سلام الله على صاحب

[عبدالمحسن الرحمه]

سلام الله على صاحب بعيد ٍعن خفا الأعيان=له تحيه من الأعماق عريب الجد والخالي
من الزلفي أببعثها على قلبه رفيع الشان=تسامر ليله المظم تسامر وجهه الغالي
على بوح الفخر تاجه ونبراسه بلا نقصان=كريم الساس يا عزّ النسب بالحق رجالي
يقول الله سبحانه جزاء الإحسان بالإحسان=وأنا بجزي هلّ المعروف في روحي وفي مالي
ألا يا بوح يالغالي لكم في داخلي عنوان=بنيت بداخلي بيت ٍسكنته يا بعد حالي
أنا العاشق أنا المغرم أنا في حبكم غرقان=أنا من حبكم والله صراحة صابني أهبالي
دكاتر هالزمن عجزوا يداووا قلبي التعبان=يقولوا قلبك الظاهر عذاب الحب به جالي
ترى معروفكم باقي والو كثرة بي الأحزان=أبذكر دوم وقفاتك والو طال الزمن طالي
حلفت بالي رفع سبع ٍألهي خالق الإنسان=قليل ونادر ٍمثلك به الأخلاق همالي
هجوسي حاير ٍفيكم من الحيرة غدا بالشان=يبي يكتب لك أبيات ٍفريدة طعماها حالي
صراحة ( بوح ) من مثلك أبي منك تجيب الآن؟=وإذا ما عندكم رد ٍ يجيك الرد بالحالي
لا قلت حاتم أخاف أني أكون بوصفكم غلطان=وحاتم ما يوازيكم بنادي بصوتي العالي
كريم وهذا من طبعه عريب الجد والجدان=شجاع ٍ فاق في وصفه شجاعة زيد ألهلالي
صراحة موقفك هذا عجز عن فعله الأخوان=وعجز عن فعله أعمام ٍوعجز عن فعله أخوالي
شموخك معتلي كنه نجوم ٍ بالسماء تنبان=وصدرك مزبن ٍ للي شكا هم ٍ وغربالي
أبسرف في غلا حبك وأطرز أسمكم بألوان=واخلي من قرى شعري بكم يحتار طوالي
هجوسي أستعد ياالله على الميدان يحميدان=أباخذ منك بالقوة معاني طرقها إجزالي
أبكتب في غلا شخص ٍأبوزنها على النيشان=سحرني في دفاء طيبه له التقدير مازالي
ياليت العين في بيتك تناظر وجهك المزدان=وقلبي باب تفتحني بكفك ياهواء بالي
بزل الشوق في قلبي بدله هيلها مليان=أبكرم فيها رجال ٍعزيز ومنزله عالي
أتيه ابعالمه دايم أسقي زرعه الفتان=ضلوعي هي ظلال له تحفظه عن هواء الصالي
هو اللي ضمني يوم ٍأجيله تايه ٍحيران=واقوله (بوح ؟) شف بنتي كساها الدم عزَالي
كتب موضوع من شاني له التقدير والعرفان=عسى ربي يجازيهم بيوم ٍفيه ألأهوالي
يجازيهم بجنات ٍبها الأنهار والغلمان=وحور ٍثغر مبسمها يشابه برق الخيالي
عسى ربي يجنبكم ألاهي واهج النيران=ويسعد مع نبي الله محمد جزل ألأفضالي

[روح الشعر]

صح لسانك يابعدي

[منيع]

ابيات اكثر من رائعة
بوركت اخي الكريم العمر
تحياتي وودي

[داعي الشوق]

صح لسانك مليووووووووون يا عبدالمحسن

وافي و جزل و لاهنت يالشاعر

[عبدالله الشويمان]

صح السانك يا اخ عبدالمحسن

قصيده وافيه وانت وافي.

دمت بخير ولا هنت شا عرنا

[حرف وشعر]

العمر شاعر وشعر وتميز

صح قلبك

[حوريه]

بــزل الـشـوق فــي قلـبـي بـدلـه هيلـهـا مـلـيـان
أبـكـرم فيـهـا رجــال ٍعـزيــز ومـنـزلـه عـالــي

صح لسانك يا عبدالمحسن
قصيده وافيه وجميله
تسلم ويسلم حرفك
دمت بخير

0
0

[الطامي]

العمر
صح السانك ملايين
وافية من شاعر علم
ويستاهل المدح راعيه
لاهنت اخي

[الـزلـزال]

عبدالمحسن العمر

نص مميز ورائع وجميل
من شاعر متميز ورائع في كل حالاته
مبدع وممتع شاعرنا رعاك الله وسلمك
مت ودام لنا حرفك
صح لسانك ملايين ملايين
ولك فائق تحياتي وتقديري

[بنت النور]

كتبت فأبدعت واجزلت
صح لسانك ولا هنت
تحياتي الطيبة