جيت المطار !! حضور اول

السلام عليكم..


تحيه طيبه للجميع هنا من اعضاء ومشرفين

على رأسهم الأخ القدير عثمان العبدالله .. وأشكره على دعوته الطيبه

لهذا المنتدى العامر بكم أيها الكرام..

جـيت المطـار ودمعتي تكسي العـين=وهـمي تزاحم بين عوج الحــنايــا
ضاقت علي فجـوج وأرض و ميـادين=بساعـة فراقٍ ذقت فيـها عنـــايــا
يوم إن غيري في حـراء ناس غالين=انا اوادع مـن سـكن فـي حـشايـا
اللي خذا قلبي و فكـري من سنـين=وسقـت الغـلا يمَـه سـرايا سـرايـا
ودونت انا ويـاه عهـد ومضامـين=عـلى المحـبه وأتضـاح الــنوايـا
غـلاه فيـني مسـتقر في البطيـنين !=فـي داخـلي حـبه تـكـَون خـلايـا !
صرنا جسد واحد سكن فـيه روحـين=غـلاء سيــامي فـاق كـل الــمزايـا !
وضربت انا ويـاه روعـة مثـالين=هـو الـغـلا و انـا مثـالـي و فـايـا
في شوفتـه عيني تشـوف البسـاتين=واشـوف مـا يسـقي عـناي و ظـمايـا
وان راح عني عشـت وضـع اليتيمين=الـلي سـكنـهم صــار دار الـرعـايـا !
غـلاه كفَـــه راجـحه بالمـوازيـن=ابـيع نــاسي بــس يبـقى مـعـايــا !
قـَرب وداعـه غايتي عـصر الاثنـين=ودمــوع عينــي بيَـحــن الخـفايــا
أحس في قـلبي مـن اللـوع نـارين= نــار الـفراق اللــي كوتـني كــوايــا
حاولت أخـفي دمعـتي بين جفـنين= لين لـمحت عينـي دموعه جــرايـا
قال الوداع وقلت لحـظه على وين؟!= من أرتـباكي ضـاع قـاسي قــوايـا !!
قال احفظي لعـهودنا اليوم تكـفين=جـاوبـت هذا مايـبي لـه وصــايـا
وقال اعرفي انك على طـول تبقين=وسـط الفـؤاد وغــير كـل الصـبايـا
ونادى المنادي موعد الرحله الحين=وقفَــا وانـا وصـلـت لأخـر مـدايـا
ماكنت أصدق ويل فرقا المحـبين=ليما ان قلبي صار ضـمن الضــحايــا !!
سافر حبيبي والله فـ بعده يعين=ومهما يطـول البـعد يبـقى غـلايــا
ومهما تطول أيام وشهور وسنين=يبقى الوحـيد اللي سـكن في الحـنايــا!!

[الطائر المهاجر]

ياهلا والفين ترحيبة بأختي الغالية وشاعرتنا الكبيرة النادرة
ومصافحة ولا اروع ولا اقوى من شاعرة كبيرة
طالما استمتعنا بالعديد من دررها النادرة
شكرا على امتاعنا بها
لاهان راسك يالغالي
ولي عودة تليق بالمقام
تحياتي الطيبة

وعليكم .. الـ .. ســـلام ..

/

غاليتي ..


الـ نـــادرة ..


أول .. الـ غـيـْــث ..


قـطــــرة ..


فـ .. هـنـيـئـاً .. لـنـا ..


بـ ... وبـْـلـكِـ .. الـ .. عـَــذْب !!



كـتـبـتِ ..


فـ .. أبـدعــتِ ..


وأجـــدْتِ !!


صـ لسـانـكـ ــح ..


وزالـ أحــزانـكـ ـــت ..


دمــتِ .. بـ .. ارتـقـــاء ..


بـ انتظـار .. الـ مـزيــد ..


يـا .. رائـعــــــــة !!

[منيع]

الاخت الشاعره/ النادرة
قمه في الابداع وتصوير لحظات الوداع المره
سلم بنانك وحقق الله امالك بمن تحبين

الشاعره........... النادره

شرفنا هذا الحضور
وهذا البوج الجميــــــــــل
اهلا بك

وصح لسانك

[ابو أنس]

النادره............
باذخة رهيفة تهز المشاعر وتستدر المحاجر وتوجع القلب وتسعد القارئ
طربت لها كثيرا وتأثرت بها أكثر وعشت فصولها وكأني طرف فيها
ما أحلى المشاعر الصادقه والبوح الحقيقي ونزف القلب المرهف
مصافحة أسعدتنا وبشرتنا بقدوم قلم له وزنه وبريقه
مرحبا بك في الهمس وفي نادي الفطاحل اللذي يبدوا انه تلبس اسمه
لك تحيتي وشكري

[أم ريما]

سافر حبيبي والله فـبعـده يعيـن
ومهما يطول البعـد يبقـى غلايـا
ومهما تطول أيام وشهور وسنيـن
يبقى الوحيد اللي سكن في الحنايا


صــح لسـانـك

قصيده جميله يعطيك العااافيه

قال الوداع وقلت لحظه على وين؟!=من أرتباكي ضاع قاسـي قوايـا !!

ما اروع هذا التصوير فوالله لقد انزل هذا البيت دمعتي

[نجم الإبداع]

ياهلا ومسهلا

ارحبي
اختنا النادره
وصح لسانك على النص النادر
جزاله ورقه ومشاعر لايسع من قرأها
الا ان ياتي مرحبا بقلمك المبدع

تمنياتي لك بطيب الاقامه والتواصل



تحياتي واحترامي

[نسناس الهوى]

الشاعرة .. النادرة

طالما انتظرنا حضورك الرائع ..
وهذا هو يبدأ مشوار الابداع ..

صح لسانك وكلك على هالرائعة ..
وسجلي اعجابي ..