فتحت جوالي ولأحولي أشغال

[عبدالمحسن الرحمه]

فتحت جوالي ولأحولي أشغال=كوعي على المركا وحالي رديه
نويت أبكتب عن خفا الحال والبال =حال ٍ بها كل الأمور العصية
بكتب عن اللي داخل الصدر يجتال=ضيقة يلازمها هموم ٍ صليّه
عطتني من جيب الشقا دوم غربال=مصروفها دايم تزايد عليّه
الصدر دكان ٍ لها تسلب الحال =تبدل أرفوف الفرح بالأذية
تبحر بي أهمومي على شط الأهوال=أجلس لحالي والمواجع خفيه
الدمع من عيني على الخد همّال=والجوف تلعب به هموم ٍ قويه
لاحان وقت الليل جريت موال=خطر ٍعلى روحي تذوق المنية
الله أكبر يا زمان الشقا طال=ما عندكم نية تفارق عنية
عذبتني غربلتني كل الأحوال=رافقتم قليبي وصرتم سمية
كن الحشا يمه غدا فيه زلزال=تهدمن كل الضلوع العليّة
غديت بين الهم والغم صلصال=تلاعبوا فيني صباح وعشية
الهم مع غمي غدوا هم الأبطال=في مشهد أحلامي فقده الحمية
ياليت حظي يمه اليوم ينطال=والله لأسري له بكل أريحيه
مير البلا يمه غدا الحظ خيال=أبعد عن أعيوني وحالي شقيه
الله من قلب ٍ غدا فيه ولوال=سهران ليله والملا مهتنيه
من العنا جسمي يجزيه سلال=يا الله رحمك يا مجيب الشكيه
غديت بالدنيا مقيد بالحبال=محتار مالي غير رب البرية
الواحد اللي مالكٍ يوم الأهوال=راجيه يرحم من همومه عتيه
واختم واصلي عدّ ما هل همّال=وإعداد ما هلت مزون ٍ قويه
على محمد كاسب ٍ كل الأفضال=صلاة تاصله صباح وعشيه

فجر يوم الخميس

[كظيم]

اللهم صلي على محمد وعلى آل محمد كما صليت على ابرهيم وعلى آل ابراهيم إنك حميد مجيد

العمر
الله علييييييييك
قصيده في قمة الجزالـه والروعـه
رغم مابهـا من الضيقه إلا انها كايفـه
والله يرحم الحـال يابعـدي
صح لسانك وفكرك
ابدعت في سبك هـ الفاتنـه
تقبلني وتقبل مروري المتواضع لاهنت
ودي وتقديري

[داعي الشوق]

صح لساااااااااانك مليوووووون

ولاهنت يالشاعر

و هونها و تهون يا عبدالمحسن

**************

[حمود السكراني]

صح لسااااانك جزلة يالغلا حقيقة ابداع متميز سلم بوحك

[فارس القوافي]

عبدالمحسن ارحب

صح لسانك ياشاعرنا

يعطيك العافية

دمت بخير

[عمر ال شيبي]

الهم هون على اخينا العمر
صح لسانك اخي

وقلبي معك

[روح الشعر]

عبد المحسن العمر


رائع ما كتبت

صح لسانك

تقبل هدوء مروري

[منيع]

ابيات رائعة وموجعة
ربي ييسر امرك الى خير
دمت طيبا
تحياتي

[سمّار]

عبدالمحسن
صح لسانك وقلبك ياشاعرنا

يعطيك العافية

لاهنت

[الخنساء]

عذبتـنـي غربلتـنـي كـــل الأحـــوال
رافـقـتـم قلـيـبـي وصـرتــم سـمـيـة
كـن الحشـا يمـه غــدا فـيـه زلــزال
تـهـدمـن كــــل الـضـلــوع الـعـلـيّـة
غديـت بيـن الهـم والـغـم صلـصـال
تلاعـبـوا فـيـنـي صـبــاح وعـشـيـة
الهـم مـع غمـي غـدوا هـم الأبطـال
فـي مشهـد أحلامـي فـقـده الحمـيـة
يالـيـت حـظـي يـمـه الـيـوم ينـطـال
والله لأســـري لـــه بـكــل أريـحـيـه
ميـر البـلا يمـه غــدا الـحـظ خـيـال
أبعـد عـن أعيونـي وحـالـي شقـيـه




صح لسانك مليووووون

قصيدة جزلة معبرة من شاعر متمكن

سلمت ودام حرفك