يامـا ...

[حمود جارالله المزيني]

تسأل عن غيابي وانا ماقدر اجيب = ياكثر ماتصعب عليّ الإجابه
انا تعبت وشبت ما يتبع الشيب = مع الهوى للعاشق الا عذابه
راحت سنينٍ باقيٍ له مضاريب = منقوش قلبي بين جرح وإصابه
ياما غذيت الحب بين المحاديب = انا طعام الحب وانا شرابه
وياما سهرت الليل ياكنـّي الذيب = اللـّي يجر عواه من جوع نابه
وياما كتبت الشعر من غير ترتيب = غصبٍ عليّ القافيه والكتابه
وياما تركت المصلحه والمواجيب = وان جا النهار الوجه كله شحابه
وياما تحرّيت الخبر والمناديب = وياما ظنون القلب ضلت وخابه
وياما شكيت الهم .. لاسمع .. لامجيب = وياما بكيت اشبهت طبع السحابه
وياما لحقني سبـّة البوح تأنيب = من حولي الاشباح كله تشابه
وياما تعذّبت وشكون المعازيب = لكنّ ماحسـّبت لااحدٍ حسابه
وياما كفرت اكبر من الشك والريب = في راي غيري مااعترفت بعتابه
وياما شطفت من العيون الرعابيب = ياكود عينٍ ماكشفنا حجابه
وياما طوان الهجر تلّ التلابيب = وياما تكبدت الجفا والصبابه
وياما لحقني من قصيدي عذاريب = وكبدي على نار المعادين ذابه
وياما قطعت من الدروب السباسيب = العمر كله راح طُعــْم اغترابه
يالين خرّب حبك العقل تخريب = وش لك بعقلٍ منصفٍ به خرابه
سلـّم على هاك الليال المعاذيب = والحاضر انثر فوق قبره ترابه
وانثر على نصايبه نفحة الطيب = والقلب لاجا طيفنا صك بابه

[الطائر المهاجر]

كتبت فأبدعت واجزلت
صح لسانك ولا هنت
تحياتي الطيبة

[عذب القوافي]

الجزل / حمود المزيني

صح لسانك مليون ولايوفون

نص وافي يعافيك ربي يالغالي

تقديري

[الآكيد]

صح لسانك على هذا الابداع


جزله من راس جزل

[داعي الشوق]

الله الله

يالشاعر حمود المزيني

صح لسانك مليوووووووووون

معاني جميلة و كلمات رائعة

مع جمال الفكرة

ياسلام عليك يا حمود

شاعر مميز في جميع الاحوال

صح لسانك مع التحية لك

[حوريه]

يالين خـرّب حبـك العقـل تخريـب=وش لك بعقلٍ منصـفٍ بـه خرابـه
سلّم علـى هـاك الليـال المعاذيـب=والحاضر انثـر فـوق قبـره ترابـه
وانثر على نصايبـه نفحـة الطيـب=والقلـب لاجـا طيفنـا صـك بابـه

حمود المزيني

تميز في قمة الروعه والجمال

وبوح جزل من شاعر عُرف عنه الجزاله

صح قلبك مليوووون

ودام حرفك


......

[عبدالله راشد الثويني]

حمود جارالله المزيني
شاعر جززززززززل .. امعتنا بهذه الباذخه
صح لسانك مليون ولا يكفون وعساك ع القوه
طامعين بجديدك
تقبل وُدي وأعطر وُردي

[احمد الجريفاني]

كتبت فاوجعت ونقضت جروحي المشابهه 000 بعض القصائد لاتغريك باكمال قرائتها ولو كانت قصيرة وبعضها تود ان لاتنتهي من الابحار معها 000 ابو جارالله وربي اني قريب من جرحك 000 دمت باحسن حال باذنه 0

[زهرة اللوتس]

سلمت وصح لسانك
جزلة من شاعر جزل
لاهنت وبيض الله وجهك
تحية طيبة

زهرة

[حي الضمير]

صح لسانك وعلا شانك
قصيده رائعه وابدعت يامميز
أجزل التحايا والاحترام