بعض العرب !!

[عبدالعزيز البليهد]

للشاعر القدير/ عبدالله بن باتل الرشيدي

البحر الميت

بـعض الـعرب ما ينعطي وجه بالحيل=ولـيا عـطيته وجـه صـار إلك علة
وبـعض الـعرب ماله سنع لكن حليل=بـالـضبط كـانـك لا تـمعنت ظـله
وبعض العرب شقرا و شقرا مع الخيل=مـا يـنفعك لـولا الـرموش الـمظله
و بـعض العرب لويعجبك ثرثرة ليل=و بـاكر تـرى مـا قـال لك شـي لـله
وبعض العرب مرسال مادري مريسيل=يـساير الـعالم و هـو حـاصل لـه
وبعض العرب يصلخ و ينفخ وهو ريل=و فـي زعـمه انـه يـفهم الكون كله
وبـعض العرب ما غير بندق ودربيل=و مـنين مـا هـب الـهوا جـايزٍ له
وبـعض العرب يطلع كما طلعة سهيل=و يـغيب نـجمه قـبل دربـه تـدله
وبـعض الـعرب يوذيك بالقال والقيل=تـجلس مـعه سـاعة والاخـرى تمله
نـذل و خـسيس يفصل الهرج تفصيل=و لـيـا لـقـا لــه طـيّب يـستغله
وبعض العرب منظر و كشخة وتحليل=شـبح بـحال و حـاله اخـرى كرله
لا شـفت زولـه مـن خيار الرجاجيل=ولـيـا عـرفته مـا تـجيه بـمحله
و بـعض العرب ماضيه ليل على ليل=كــد بـصـموه وصـوروه الادلـه
وبـعض الـعرب لا والله الا تـهاويل=مهما عـقدت الـحبل لازم يـحله
كــد دربـوه و لـكعوه الـرجاجيل=مـن قـبل لا يـصير الحدث جاهز له
وكـانك شجاع صحيح حارب اسرائيل=قـبـل الـيـهود الـقدس لا تـستحله
وكـلش يـهون الا الـثلاث الـغرابيل=الـمـهـزلة والـمـسكنه والـمـذله

وسلامتكو

[داعي الشوق]

صح لسان الشاعر

وتسلم اياديك عبدالعزيز

ولاهنت

[الطامي]

البليهد
صح السان الشاعر
ولاهان من نقل
شكرا للجميع

[منيع]

ابيات رائعة
كل الشكر لكم
تحياتي

[نفحات حساسة]

رائعه..،صح السانه

وسلمت ع اختيارك المميز

[طوفـــان]

اي والله ..

صح لسان الشاعر وبارك الله فيك يابعدي شاعرنا البليهد على نقلك الرائع والواقعي ...


لك تحياتي وتقديري