ترى ماهو صحيح اني افكر(بالصوت)

[الطائر المهاجر]

ترى ماهو صحيح إنّي افكر لازمٍ موجود = فانا موجود في عالم يبي فكري بتغريبه
يبيني جسم لا روحٍ وتفكيري عليه قيود = فلا افكّر ولا اتكلّم ولا اناقش عذاريبه
خلقنا الله وميّزنا بعقلٍ ما خلقنا قرود = فمن حقّك ومن حقّي نفكّر دون ترهيبه
بلا تفكير ما نلحق خلايق وضعها بصعود= والى من حجز تفكير الفتى ماتت مواهيبه
ومن حقك تكلّم ما تبي بالنقص والا الزود= ولكن في حدود العقل ما نقرب من الريبه
ولكن هالزمن محتاس ما ندري وش المقصود= فكلّش لاتقرّب له سوى في مدح ترتيبه
لهذا لا تفكّر واحفظ لسانك ولو مكمود= من اللي دايم تشوفه بوقتٍ واضحٍ عيبه
اذا تبغى تعيش الوقت خل العقل ما به فود = ودرب الراس مثل الناس بكل الذل والطيبه
تكبّر راس من شفته ولو هو من بقايا هنود = ترى ياما توسط وافدٍ ما يوم تحري به
وراقب وين روس القوم تومي ركع وسجود = توجّه له وخلك ذرب في هرجٍ وترحيبه
تمسمس بالبشت وانظر ببسمه تفتح الموصود = ترى للبشت هالأيام فعله في مواجيبه
وجهّز كلمةٍ فيها الشكر والحمد للمعبود = ودعوه من لسانك يحفظه دايم ذرى وهيبه
وخلّ البيت مفتوحٍ تعزم العضد والمعضود = كأنك من كبار القوم في لبسه وفي طيبه
يجيك الحظ ما يبطي يطامر كنّه المطرود = غديت واثقٍ موثوق عند العضد وصحيبه
تلبّس ثوب لوك قاصرٍ يمغطك كالممهود = وتصير الخادم المخدوم في اعلا مناسيبه
يسود الجهل في وقتٍ غدا الصيّاد به مصيود= فلا التعليم به ينفع بلا "واو" تعلّي به
وهذا الوقت وقت الجاه وراع المال به معدود = ولايسأل عن المصدر ولو يدرا به نهيبه
قليل الفكر يسعى له ولوهو بالعقل جلمود = وفي لحظه يصير الشيخ ما تطرى عذاريبه
ولو واحد فشل منهم وراح السجن كالمعهود = طلع منّه بعد مده بصك اعسار في جيبه
ومن فكّر ولا غامر يعيش بفقره المعهود = فلا له قيمة في وقت صار القرش له هيبه
وانا المقرود مع حظٍ لفاني كنه المولود = طموح العلم لاغيره أراكض في عراقيبه
قضيت العمر في الغربه وجبت العلم بالمجهود= وجيت اركض احسب إني الاقي كل ترحيبه
ولكني مشيت بدرب ما يدري عن المفقود = ولا باللي يجوع ولا فقيرٍ فاضيٍ جيبه
فلا بيتٍ لي اسكن به ولا راتب يقيم العود = وزميلٍ صار بالعالي فرض (واوه) مطاليبه
وربع كنت انا اعرفهم رسوب ودز مثل طرود = غدو في عز ما احلم به ولو مع شيبتي شيبه
عرفت ان العقل نقمه بهذا الوقت ما به فود = وفهمت العلم ما ينفع بدون (الواو) لصحيبه
إذاً: ما اقول انا موجود دام إنّ الفكر مؤود = حرامٍ وقت ضيعته وعشت العمر تغريبه

[الأموره]

وربع كنت انا اعرفهم رسوب ودز مثل طرود
غدو في عز ما احلم به ولو مع شيبتي شيبه
عرفت ان العقل نقمه بهذا الوقت ما به فـود
وفهمت العلم ما ينفع بدون (الواو) لصحيبـه
إذاً: ما اقول انا موجود دام إنّ الفكر مـؤود
حرامٍ وقت ضيعته وعشـت العمـر تغريبـه


درر يالمهآجر ..~

و مآ قلت غير الوآقع ..~

تبآرك الرحمن دآئما مبدع ..~

صح لسـآنك ملايين ..~

سلمت و سلم فكرك ..~

الف شكر لك ..~

دمت برعاية الخالق ..~

[الأموره]

المهآجر ...~

أخـــي فـــي الله ...~

كآن لآبد لي من أن أعود ...~

و كآن لآبد لـي من أن أسمح لغيري بأن يقرأها ...~

صح لسانك ملايين ..~

سلمت و سلم فكرك ...~

ألف شكر لك ..~

دمت برعاية الخالق ..~

[ام العمده]

الاستاذ/الطائر المهاجر

جمال الحروف تقف هنا

لتصفق لك بشده على مانثرته

صح لسانك واعتلا شانك

لاهان راسك

رائعه من روائعك

كتبت فأبدعت

دمت بخير

[داعي الشوق]

صح لسانك يالطائر المهاجر

ولو أنك خالفت رأي الفيلسوف

وصاحب مقولة ( انا أفكر إذا أنا موجود )

مبدع دائما يالطائر بكل جديد

هكذا الشعر والآ فلا

صح لساآآآنك مع التقدير لك

،،،،،،،،،،،،،،،

[رفيعة الشان]

فلسفة معقووله في هذا الزمن
شاعرنا المهاجر
صح الله لسانك مليوون

ولااهنت

[زهرة اللوتس]

عرفت ان العقل نقمه بهذا الوقت ما به فـود
وفهمت العلم ما ينفع بدون (الواو) لصحيبـه


إذاً: ما اقول انا موجود دام إنّ الفكـر مـؤود
حرامٍ وقت ضيعته وعشـت العمـر تغريبـه

سلمت وصح فكرك وقلبك
جزلة من راس جزل
لاهنت وبيض الله وجهك
تحياتي
وتقديري

[ابومياس]

جزل يابو عبدالله كعادتك

صح لسانك لين ترضى

ودام راسك يالذيب

دمت بخير

[منيع]

ابيات رائعة وفي الصميم
بارك الله فيكم
تحياتي

الطاائر المهاااجر

صح صح صح الساانك

قصيده رااائعه من شااعر اروع

ابدعت بطرح فكره موضوعك

ربما انها هي الاصح في زمن المتناقضات

دمت ولا هنت

موج القصيد