للصمت حكمه لا بكت في معانيه.،.،.،.،.،.،.

[عبدالعزيز العمار]

السلام عليكم ورحمة الله وبركاته

مساكم / صبحكم الله بالخير ...

للتواصل مع قلوبكم تقبلومني فيض المشاعر...

تفضلو بكل سرور ...

7

7

7

7

7

يابونهار اللي له الروح نهديه=يابلسم الجرح العليل المداوي
لك منزل ٍ بالقلب شيد مبانيه=شرواك غالي بالذهب ما يساوي
قدرك على روس الشواهيق معليه=فوق المشارف معتلي كالنداوي
يالغالي اللي بين الاخوان نغليه=حيثك شقيقي والرفيق المخاوي
فيما مضى بالعهد الاول وتاليه=أنت الرفيق اللي على الدرب ضاوي
وانت الذي لاضاقت الحال ناتيه=واشكي له اللي صابني من بلاوي
وانت الذي لا بيّح السد ّ خافيه=ألقى لها صدر ٍ وسيع ٍ وحاوي
أتعبني الكتمان ماودي ارويه=خوفي من الشامت ردي ّ الهقاوي
اللي حريص ٍ للنمامه مساعيه=ماجاب لي غير النكد والشقاوي
كنه كما اللي ناقل رداه بيديه=على الردى في نقل الاخبار هاوي
أشبّهه بالجارة اللي تلاقيه=من كل بيت ٍ سيّرتها الخطاوي
للصمت حكمه لا بكت في معانيه=وللصمت صوت ٍ بالضماير حكاوي
خذ من كلامي صمتي اللي سكن فيه=وانت اللبيب اللي على العرف قاوي
ومانساك ياخالد عضيدي وباطريه=ياخوي ياللي دايم ٍ لي مداوي
شهم ٍ ولد شهم ٍ أصيلة مباديه=الوافي اللي يبرد القلب وياوي
يامسندي عند اللوازم أناديه=ماقال (لا) في يوم وماهو ب ناوي
يامحزمي واشد بالظهر انا فيه=عند الشدايد واختلاف الهقاوي
وللصمت حكمه ماشكينا خوافيه=وللصمت صوت ٍ للمعاني يداوي

عبدالعزيز بن سعد العمار
1430هـ

[صعبة المنال]

وعليكم السلام والرحمة

للصمت حكمه لا بكت في معانيـه
وللصمت صوت ٍ بالضماير حكاوي

صدقت

صح لساااانك مدد بلا عدد

صعوووب

[الـزلـزال]

أشبّهـه بالجـارة اللـي تلاقـيـه=من كل بيت ٍ سيّرتهـا الخطـاوي
للصمت حكمه لا بكت في معانيـه=وللصمت صوت ٍ بالضماير حكاوي

عبدالعزيز بن عمار
بوح في قمة الروعه والجمال
من شاعر متمكن وجزل ومميز في كل مايقدمه
مبدع ومتجدد غالينا فيما قدمته
أسعدني المقام بين حروفك الرائعه
صح لسانك ملايين ملايين
ولك فائق تحياتي وتقديري

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام

[سناعيس]

عبدالعزيز بن عمار
صح لسانك ولله درك
دائما تتحفنا بالجزل من القصيد
لاهنت

تحياتي

[الآكيد]

صح لسانك على هذه الابيات الرايعه


تقبل مروري

[الطائر المهاجر]

جزله من راس جزل
سلمت وصح لسانك
ولاهنت
تحيتي واحترامي

[داعي الشوق]

صح لسانك يالشاعر عبدالعزيز

لله دررررررررك من رائع

و النعم والله بالأخ اللي فيه من الصفات هذي ياعبدالعزيز

الله يديم المحبة والسلامه

و صح لسانك مدد بلا عدد

شاعر رائع في كل الاحوال

تحيتي لك مع التقدير

[منيع]

ابيات رائعه ومعبره
بارك الله فيكم
تحياتي لكم

[ام العمده]

صح لسانك واعتلا شانك

لاهان راسك

ابدعت بهذه الرائعه

دمت شامخاّ