مساجلة مع الشاعرسعود بن سنيدالدعيه المري

[الطامي]

المعنى بالقصايد يقلوب الشعراء
يقول سعود بن سنيد :-

سلام كنه الشمطري والنفل كنه =والمسك والكاد دهن العود يغذابه
مع دلة الزعفران وهيله وبنه = يهدى على اللي لفعل الطيب كسابه
رجل من المرجله والمرجله منه = تفخر به المرجله والطيب يزهابه
الزبده اني اذا ضاقت بي الكنه = خذيت لي ساعة وانا اتعزوابه
رجل له الفضل والتقدير والمنه = يمناه تحكم بشرع الله وكتابه
اردى مزاياه ضن الطيب من ضنه = واطيب مزاياه كلن يحسب حسابه
من صلب جدي هل التوحيد والسنه = قوم نهار اللقاء للروح جلابه
خٌص الى من تبين راعي الهنه = يبشر بفعل يفج الجوف مضرابه
علم يذكره حلم بليس بالجنه = ابليس ملعون والأحلام كابه
قول على فعل واشهوده يزكنه = من ينكر الحق لابوجد من جابه
قم يانديبي على اللي زاهي فنه = من فيد شيخ شجاع لابته لابه
غلاه عندي يساوي الروح واحنه = كنه غلا لحية الرجال واشنابه
اغليه لنه ولنه لنه ولنه = هو تاسع التسع والتسعين طلابه

الرد مني عليه :-

يامرحبا يالسنافي ردها سنه = والقلب للقلب شاهد وانته ادرابه
بيوت شعر حبكها سعود من فنه = قافه طمح للعلا والضلع يرقابه
واشكرك يامرسلٍ ذا القاف بالخنه = وارد لك مثلها والقول يتشابه
والعذر لو طولت نِرقب علمهنه = من خوف لايخطي المضمون مضرابه
والعين ماترتفع لاعلى حجبهنه = ياللي كما طويق لاحتجناه نلجابه
وصح الله السان من ندَب على انه = قاف كما الغند لاقدم لشرابه
من لابة لاحتمى البارود يردنه = ابحيح في الماء شهد لارحم من جابه
من نسل شيخ معادينه يهابنه = يومٍ عاد العرب يغزون ونهابه
كم من عقيد جموع الطير حافنه = من ضرب يمناه بالبندق ومشعابه
ومادام راسي يشم النود ماحِنه = ابشر بعزك على الرجلين واركابه
ان كان بالجاه فوجيهٍ تسدنه = والا من المال اخذ المال واجرابه
والاعلى ثورة العبرود باغنه= خالك يلم الجموع ويعلن حرابه
القاف جالك عسى الافعال تزهنه = والبيت شيد ومسينا لك اطنابه

[عبدالله الشويمان]

كفو كفو يا المريه..

وصحت السنكم صوت وصدى تبين مفيهم الابداع

لا هنتو لا هنتو

[عمر ال شيبي]

الله هالله
صوت وصدى
بيض الله وجيهكم
وصحت الالسن

[الخنساء]

صح السنتكم ولاهنتوا

صوت وصدى راااائعين

[داعي الشوق]

صح لساااااانك مليوون يا بو محمد

و صح لسان الشاعر سعود

قاف جزل و رد وافي و كفيت و اوفيت

و مشكوور على اطلاعنا لها

و لاهنتوا جميع

و صحة الالسن

[الـزلـزال]

الطامي

صوت وصدى رائعه وجميله
أبدعتوا وأمتعتوا رعاكم الله
دمت ودام لنا حرفك
صح لسانكولسان سعود ملايين ملايين
لك فائق تحياتي وتقديري

[عبير الورد]

الله الله

صحت ألسنتكم ملايين

ابدعتو في ماقدمتو

يعطيكم العافية

[منيع]

كل الروعة والابداع
شكرا لكم
تحياتي

[عبدالرحمن بن زهير]

صوت وصدى اكثر من رائع صح الله قلوبكم

[الطامي]

الشويمان
صح بدنك
وشكرا لمرورك
لاهنت