شعرك
دمت بخير

حياك الله

وصح لسانك وفكرك يابوعلي

لاهان راسك

قصيدة رائعه

[كريمة محمد]

حياك الله اخى الله يعطيك الف الف عافية واتمنى لك مزيد من التقدم والرقى اختك /كريمة محمد

[شموخ سدير]

ماتـت ورود الغـلا مـاعـدت ترويـهـا
ماتت سبب قسوتك يـا نـازح البينـي

حتى العهود القديمـه صـرت ناسيهـا
ولاعـاد باقـي سـوى الذكـر تقديـنـي

زادت جروحـي ولا غيـرك يداويـهـا
ليتـك تشـوف الخفايـا كــان تبكيـنـي

ضاقـت علـي الوسيعـه مَـعْ مبانيـهـا
اطوي سنين الرجا واقـول يـا وينـي

قلبـي يحبـك وعيـنـي سـاكـن ٍ فيـهـا
لاتـنـخـدع بـالـعـواذل والشياطـيـنـي

صح لسانك .... ولاهنت

ابدااااااااااااااااااااااااااا اااااااااااااااااااع

لا ليس ابداع بل قمة الابداع ......................... هنيئا للابداع بك

تقبل تحياي ..

اختك شموخ

[الطائر المهاجر]

ياهلا ويا مليار مليار ترحيبه بالأخ الغالي الشاعر الكبير/ حسن بن علي الهاجري
في محلك وبين اخوانك وربعك الفطاحلة
شكرا من الأعماق على قبول الدعوة
فوجودك معنا شرف كبير لنا
أرحب يالغالي
ومصافحة كلها الجزالة والجمال والإبداع من شاعر كبير
شكرا على اتحافنا بها
لاهان راسك يالغالي
مع أطيب تحياتي
الترحيب بك في قصر الفطاحلة

يامرحبااااا مليوووون

،

صح لسانك يالقرم

مصافحه ولا اروع

[منيع]

الشاعر/ حسن الهاجري
ابيات رائعه
تستحق الاعجاب
دمت مبدعا
تحياتي وتقديري